1 Tutala ililoula igisi taitala tau inala eiuni tokwau. 2 E la toligalega ikatupoiyaisi matauna, ikaibigasi, kawasi, “Toboma, availa imitugaga, matauna kaina veyala, mapaila inala eiuni tokwau?”

3 Yesu ivitakaula, kawala, “Matauna kala kau gala uula la mitugaga, kaina veyala; mitaga kidamwa Yaubada biyomitali la peula olumoulela matauna. 4 Ibodi bitavagaisii bitavagaisi.Mimilisi buki pilabubogwa iginisi, “bavagi”. la paisewa matauna agu towitala wa yam goli; bogwa bibogi e gala bigagabila availa bipaisewa. 5 Tutala asisu ovalu watanawa, yeigu kala lumalama valu watanawa.” 9.5 Md 5.14; Yn 8.12

6 Bogwa ilivala makawala, igiu opwaipwaia, ikenivili, e ikuma matala. 7 E iluki matauna, kawala, “Kula kukiwisi matam wa sopi Sailowam.”j Mapilana katupotala olumoulela Yerusalem. (Mabigana kala kivila “Witala”.) Mapaila ila, ikiwisa, e imilakatila matala ima.

8 Sala deli mimilisi tomota matausina tokinabogwa leigigisaisi matauna tutala inamakava, ikaibigasi, kawasi, “Ki, kaina gala matauna leisisu eininigada?”

9 Mimilisi ikaibigasi, kawasi, “E, matauwena.” Mimilisi tuvaila ikaibigasi, kawasi, “Gala, mitaga migila makawala matauna.”

Matauwena ikaibiga, kawala, “Yeigula.”

10 Mapaila ikatupoiyaisi matauna, kawasi, “Ammakawala matam imitalala?”

11 Ivitakaula, kawala, “Matauna idokaisi Yesu ikenivili pwaipwaia, ikuma matagu e ilukwaigu, kawala, ‘Kulokaia wa sopi Sailowam kukiwisa’; mapaila ala, akiwisa, e matagu imitalala.”

12 E ilukwaisi matauna, kawasi, “Ambaisa eisisu?”

Ikaibiga, kawala, “Gala anikoli.”

13 E ivakoulisi matauna omitibogwa tokwau, imiakaisi Parisi. 14 E tutala Yesu ikenivili pwaipwaia e ikuma matala, yam makwaina sabate. 15 Mapaila Parisi tuvaila ikatupoiyaisi, kawasi, “Ammakawala matam imitalala?” E iluki matausina, kawala, “Ikuma pwadidiweta omatagu, akiwisa, e agisa.”

16 Mimilisi Parisi ikaibigasi, kawasi, “Matauwena gala metoya baisa Yaubada paila gala iiyamata sabate.”k Mina Yudia kasi karaiwaga isilibodi avai paisewa, makawala paisewala pwadidiweta (kugisi mailela 14).

Mitaga mimilisi ikaibigasi, kawasi, “Ammakawala tomitugaga bivagi kabutuvatusi makawala?” E itavileiyaisi titoulesi.

17 Mapaila ilukivauwaisi matauna tokwau, kawasi, “Avaka yoku kudoki paila matauna? Ka, matam imilakatila uula matauna.”

E ikaibiga, kawala, “Matauna tovitoubobuta.”

18 Mapaila mina Yudia gala idubumaisi kidamwa matauna omitibogwa tokwau e matala bogwa eimitalala, igau idouwaisi veyala matauna matala eimitalala. 19 E ikatupoiyaisi matausina, kawasi, “Ki, matauna litumi lokukwaibigasi inala eiuni matauna tokwau? Ammakawalaga baisa tuta igigisa?”

20 Veyala ivitakaulokaisi, kawasi, “Kanikoli kidamwa matauna latuma, e inala eiuni matauna tokwau; 21 mitaga ammakawala igigisa baisa tuta gala kanikoli, e gala kanikoli availa ivagi imitalala matala. Bogwa eimila tau; kukwatupoiyaisi matauna, e bilivala paila titoulela.” 22 Veyala si bigatona makawala paila uula ikukolaisi mina Yudia; paila mina Yudia bogwa ikaraiwagasi gulitinidesi kidamwa availa bikamituli Yesu matauna Mesaia, matauwena biyabaisil Kidamwa biyabaisi availa metoya wa bwala tapwaroru, baisa iuvituloki idokaisi matauna gala taitala Yaubada la tomota. metoya wa bwala tapwaroru. 23 Baisa uula veyala leikaibigasi, kawasi, “Bogwa eimila tau; kukwatupoiyaisi matauna.”

24 Mapaila siviyuwela idouwaisi matauna omitibogwa tokwau, e ilukwaisi matauna, kawasi, “Omatala Yaubada bukukwamokwita; kanikolaisi matauwena tomitugaga.”

25 Mapaila ivitakaula, kawala, “Kaina matauna tomitugaga kaina gala, gala anikoli; ilagoli kwaitala vavagi anikoli - omitibogwa tokwau yeigu, e baisa tuta lagigisa.”

26 Mapaila ilukwaisi matauna, kawasi, “Avaka ivigakaim? Ammakawala ivigaki imitalala matam?”

27 Ivitakauloki matausina, “Lalukibogwimi, e gala bukulagaisi; avaka uula magimi bukuligivauwaisi makwaina? Ki, yokomi tuvaila bukuvigakaimi la toligalega?”

28 E ibigigagaisi matauna, ikaibigasi, kawasi, “Yokula la toligalega; mitaga yakamaisi la toligalega Mosese. 29 Kanikolaisi Yaubada bogwa leilivala baisa Mosese; mitaga paila matauwena, gala kanikolaisi ammetoya leima.”

30 Matauna ivitakaula, kawala, “Tauwau! Kaboyowalula baisa! Gala kunikolaisi ammetoya leima, mitaga ivagi imitalala matagu. 31 Tanikolaisi Yaubada gala bilagi tomitugaga mitaga kidamwa availa bitemmali Yaubada, e bivagi nanola, matauwena Yaubada bilagi. 32 Metoya okala vitouula valu watanawa gala availa ivagi makawala; gala availa ivagi imitalala matala matauna inala eiuni tokwau. 33 Kidamwa matauwena gala metoya baisa Yaubada, gala igagabila bivagi avaka.”

34 Ivitakaulokaisi matauna, kawasi, “Ammakawalaga yoku bukuvitulokaimasi? Yokula goli, inam eiunaim omitugaga.” E iyabaisi matauna metoya osi bwala tapwaroru.

35 Yesu ilagi eiyabaisi matauna; e ibani matauna, ikaibiga, kawala, “Yoku kudubumi Latula Tomota ke?”

36 Ivitakaula, kawala, “Tomoya, availa matauna, kidamwa badubumi?”

37 Yesu iluki matauna, kawala, “Lokugigisi matauna, e yeigu matauna goli kadataiyu talilivala.”

38 E ikaibiga, kawala, “Tomoya, adubumi.” E ikavagina baisa matauna.

39 E Yesu ikaibiga, kawala, “Lama baisa ovalu watanawa paila yakala, kidamwa availa availa ikau mitasi bigisaisi e availa availa igigisasi bikau mitasi.”

40 Matausina Parisi isisuaisi baisa ilagaisi e ilukwaisi matauna, “Ki yakamaisi tuvaila mina kau?”

41 Yesu iluki matausina, kawala, “Kidamwa mina kau yokomi, gala isim kami pakula; mitaga lokukwaibigasi, ‘Kagigisasi’, e mauula isim kami pakula.