Ɩsɛɣɛlɩ ɩ́ tisi sɩ:

Kolontu lɑpɑ-m ɩsɑɣɑtʋ kɛ sɔsɔm kɛ hɑtoo mɑ pəcɑɑtʋ.

2 Kolontu lɑpɑ-m ɩsɑɣɑtʋ kɛ sɔsɔm kɛ hɑtoo mɑ pəcɑɑtʋ yɑ́ɑ́.

Amɑ ɩ tɑ pəsɩ-m kɛ́.

3 Ɩ mɑpɑ mɑ siɣile tɑɑ,

nɑ cɑcɑɑsɩ həntɩ.

4 Tɑcɑɑ kɛ siɣisulu kɛ́.

Ɩ sɛtɑ ɑsɑɣɑɑ ŋmɩɩsɩ kɛ sɛtəɣɩ sɛtəɣɩ.

5 Pɑ tənɑ mpɑ pɑɑ cɑɑkɩ Siyɔŋ tɔ

fɛɛlɛ ɩ́ kpɑ-wɛ nɑ pɑ́ pəsənɑ pɑ wɑɑlɩ.

6 Pɑ́ wɛɛ ɩsɩɩ kʋtuluŋ tɔɔ nyɩɩtʋ nti tə wʋləɣɩ

nɑ tə́ tɑ tɩɩ pɩɩtɑ tɔ.

7 Tɩɩ suɣi tə kpɛsəlʋ ŋkute.

Pəyele tɩɩ tɑkɩ tə hɔkʋlʋ kɛ ŋkɔlʋɣʋ.

8 Mpɑ pɑ tɛɛkənɑ Siyɔŋ tɑɑ tɔ ɩ́ tɑɑ sɛɛ-wɛ sɩ:

Tɑcɑɑ ɩ́ kooli-mɛɣɛ kʋpɑntʋ.

Tə sɛɛkɩ-mɛ nɑ Tɑcɑɑ hətɛ tɑɑ.