81
Drégatá mani kawmá mani habar gósh bedáshtén
Pa sázger o washáwázáni sálárá. “Gittitay”* 81:0 Báwar esh ent ke Gittit muzikay yak gálé. tarzay sará. Asápay Zabur.
1 Hodáyá pa shádehi benázénét ke may zór o wák ent,
pa Ákubay Hodáyá shádmániay kukkárá borz kanét.
2 Sáz o tamburagá bongéj kanét,
washtawárén chang o soródán.
3 Máhay nóká, gwarándhay kánthay† 81:3 Gwarándhay kánth Esráiliáni kerrá sázé. tawárá borz kanét,
máhay chárdahá, may pákén aidá.
4 É pa Esráilá hokmé,
rahbandé cha Ákubay Hodáay némagá.
5 Wahdé Mesray helápá dar átk
kánuné pa Issopá eshti.
Man eshkot, nááshnáén zobánéá gwasht:
6 “Báron cha áiay kópagá dur kort o
dast cha gránén saptá ázát kortant.”
7 Taw sakkiáni sáhatán peryát kort o man tará rakként,
man grandán andém atán o tará passaw dát,
Meribáay ápáni kerrá tará chakkáseton. Ósht...
8 Oo mani kawm! Beshkon ke tará dháha dayán,
Oo Esráil! Drégatᇠ81:8 Drégatá, bezán drécha, Pársiá “káshki”. taw mani habar gósh bedáshtén.
9 Shomay nyámá darámadén hodáé mabát o
bigánagén hodáéay démá sará jahl makanét.
10 Man Hodáwand án, tai Hodá
ke tará cha Mesrá dar kort o áwort.
Wati dapá sarjamá pach kan,
ke man porria kanán.
11 “Bale kawmá mani habar gósh nadásht o
Esráil mani parmánbardár nabut.
12 Gorhá man á yalah dátant ke wati sengén deláni randgiriá bekanant,
wati jenday ráh o hayáláni.
13 Drégatá mani kawmá mani habar gósh bedáshtén o
Esráil, mani ráhá beshotén.
14 Á wahdá man damáná áyáni dozhmen prósh dátagatant o
mani dast áyáni dozhmenáni helápá chest butagat.
15 Hamá ke cha Hodáwandá naprata kanant, dotal o sarjahl butagatant,
tán abad anchosh butagat.
16 Bale tará gehterén gandomay warákon dátagat o
tará cha talárá dar kortagén bénagá séron kortagat.”