34
1-2 Tauwau, yokomi saina tokabitam deli saina toninitalapula;
kunakaigalaisi avaka alilivali tuta baisa.
3 Ka, yokomi kunikolaisi wala kaula kalagitoula kala kamkwam.
Mitaga gala kunikolaisi bigala kabitam avai tuta kuligalegasi. 34.3 Yob 12.11
4 Ibodi yakidasi wala bitakibubotaisi pakula makwaina.
5 Yobi eilivala mwada matauna tobwaila,
e kawala Yaubada ipaiki gala bisaiki matauna karaiwaga duwosisia.
6 Matauna ikatupoi kawala,
“Ammakawala ibodi basopa e balivala bogwa lasula?
Yeigu isim agu kalibwaga saina mwau, mitaga gala avai mitugaga avagi.”
7 Tauwau, avai tuta sitana kugisaisi avai tau makawala Yobi?
Matauna goli gala ikamiabi Yaubada.
8 Matauna biuvakatu tomitugaga
e bititainamakava wala deli matausina.
9 Matauna eikaibiga kidamwa bitavigikoni bitabokuli Yaubada nanola,
gala wala avaka kala bwaina bitabani.
10 Tauwau, yokomi toninitalapula, ka, kunakaigalaigusi!
Ki, kudokaisi Yaubada Topeuligaga ibodi bivagi mitugaga?
11 Ka, matauna imitukwaii tomota paila avaka avaka iuvagaisi
e binagi avaka bibodi taitala taitala la bubunela. 34.11 Sam 62.12
12 Yaubada Topeuligaga gala wala immitugaga;
matauna gala avai tuta biyogagi availa.
13 Ki Yaubada eibubani la peula metoya baisa availa kaina?
Kaina availa inagi Yaubada paila bikaraiwogi valu watanawa?
14 Ka, kidamwa Yaubada bikau da momova yagisela,
15 e komwaidodasi mwada tammwamovasi, bitakaligasi,
e bitamili pwaipwaiasi tuvaila.
16 Kidamwa yokomi tokabitam ibodi bukunakaigalaigusi.
17 Ki yokomi kukwamogaisi Yaubada tomitakwai ke?
Ki kudokaisi matauna gala iyebwaili karaiwaga duwosisia?
18 Yaubada wala ikamogi gweguya deli tokaraiwogala valu,
kidamwa matausina gala dimlesi kaina tomitugaga.
19 Matauna gala ipilasi tokaraiwaga
kaina ipii matausina bidubadu si guguwa e bilamidadiga tonamakava,
paila uula matoulela wala eibubuli komwaidosi matausina.
20 Taitala tau kaina bitakainau wala la kaliga wa bogi.
Yaubada iwaiya tomota e ikaligasi,
matauna gala wala bikabi peula bikatumati topapeula.
21 Matauna imitakavati tomota da loulasi.
22 Dubilikitakita dudubalela
mitaga gala ibodi taitala tomitugaga
bisipepuni metoya baisa Yaubada.
23 Yaubada gala bikaiki wowola paila biluvituti tomota si tuta
paila bilokaiasi e biyakali matausina.
24 Matauna gala ikaiki wowola paila biyolibiga bikugwa
e oluviga bivabu availa matausina tokaraiwaga
e bikaimapuga towovau.
25 Paila matauna bogwa wala einikoli avaka avaka eiuvagaisi;
matauna ilisilai matausina metoya osi kabosisu
e wa bogi ikatudoum matausina.
26 Matauna imipuki tomitugaga omitasi komwaidona tomota,
27 paila uula matausina ipakaisi bibokulaisi nanola;
deli ikoulovaisi komwaidona la karaiwaga.
28 Matausina ikominimanaisi tonamakava bidousi baisa Yaubada,
e matauna inakaigali si nigada paila pilasi.
29 Kidamwa Yaubada gala biwonana bivagi avaka,
e gala taitala ibodi bikamogi matauna.
Kidamwa Yaubada bitotubuloki tomota,
matausina biwaki wala neuya.
30 E boda ituwoli ituwoli gala wala avai keda ibodi bivagaisi
paila bisilibodaisi tolamadada matausina
gala inikolaisi Yaubada
mwada bikaraiwogaisi matausina.
31 Mwa Yobi, ki bogwa kukwamituli m mitugaga baisa Yaubada;
e lokukwatotila gala tuvaila bukumitugaga ke?
32 Ki bogwa kukwatupoi Yaubada paila bivitulokaim m sula,
deli bogwa kuvitobu nanom gala tuvaila bukumitugaga?
33 Bogwa lokupaiki avaka Yaubada iuvagi.
Ki kudoki ibodi bukunakusi paila bivagi avaka magim?
Ibodi yoku bukunagi, galaga yeigu,
mapaila kulukwaimasi baisa tuta avaka m nanamsa.
34 Availa toninitalapula bogwa bikabwailigu!
Kidamwa taitala tokabitam binakaigalaigu,
bilivala kawala,
35 “Yobi la bigatona ililivala metoya ola nagowa.
Komwaidona la bigatona gala wala ibodi nona.”
36 Kidamwa bukuninamsi komwaidona Yobi la bigatona;
e bukubani matauna eililivala makawala taitala tomitugaga.
37 Matauna ola mitugaga ikatumkulovi tuvaila kosomapu;
e omatadasi goli matauna ikatudeu Yaubada.