5
1 आत्तिन् मानिङ्वाॽफुसाम्बान्छाङ् मनाहाॽलाम्बाए सेःक्काङ् मे़न्छाम् याप्मिहाॽरे़ लागि निङ्वाॽफुमाङ्ङिन् सेवा चोःक्से़ सेःक्युक् पोःङ्लो॥ खे़ल्ले़ मे़न्छाम् याप्मिहाॽरे़ खुनिॽ लायोःन् ले़प्मि खोःमा फाॽआङ् मनाहाॽरे़ लागि चोभाॽ नु सिदुङ्जभा तोःन्दुॽरो॥ 2 खुने़ॽग थेआङ् निङ्वाॽ मे़ङ्घोए के़वाॽबाहाॽ हे़क्क्याङ् ताप्के़बे़ॽबाहाॽनु चुङ्जिगे़न् नःम्नःम्माङ् वाॽमा सुक्लो, थेआङ्भे़ल्ले़ खुने़ॽ आबाङेआङ् पाःन् फेःम्मा के़सुक्पा मे़न्छाम् याप्मिएरो॥ 3 बा खे़ल्ले़ चोगुल्ले़ए मे़न्छाम् याप्मिहाॽरे़ खुनिॽ लायोःल्ले़ लागिरक् मे़ःन्, कर खुने़ॽ आबाङे कुलायोःल्ले़ लागिआङ् सिदुङ्जभा तोःम्माए पोःङ्लो॥ 4 आत्तिल्ले़आङ् आबाङे कन् मिङ्सो इङ्धाःङ्ङिन् ताःक्मा मे़सुक्तुन्लो, कर मानिङ्वाॽफुसाम्बा हारुने़न्* हारुने़न्–खुने़ॽ मोसारे़ कुम्भुॽ वये़॥ निङ्वाॽफुमाङ्ङिल्ले़ हारुने़न्इस्राइलिहाॽरे़न् मानिङ्वाॽफुसाम्बा पोःङ्से़ उःत्तु॥ हारुने़न् स्ये़आङ् मे़सेगुसिबा निङ्वाॽफुसाम्बाहाॽ हारुनरे़ कुमुॽइदाङ्साहाॽ मे़वये़॥ निङ्वाॽफुमाङ्ङिल्ले़ उःत्तुबा कुइसिःक् निङ्वाॽफुमाङ्ङिल्ले़ खुने़ॽ उःप्माए पोःङ्लो॥
5 ख्रिस्तरे़आङ् अक्खेलॽरिक् मानिङ्वाॽफुसाम्बा पोःङ्मा मिङ्सो इङ्धाःङ्ङिन् आबाङे मे़दाःक्तुन्लो, कर निङ्वाॽफुमाङ्ङिल्ले़ खुने़ॽ सेःक्युक् चोगुर मे़त्तु,
“खे़ने़ॽग इङ्गाॽ आबुगे़न् आस्साःने़ फाॽआङ् इङ्भोःसुङ्लो, आइन् इङ्गाॽ खे़ने़ॽ पानुदिङ् के़म्बा पोःक्खाङ्ङाङ् वाॽआरो॥”* निङ्वाॽफुसाम्लो सुम् २.७
6 हे़क्क्याङ् साम्योसाप्लाओबा वेॽस्मा लक्को खुने़ॽ अक्खेलॽरिक् पाःत्तुॽ,
“खे़ने़ॽग मल्किसे़दे़क* मल्किसे़दे़क–खुने़ॽ हारुने़न्हिङे़आङ् वये़बा ये़म्नुःल्ले़ तगि, अब्राहामरे़ कुये़म्मो निङ्वाॽफुमाङ्ङिन् सेसे माङ्के़घबा निङ्वाॽफुसाम्बा वये़॥ खुने़ॽ कुधाःक्हाॽरे़ कुयाःम्बेओ हे़क्क्याङ् खुने़ॽ कुसिःमाल्ले़ कुयाःम्बेओ थेआङ् पाःत्ते़बा होःप् (हिब्रु ७.३ हे़क्क्याङ् तोलिङ्सोमु ४.१७, २०)॥ कुइसिःक्पा सदादिङ् के़वाॽबा निङ्वाॽफुसाम्बाने़रो॥”* निङ्वाॽफुसाम्लो सुम् ११०.४
7 ये़सुःन् इक्सादिङ् खाम्बेःक्मो नासिङ्गे़न् थक्को वये़ल्ले़ खुने़ॽ मिक्वानु चक्चक् साॽरिक् हाबे़र सिःमे़न्लाम् ताङ्से़ःप्मा के़सुक्पे़न्पेलि फाक्तुर तुवा चोगुरो॥ खुने़ॽ निङ्वाॽफुमाङ्ङिन् मिङ्सो इङ्धाःङ् पिरुर सेवा चोगुबाल्ले़ खुने़ॽ चोगुबा तुवाःन् निङ्वाॽफुमाङ्ङिल्ले़ ताःक्तुरो॥ 8 खुने़ॽग निङ्वाॽफुमाङ्ङिल्ले़ आबाङे आबुगे़न् कुस्साः वये़साङ् तुक्खे च्ये़बाओलाम् इङ्जाःङ्गे़म्बा पोःङ्मा हुॽसिङ्, 9 हे़क्क्याङ् कुसाङ् लस्सुआङ् कुइङ्जाःङ्के़इःप्पा के़नाःप्पा के़रे़क्ले़ लागि खुने़ॽ मे़न्नुप्मनाबा से़न्लप्रे़ कुबुन् पोःक्खे़रो॥ 10 हे़क्क्याङ् निङ्वाॽफुमाङ्ङिल्ले़ खुने़ॽग मल्किसे़दे़क कुइसिःक्पा मानिङ्वाॽफुसाम्बा सेःक्युक् चोगुरो॥
नसाःन्नो के़धुम्बा पोःङ्मा सुजा
11 कल्ले़ कुयाःम्बेओग आनिगे़ यरिक् पाःप्मा कत्तुम्बे़रो, कर खिनिॽ निङ्वाॽ के़धुङ्बा के़बोःक्खिबाल्ले़ चोगुल्ले़ पोधक् चोःक्मा साक्लो॥ 12 से़क्खाःल्ले़ कन् ये़म् थारिक्ले़ग खिनिॽग वेॽहाॽ के़हुॽबा सिक्साम्बा पोःङ्मा के़बोःङ्बा वये़, कर खिनिॽने़ निङ्वाॽफु पाःन्जाक्किल्ले़ कुहेःक्सिङ्मा निसाम्मिन् याम्मो हुॽमा के़बोःङ्बा के़बोःक्खिआङ् के़वयिॽरो॥ खिनिॽग कुजा चामा मे़न्छुक्मना नुरक् के़धुङ्बा अङे़ःक्वा कुइसिःक् के़वयिॽरो॥ 13 नुरक् के़धुङ्बान् अङे़ःक्वा चोःक्काङ् खे़ल्ले़ नुःबा नु ताप्फे़ःम्बा थेआङ् कुसिङ् निःप्मा मे़सुक्तुन्लो॥ 14 कर कुजाःङ्ग तुम्स्याक् के़बोःङ्बाल्ले़ लागिने़रो॥ खे़ङ्ग चक्मे़ल्लॽए सधासिङ्बाल्ले़ चोगुल्ले़ खे़ल्ले़ नुःबा नु ताप्फे़ःम्बा पाःन्निन् से़म्मा सुक्तुॽरो॥
*5:4 हारुने़न्–खुने़ॽ मोसारे़ कुम्भुॽ वये़॥ निङ्वाॽफुमाङ्ङिल्ले़ हारुने़न्इस्राइलिहाॽरे़न् मानिङ्वाॽफुसाम्बा पोःङ्से़ उःत्तु॥ हारुने़न् स्ये़आङ् मे़सेगुसिबा निङ्वाॽफुसाम्बाहाॽ हारुनरे़ कुमुॽइदाङ्साहाॽ मे़वये़॥
*5:5 निङ्वाॽफुसाम्लो सुम् २.७
*5:6 मल्किसे़दे़क–खुने़ॽ हारुने़न्हिङे़आङ् वये़बा ये़म्नुःल्ले़ तगि, अब्राहामरे़ कुये़म्मो निङ्वाॽफुमाङ्ङिन् सेसे माङ्के़घबा निङ्वाॽफुसाम्बा वये़॥ खुने़ॽ कुधाःक्हाॽरे़ कुयाःम्बेओ हे़क्क्याङ् खुने़ॽ कुसिःमाल्ले़ कुयाःम्बेओ थेआङ् पाःत्ते़बा होःप् (हिब्रु ७.३ हे़क्क्याङ् तोलिङ्सोमु ४.१७, २०)॥
*5:6 निङ्वाॽफुसाम्लो सुम् ११०.४