10
Yesu inagi tailuwotala taiyu toligalega
(Mk 3.13-19; Lk 6.12-16)
1 Yesu idou la toligalega tailuwotala taiyu bimakaiasi matauna, isaiki matausina si karaiwaga paila biyabaisi baloma gaga, e bikatuyuvisaisi lelia deli katoula komwaidona. 2 E yagasi aposetoloi Kugisi makasana Biga Kala Katumiki. tailuwotala taiyu baisa makawala; ikugwa Saimoni idokaisi Pita, toyo bodala Anideru; Sebedi latula Yemesa, toyo bodala Yoni; 3 Pilipi toyo Batolomiu; Tomasi toyo Madiu matauna tokougugula pokala; Alipio latula Yemesa toyo Tadiusa; 4 Saimoni guma Kenanij guma Kenani.Mabigana gagabila tuvaila bitagini Toyubayoba (kugisi Lk 6.15). Mimilisi idokaisi uula matauna taitala metoya wa boda mabudona ipakaisi mina Roum si karaiwaga e magisi wala bikatusunupuloiyaisi metoya okabilia. toyo Yudasa Isikariota,k Isikariota.Maigana kala katumiki kaina “guma Keriota”. Mitaga tuvaila gagabila bitakivilaisi “tosasopa” kainaga “tokwasesila”. matauna igau tokwasesila.
Matausina tailuwotala taiyu si wotetila
(Mk 6.7-13; Lk 9.1-6)
5 Matausina tailuwotala taiyu Yesu iwitali bilosi, e iluki, kawala, “Taga kulokaiasi osi valu matausina gala mina Yudia, e taga kuviloubusisi osi valu mina Sameria.l Kugisi makasana Biga Kala Katumiki. 6 Mitaga kulokaiasi sipi itamwausi metoya Isireli dalela. 7 Kuliloulasi kukwamatulasi kawami, ‘Labuma Karaiwogala ivakatitaikina.’m ivakatitaikina. Gagabila bitagini “bogwa leima.” Kugisi Md 3.2; 4.17. 8 Kukwatumovaisi tokwatoula, kuvitomalaulasi tomata, kukwatumovaisi tokwagwaiguya,n Kugisi Md 8.2 kala katumiki. kuyabaisi baloma gaga; bogwa kukwaumakavaisi, bukusemakavaisi. 10.7-15 Lk 10.4-12 9 Taga kukwauwaisi goula, kaina siliba, kaina toea okami kauya.o Kugisi Md 3.4 kala katumiki paila mabigana “palitula”. 10 E taga kupwesaisi kami kauya paila mi kwaidadina, kaina kami kwama yayu,p Kugisi Md 5.40 kala katumiki. kaina kaikemi katubukolela, kaina kaitukwa; paila ibodi toyoudila bisakaisi kʹala. 10.10 1 Kr 9.14; 1 Tm 5.18
11 “E avai valu kwaiveka kaina valu kwekekita bukuviloubusisi, bukunevisi avai tomota bitagwala bisisiaimi, e baisa bukusisuaisi igau bukusilavaisi mapilana valu. 12 E avai tuta bukusuvisi bwala makwaisina, bukubigibwailisi matausina; 13 e, kidamwa bwala makwaina bibodi, mi bigabwaila bimakaia baisa; mitaga kidamwa gala bibodi, kukwaimalaisi mabigasina. 14 E kidamwa availa gala bikamiabaimi, kaina bilagi mi biga, e kala tuta bukusilavaisi bwala makwaina kaina valu makwaina, kukwatusisapaisi pwaipwaiaq Baisa bikibuboti bogwa goli eipakaitulaisi gala magisi mapilana valu. okaikemi. 10.14 VA 13.51 15 Kululuwaisi baisa, wa Yamla Yakala bogwa bigagabila paila mina Sodom toyo mina Gomorar Mapilasina pilayu valu pilabubogwa katitaikina Milaveta Pilamata. Omitibogwa Yaubada eikatudoum metoya wa kova paila uula tolesi valu si bubunela saina gaga sainela; kugisi Vit 19.24-28. mitaga bimwau paila valu makwaiwena. 10.15 Vit 19.24-28; Md 11.24
Igau tomota biyogagaisi toligalega
(Mk 13.9-13; Lk 21.12-17)
16 “Ka, awitalaimi makawala sipi oluwalaisi kaukwa nagigasisi; mapaila bukukwavisakaisi keiyuna la kabitam, deli la bubunela bubuna nabwaila. 10.16 Lk 10.3 17 Kuyamataimi; paila tomota bikasalaimi wa gugula, e biwawaimi osi bwala tapwaroru, 10.17-20 Mk 13.9-11; Lk 12.11-12; 21.12-15 18 e bibiaimi omitasi tokwaraiwaga toyo giyouvakaveka paila uula yeigu, e bukusolasi Bulogala Bwaina baisa matausina deli baisa matausina gala mina Yudia. 19 Mitaga tutala bikasalaimi taga bukunokubukubusi paila ammakawala bukulivalasi kaina avaka bukukwaibigasi; paila matauna biviyelu oninami avaka bukukwaibigasi wa tuta matutowena. 20 Paila gala titoulemi kulilivalasi, mitaga Tamami Bilomala bilivala metoya olumoulemi.
21 “Tomota bikasalaisi budisia kaina tuwasia bikatumataisi, e tuvaila makawala bikasalaisi litusia bikatumataisi; deli litusia bipakaisi veisia, bitugwalaisi bikatumataisi. 10.21 Mk 13.12; Lk 21.16 22 Tomota komwaidosi bikoulovaimi paila uula yeigu; mitaga matauna ipeuloki igau kala vigimkovila, matauna bimova. 10.22 Md 24.9,13; Mk 13.13; Lk 21.17 23 Mitaga avai tuta bilamidadaimi ovalu kwaitala, bukusakaulasi bukulosi ituwoli valu; kululuwaisi baisa, gala bukuvinakwaisi silasola baisa Isireli viluwela komwaidona, igau yeigu Latula Tomotas Kugisi makasana Biga Kala Katumiki. bamaibogwa.
24 “Gala taitala toligalega bikalisau kala tovituloki, e gala taitala towotetila bikalisau kala tokwaraiwaga. 10.24 Lk 6.40; Yn 13.16; 15.20 25 Ibodi toligalega bipati kala tovituloki, e towotetila bipati kala tokwaraiwaga. Kidamwa yeigu tolibwala leidokaigusi Bielisibuli,t Maigana idokaisi igiyuwela yagala matauna Diabolo mwada matauna baloma gaga kasi tokwaraiwaga. Sitana makawala mina Pilisitia si yaubada yagala Bealisebubi; kugisi 2 Gwe 1.2-3. bibigigagaisi sainela matausina ulo bwala kala tosisu. 10.25 Md 9.34; 12.24; Mk 3.22; Lk 11.15
Iluki bikukolaisi availa
(Lk 12.2-7)
26 “Mapaila taga kukukolaisi tomota; avaka bitakatubukoli, igau biyoumatila; avaka bitakatupwani, igau binikolaisi. 10.26 Mk 4.22; Lk 8.17 27 Avaka alukwaimi odudubila, bukulivalaisi baisa olumalama, e avaka akasilamwaimi, bukukwamitulaisi baisa omilakatila. 28 E taga kukukolaisi matausina availa bikatumataisi woula, mitaga gala gagabila bikatumataisi baloma. Mitaga bukukukolaisi Yaubada gagabila bikatumtuwoli woula toyo baloma wa Eli. 29 Gagabila bitagimoli nayu mauna nakikekita kasi mapu kwaitala toea ke? E gala natana minasina bikapusi opwaipwaia kidamwa Tamami gala bitagwalabogwa. 30 E yokomi makawala, paila kulumi kala bawa inikoli; 31 mapaila taga kukokolasi; kami mapu ikalisau kasi mapu bidubadu mauna nakikekita.
Kamituli paila Keriso omitasi tomota
(Lk 12.8-9)
32 “Mapaila availa bikamituli eibokulaigu baisa omitasi tomota, tuvaila yeigu makawala bakamituli paila matauna baisa omatala Tamagu wa labuma. 33 Mitaga availa biyakalaigu baisa omitasi tomota, tuvaila yeigu makawala bayakali baisa omatala Tamagu wa labuma. 10.33 2 Tm 2.12
Gala lamai vakota mitaga kabilia
(Lk 12.51-53; 14.26-27)
34 “Taga kudokaisi lama mwada bamai vakota ovalu watanawa; lama gala mwada bamai vakota mitaga kabilia. 35 Paila lama basaili taitala tau bikominimanisi kasitaiyu tamala, e vivila kasitaiyu inala, e yawala kasitaiyu yawala numoya. 10.35-36 Mai 7.6 36 E tau kala tilaula matausina la bwala kala tosisu.
37 “Availa iyebwaili sainela tamala kaina inala mitaga yeigu sitana wala, matauna gala ibodaigu; e availa iyebwaili sainela latula tau kaina vivila mitaga yeigu sitana wala, matauna gala ibodaigu; 38 e availa gala bikau kala korosi bibokulaigu, matauna gala ibodaigu. 10.38 Md 16.24; Mk 8.34; Lk 9.23 39 Availa iyusi tatoula, matauna bitamwau; e availa ikitumou tatoula paila yeigu, matauna bimova. 10.39 Md 16.25; Mk 8.35; Lk 9.24; 17.33; Yn 12.25
Kamaiaba mapula
(Mk 9.41)
40 “Availa bikamiabaimi, bikamiabaigu, e availa bikamiabaigu bikamiabi matauwena iwitalaigu. 10.40 Mk 9.37; Lk 9.48; 10.16; Yn 13.20 41 Availa bikamiabi Yaubada la tokamituli paila uula Yaubada la tokamituli mokwita matauna, matauwena bibani kala vilavila kala mapu Yaubada la tokamituli. Availa ikamiabi tomitukwaibwaila paila uula tomitukwaibwaila mokwita matauna, matauwena bibani kala vilavila kala mapu tomitukwaibwaila. 42 E kululuwaisi baisa, availa bikau kwelatala sopi tula wala bivimom taitala ulo toligalega kasi tokekita paila uula matauna ulo toligalega, mokwita bibani kala mapu.”
i10:2 Kugisi makasana Biga Kala Katumiki.
j10:4 guma Kenani.Mabigana gagabila tuvaila bitagini Toyubayoba (kugisi Lk 6.15). Mimilisi idokaisi uula matauna taitala metoya wa boda mabudona ipakaisi mina Roum si karaiwaga e magisi wala bikatusunupuloiyaisi metoya okabilia.
k10:4 Isikariota.Maigana kala katumiki kaina “guma Keriota”. Mitaga tuvaila gagabila bitakivilaisi “tosasopa” kainaga “tokwasesila”.
l10:5 Kugisi makasana Biga Kala Katumiki.
m10:7 ivakatitaikina. Gagabila bitagini “bogwa leima.” Kugisi Md 3.2; 4.17.
n10:8 Kugisi Md 8.2 kala katumiki.
10:8 10.7-15 Lk 10.4-12
o10:9 Kugisi Md 3.4 kala katumiki paila mabigana “palitula”.
p10:10 Kugisi Md 5.40 kala katumiki.
10:10 10.10 1 Kr 9.14; 1 Tm 5.18
q10:14 Baisa bikibuboti bogwa goli eipakaitulaisi gala magisi mapilana valu.
10:14 10.14 VA 13.51
r10:15 Mapilasina pilayu valu pilabubogwa katitaikina Milaveta Pilamata. Omitibogwa Yaubada eikatudoum metoya wa kova paila uula tolesi valu si bubunela saina gaga sainela; kugisi Vit 19.24-28.
10:15 10.15 Vit 19.24-28; Md 11.24
10:16 10.16 Lk 10.3
10:17 10.17-20 Mk 13.9-11; Lk 12.11-12; 21.12-15
10:21 10.21 Mk 13.12; Lk 21.16
10:22 10.22 Md 24.9,13; Mk 13.13; Lk 21.17
s10:23 Kugisi makasana Biga Kala Katumiki.
10:24 10.24 Lk 6.40; Yn 13.16; 15.20
t10:25 Maigana idokaisi igiyuwela yagala matauna Diabolo mwada matauna baloma gaga kasi tokwaraiwaga. Sitana makawala mina Pilisitia si yaubada yagala Bealisebubi; kugisi 2 Gwe 1.2-3.
10:25 10.25 Md 9.34; 12.24; Mk 3.22; Lk 11.15
10:26 10.26 Mk 4.22; Lk 8.17
10:33 10.33 2 Tm 2.12
10:35 10.35-36 Mai 7.6
10:38 10.38 Md 16.24; Mk 8.34; Lk 9.23
10:39 10.39 Md 16.25; Mk 8.35; Lk 9.24; 17.33; Yn 12.25
10:40 10.40 Mk 9.37; Lk 9.48; 10.16; Yn 13.20