12
Nigada paila pilasi
1 Mwa Guyau! Kupilasaimasi!
Gala wala taitala tau bwaina isisu.
Gala wala bitabani taitala matausina tokamokwita.
2 Komwaidosi wala isipulokaisi taitala baisa taitala.
Matausina iwabwaisi wala sesia metoya osi tainona.
3 Mwa Guyau! Kusilibodi makaisina melia kaitayela nona!
E kukibodi si bigatona makwaisina wodila kwekamnomwana kawasi,
4 “Metoya oda bigatonasi wala e bitakauwaisi avaka magidasi.
Avaka wala ninadaisi bitalilivalasi,
e gala taitala gagabila bisilibodaidasi!”
5 Mitaga Guyau ilivala kawala, “Baisa tuta wala bawa,
uula wala tonamakava eibodasi lamadada
deli togumalawa ikikayagigilasi paila kasi mmayuyu.
Ka, basaikiga si kabokwala makwaina eipikwakwaisi.”
6 Ibodi bitadubumi Guyau la biga katotila.
Katotila makwaisina kala bwaina makawala siliba migileuwokuvad Kidamwa magisi siliba bimigileu, sivatala bisailisi wa kova mwada bigabu, mitaga sitana kesala wawa bisisu. Mauula sivalima sivayu bivagaisi, e wawa bigibimkulovi e silibatoula wala bisisu.
avaka bogwa takatumigileu wa kova sivalima sivayu.
7-8 Matausina tomitugaga isisuaisi ambaisa ambaisa,
e tomota komwaidosi wala iyakawolaisi avai mitugaga avai mitugaga.
Mwa Guyau! Kukolaimasi tuta komwaidona,
e kuvabodaimasi metoya tomota makawala matausina.
d12:6 Kidamwa magisi siliba bimigileu, sivatala bisailisi wa kova mwada bigabu, mitaga sitana kesala wawa bisisu. Mauula sivalima sivayu bivagaisi, e wawa bigibimkulovi e silibatoula wala bisisu.