1 Uno niuwo welesi wa wana wa Nuhu, Shemu na Hamu na Yafesi. Wano watatu weleka wana vidimalile digombo.

2 Wana wa Yafesi wakala Gomeli na Magogu na Madayi na Yavani na Tubali na Mesheki na Tilasi. 3 Wana wa Gomeli wakala Ashikenazi na Lifazi na Togoma. 4 Wana wa Yavani wakala Elisha na Talishishi na Kitimu na Dodanimu. 5 Kufosela wawo wanhu wa mhwani wapwililika muna izisi zawo hamwe na ulonzi wawo na ng'holo zawo na makabila yawo.

6 Wana wa Hamu wakala Kushi na Misili na Puti na Kanani. 7 Wana wa Kushi wakala Seba na Havila na Sabita na Lama na Sabuteka. Wana wa chilume wa Lama wakala Sheba na Dedani. 8 Kushi kamweleka Nimulodi, yoyakalile galu wa mwanduso mwiisi yose. 9 Kakala galu wa kusaka wanyama haulongozi ha Mndewa Mulungu, lekamana wanhu wolonga, “Uwe fana Nimulodi yakalile galu wa kusaka haulongozi ha Mndewa Mulungu.” 10 Mwanduso wa ufalume wake ukala Babeli na Eleki na Akadi na Kalinehi muna iisi ya Shinali. 11 Nimulodi viyalawile uko, kahita Ashulu kazenga mabululu ya Ninawi na Lehobosi na Kala, 12 na Leseni ili hagati ya Ninawi na Kala, bululu dikulu.

13 Welesi wa Misili ukala Waludima na Wanami na Walehabi na Wanafutuhima 14 na Wapatilusi na Wakashuhi na Wakafitoli, Wafilisiti niiyo mwanduso wa Wakashuhi.

15 Kanani kakala tata wa Sidoni, mwanage chaudele, na imwenga katangigwa Hiti, 16 na Kanani iviya ni tata wa Wayebusi na Waamoli na Wagiligashi, 17 na Wahivi na Waaliki na Wasini, 18 na Waavadi na Wazemali na Wahamati. Hamwande wanhu wa welesi wa Wakanaani waimwaga. 19 Hanhu ha Wakanaani handusila Sidoni kuhita Gelali mbaka kufika Gaza na nzila ya kuhita Sodoma na Gomola na Adima na Seboimu mbaka Lasha. 20 Uno niuwo welesi wa Hamu muna yamakabila yawo na ulonzi wawo na hanhu howokala na ng'holo zawo.

21 Nayo Shemu niiyo sekulu wa Yafesi, na kakala wasaho wa wana wose wa Ebeli. 22 Wana wa Shemu wakala Elamu na Ashulu na Alifakisadi na Ludi na Alamu. 23 Wana wa Alamu wakala Usi na Huli na Geteli na Mashi. 24 Alifakisadi kamweleka Shela, na Shela kamweleka Ebeli. 25 Ebeli keleka wana waidi wa chilume, zina da wa mwanduso ni Pelegi, kwaviya muna ulusita lwake isi iigola, na imwenga zina jake Yokitani. 26 Yokitani kakala tata wa Alimodadi na Shelefu na Hasalimaweti na Yela, 27 na Hadolamu na Uzali na Dikila, 28 na Obeli na Abimayeli na Sheba 29 na Ofili na Havila na Yobabu. Wawo wose wakala welesi wa Yokitani. 30 Isi yowakalile yenela kulawa Mesha mbaka Sifali kuna mulima wa isi ya ulawilo wa zua. 31 Uno niuwo welesi wa Shemu muna izisi zawo na ulonzi wawo na makabila yawo na ng'holo zawo.

32 Zino ni ng'holo za wana wa Nuhu, kusondelela ludongo lwa welesi wawo hamwe na zisi zawo. Wanhu wano wapwililika mwiizisi zose vidimalile digombo.