109
Taitala tau la tamapu avai tuta iboda mwau
1 Mwa Yaubada! Ayakawolaim. Gala ibodi bukukwapatu!
2 Tomitugaga deli tosisasopa bogwa eiwaigusi.
Isilipulaigusi,
3 e ililivalasi vavagi gaga paila yeigu,
e gala uula iwomakaiyaigusi wala.
4 Inopakaigusi mitaga ayebwaili wala matausina,
deli aninigada paila matausina.
5 Avagi vavagi bwaina baisa matausina, mitaga imapwaigusi vavagi gaga.
E ayebwaili matausina mitaga matausina ipakaigusi.
6 Kunagi avai toyakala gaga biyakali agu tilaula,
e kutugwali taitala tilaulasola wala bitabinaki matauna.
7 E ibodi matauna bisuvi oyakala e bibanaisi matauna isim kala pakula.
E ibodi gala wala bilagaisi la nigada,
bidokaisi wala la nigada iyomituli tuvaila kala pakula.
8 Ibodi la momova nani wala biwokuva,
e taitala sola bikaimapu kabala! 109.8 VA 1.20
9 Ibodi litula biwaki neuya
deli la kwava binakakau.
10 Ibodi litula gala wala si kabosisu e bininigadasi wala paila kʹasi,
e bibokavilaisi metoya avai bulusikum eivigakaisi si kabosisu.
11 Ibodi matausina eiuwasi si guguwa bikauwaisi wala la guguwa komwaidona,
e deli tomitawasi bikauwaisi komwaidona vavagi avaka eipupaisau.
12 Ibodi gala wala taitala bimitukwaii matauna,
kaina bivauli weilova magudisina eiligaim.
13 Ibodi dalela komwaidona bikaligasi,
deli yagala bilumwelavaisi avai tuta tubwa tubovau.
14 Ibodi Guyau biluluwai avaka tubula si mitugaga,
deli gala avai tuta biligaiwa inala la mitugaga.
15 Ibodi Guyau tuta komwaidona biluluwai si mitugaga,
mitaga sesia bilumwelavaisi tomota matausina.
16 Ka, tau matauna gala wala avai tuta ininanamsi sitana bininabwaila, gala wala!
Matauna ilamidadi deli ikatumati
tonamakava, togumalawa, deli tomamama.
17 Saina mbwailila bolata - ka, ibodi bibulotaisi matauna!
Kukolola wala bibigabwaila - ibodi gala taitala bibigibwaili matauna!
18 Saina tokabulobolata, iwalaki wala kala wosi.
Ibodi la bolata titoulela bisuki wowola tomwaidona makawala sopi bimigamaga,
e deli bisuki totuwala makawala kevakeva biyogagi avai guguwa.
19 Ibodi la bolata bikuboli matauna makawala kanunuva,
e tuta komwaidona bitavini wala bitapatu matauna makawala palitula.
20 Mwa Guyau! Kumipuki agu tilaula makawala avaka baisa lalivali.
Matausina goli bogwa eitabinakaigusi makawala!
21 Mitaga Guyau yoku ulo Yaubada, kupilasaigu makawala m biga katotila
e kukolaigu paila uula yoku tobobwailila.
22 Yeigu tonamakava deli togumalawa,
e alumkoli saina mmayuyu metoya olumoulegu.
23 Makawala kaikobugu odubilikoyavi e yeigu tuta pikekita wala batamwau.
Yagila iyuvisauwaigu makawala natana minumauna yeigu.
24 E kwaitutugu imama paila uula gala kaula.
Yeigu eideli wowogu e totuwanawokuva wala yeigu.
25 Avai tuta tomota igisaigusi e igigilaigusi wala.
Ikatugougeunasi wala deli si yousokana. 109.25 Md 27.39; Mk 15.29
26 Mwa! Guyau ulo Yaubada, kupilasaigu.
Paila uula m mitakwai kukwatumovaigu.
27 Kuvigaki agu tilaula binikolaisi
kidamwa yoku wala kukwatumovaigu.
28 Kaina matausina bibulotaigusi, mitaga yoku bukubigibwailigu wala.
E ibodi agu tolamadada bimamasi,
e ibodi yeigu m towotetila bammwasawa wala.
29 Ibodi agu tilaula mmosila wala bikatumati matausina.
Ibodi kasi mmosila bivigaki makawala kasi kakapula.
30 Yeigu bakaigaveka banokagutoki baisa Guyau;
e bayakawoli matauna osi sigugulaf Kugisi Sam 107.32, 26.12. tomota,
31 paila uula itabodi matauna tonamakava,
deli ikoli matauna metoya matausina availa availa ikamogaisi matauna mwada bikaliga.