1 Wa taitu makwaina guyau Usaia eikaliga,f Usaia eikaliga wa taitu makwaina 740 BC. yeigu agisi Guyau. Matauna isisu ola takaikaia,g Baisa makwaina Kabutu Didawogala isisu matabudona Bomikikila Sainela olopola Bwala Kwebumaboma. makwaina kwewonaku deli saina walakaiwa deli goli kala kwama ikasewoki wala Bwala Kwebumaboma. 6.1 2 Gwe 15.7; 2 Lil 26.23 2 E minasina mauna nammomovah Minasina mauna nammomova baisa mina labuma goli iuwotitalaisi Yaubada otutala tapwaroru. ivaulaisi ivapataisi matauna, minasina ouwosi kovawokuva wala, e natana natana minasina pinupanela kala bawa pilalima pilatala. Minasina bitobodaisi mitasi metoya pilayu pinupanesi, pilayu tuvaila bitobodaisi uwosi e kala vigimkovila pilayu paila biyoyowasi. 3 Minasina idoudousi baisa sesia kawasi,

4 E obutula wala kaigasi minasina ivigaki Bwala Kwebumaboma tumilela iyega, e olopola Bwala Kwebumaboma ikasewoki mseu. 6.4 YG 15.8

5 E yeigu alivala titoulegu kawagu, “Wo, kapisigu, yeigu bogwa bakaliga. Paila ulo biga kwaitala kwaitala alilivali gagawokuva wala, e deli lasisu oluwalaisi tomota matausina si biga kwaitala kwaitala gagawokuva wala. Mitaga omatagu titoulegu bogwa lagisi Guyau, matauna Guyau Topeuligaga!”

6 E oluvi natana minasina nammomova iyowa imakaiagu, minana ikikau kuwotala kova deli kekarisigi eilakaili eimai metoya okabolula. 7 Matauna ivakapoki bilubalogu metoya makuwona kova, e ilukwaigu kawala, “Ka! Kova makuwona bogwa eigabu bilubalom, e pikolela wowom komwaidona leiwokuva, e Yaubada bogwa eiligaiwa m mitugaga.”

8 E oluvi alagi Guyau eilivala kawala, “Availa bawitali? Availa bivagi da bigasi kala tokeula?”

E yeigu avitakaula kawagu, “Mwa! Yeigu wala bala! Kuwitalaigu!”

9 Mapaila matauna ilukwaigu bala e baluki tomota baisa makawala, kawagu, “Sivavila bukuligalegasi mitaga gala wala bukukwatetasi. Sivavila bukugigisasi mitaga gala wala bukunikolaisi avaka eikikaloubusi.” 6.9-10 Md 13.14-15; Mk 4.12; Lk 8.10; Yn 12.40; VA 28.26-27 10 Oluvi matauna ilukwaigu kawala, “Kuvigaki tomota matausina ninasi bitaboda, taigasi bituli, deli mitasi bikau, e matausina gala gagabila bigisaisi avaka, kaina bilagaisi avaka kaina bikatetasi. Mitaga kidamwa bikatetasi, matausina bitovilasi baisa yeigu e bayomovi.”

11 E yeigu akatupoi matauna kawagu, “Guyau, ammakawala kala kaduwonaku bisisu makawala?”

Matauna ivitakaulokaigu kawala, “Bisisu wala makawala, tatoula wala valu makwaisina bidadaimisi deli bivilouwokuvasi, si bwala bikwaiukuwokuvasi e valu biviloububu wala. 12 Yeigu bakaliyabi tomota bilosi kaduwonaku, e bavigakiga valu viloumwaidona bivilouwokuvasi wala. 13 Kaina taitala wala metoya tailuwotala bisim e matauna tuvaila bikaliga. Mitaga matauna kala visaiki makawala kaitala yawa bogwa eilukubalaisi e uulela wala bisisu.”

(Makaina bikibuboti Yaubada igau bivigivau la tomota.)