45
Oo Hodá! Tai bádsháhi abadmán ent
Pa sázger o washáwázáni sálárá. “Susanáni” tarzay sará. Kórahay chokkáni shayri gwashtánk. Eshki sawt.
1 Delon cha zébáén gálán sarréch ent,
shayré pa bádsháhá gwashán,
zobán, zabardastén nebisókéay kalamay paymá ent.
2 Taw ádamiáni nyámá zébáterén ay o
cha tai lonthán lál o gawhara gwárit,
paméshká Hodáyá tará abadmánén barkaté dátag.
3 Oo tamardén bádsháh! Gón wati shán o shawkatá
zahmá lánká band.
4 Gón hamá shawkatá péróziay aspá betáchén,
pa rásti, békebri o ensápay dáragá,
bell ke rástén dast tará bákamálén kár sój bedant.
5 Tai tir téz ant o bádsháhay dozhmenáni delá nendant,
kawm tai pádáni chérá kapant.
6 Oo Hodá! Tai bádsháhi taht modámi o abadmán ent,
tai bádsháhi asá, adl o ensápay asá ent.
7 Taw páki o rásti dóst dáshtag o cha badiá naprat kortag,
paméshká Hodáyá, tai Hodáyá, tará géshter cha tai hamráhán
shádehiay rógen per moshtag.* 45:7 Rógen per moshag, bezán pa bádsháhiá gechén kanag.
8 Sajjahén jámaget gón morr o aud o tójá moshtag o washbó butagant.
Ájén† 45:8 Ájén, bezán cha ájá addh butagén. Áj cha pillay dantánán dara kayt. kasráni tahá simmi sázáni zémel tará shádána kanant.
9 Bádsháháni jenek tai gránázén mehmán ant,
tai rástén némagá, malakah gón Opiray‡ 45:9 Ópir jágahé at ke teláhi báz at. teláháni singárá óshtátag.
10 Oo jenek! Beshkon o sharriá delgósh kan,
wati kawm o peti lógá shamósh,
11 bell bádsháh tai zébáiay shaydá bebit,
áiay démá pa adab bósht ke á tai wájah ent.
12 Suray shahray mardom§ 45:12 Asligén Ebráni nebeshtánka gwashit: “Suray shahray jenek”. Sur bandené at o mardomi hastómand atant. gón wati thékiá kayt,
shahray hastómandén mardom tai razá o washnódiay randá bant.
13 Sháhay jenek wati kasrá sakk zébdár ent,
áiay póshák zargwáp ant.
14 Gón pordóchén jámagán bádsháhay kerrá baranti,
neshtagén jenek, áiay dazgohár, áiay padá gón ant.
15 Pa shádehi dém dayaga bant o
bádsháhi kalátá sara bant.
16 Tai pet o pirokáni jágahá, óbádageta nendant,
áyán sajjahén molkay kamásh o mastera kanay.
17 Tai námay yátá nasláni nasl zendaga dárán,
paméshká sajjahén kawm tará abad tán abada názénant.