39
Taitala tokagidageda la kamatula
1 Akaibiga kawagu, “Ibodi wala bayamataigu avaka bauvagi,
e deli gala batugwali mayegu bivigakaigu bamitugaga.
Gala wala avaka balivali
kidamwa tomitugaga otaligu wala.”
2 E yeigu alumgwa wala, gala kwaitala biga alivali,
kaina goli kwaitala vavagi bwaina, mitaga gala wala balivali!
Mitaga agu mmayuyu ikatumkulovi wala isisiniveka,
3 e deli saina anokubukubu sainela.
E avaka avaka baninamsi, tuvaila wala agu mwau bisisakaigu.
E gala gagabila basim kam nigada kawagu,
4 “Mwa Guyau! Ammakawala kala kaduwonaku yeigu tomomova wala basisu?
E avai tutaga bakaliga?
Kulukwaigu ammakawala kala katitaikina ulo momova biwokuva.”
5 Wo, ina kukupi lokuvigaki ulo momova!
Metoya omatam ulo momova kala gigisa gala wala isim dimlela.
E mokwita wala tomota taitala taitala tomomova isisu, la momova makawala myala yagila,
6 kaina makawala kaikobu wala.
Komwaidona avaka avaka tauvagi tavigimakavi wala.
Takatuguguli bidubadu guguwa, mitaga gala tanikoli availa bikau.
7 Mwa Guyau! Avai vavagi tuvaila bapikwaku?
Ulo pikwaku kammwaleta wala yoku.
8 Mapaila kukwatumovaigu metoya komwaidona ulo mitugaga,
deli gala bukutagwala toninagowa bigigilaigusi.
9 Yeigu balumgwa wala, e gala kwaitala biga balivali,
paila yoku wala lokuvigakaigu lalumkoli mmayuyu makawala baisa.
10 Yeigu makateki wala bakaliga metoya om lewa,
mapaila taga kumipukwaigut Kugisi Sam 38.1 kala katumiki. tuvaila!
11 Deli m kwatugasisi kumipuki tomota paila si sula,
e makawala liwoliusa la paisewa, yoku kuyogagi avaka iiyebwailisi.
E mokwita wala tomota la momova makawala myala yagila.
12 Mwa Guyau! Kulagi ulo nigada,
deli kunakaigali ulo dou.
Avai tuta bavalam kuma kuvisimolaigu.
E yeigu basiwousau Idokaisi valu watanawa Yaubada la valu, e tomota bisisuaisi tuta pikekita wala e igau oluvi bisilavaisi mapilana; kugisi 1 Lil 29.15. wala tuta pikekita baisa yoku,
makawala komwaidosi tubugwa omitibogwa.
13 Mapaila kusilavaigu, e igagabila banevikoli sitana nanogu kala mwamwasila,
oluviga bakaliga e batamwau.