1  4:1 Mahe 10:42; 2 Akor 5:10; 1 P'et 4:5Bai T'imoth'i nakuamuru mbere za Mulungu na mbere za Masihi Jesu, ariye iye nde andiyeahukumu at'u mario moyo na mariofwa wakathi andihokudzathawala. 2  4:2 Mahe 20:20, 31; Tit 1:13Kwa ut'u uwo bai hubiri ro neno ra Mulungu thuwe. Hubiri wakathi wosi, ufwahao na hatha usiwofwaha. Chemera makosa, kanya at'u, na kidza uap'e moyo. Avumirire thuwe na uafundishe. 3  4:3 1 T'imo 1:10; 4:1Mana kundakudza makathi ambago at'u mandakala k'amendzi kaheri kusikira mafundisho ga jeri, mandichohenda ni kuthuwa th'amaa zao na kudzikundzumanyira alimu mandioafundisha vizho marizho manamala kusikira. 4  4:4 1 T'imo 1:4Mandakahala kusirikiza wo ujeri na hat'uhe mathuwe kusirikiza maut'u ga ngano-ngano. 5 Ela uwe bai kala matso kahi za maut'u gosi, vumirira mashaka na uhende kazi ya kuambiriza at'u Uv̱oro Udzo. Bai henda yo kaziyo t'ot'ot'o here muhumiki wa Mulungu.

6  4:6 Afil 2:17; 2 P'et 1:14Mino be vivi ni dza here sadaka iriyo ikukup'ulwani na wakathi wangu wa kuuka haha urumwenguni be udzafika. 7  4:7-8 1 Akor 9:24-25; Afil 3:12-14; 1 T'imo 1:18Nami yo k'ondo dzaipigat'o, na cho charo dzakigonyat'o na nichere ninamukuluhira Mulungu vizho. 8 Kidzichobaki ni kwenda mulunguni, na kwendagerwa yo zawadi yangu ya hachi, ambayo ye Bwana, ariye ni mulamuli wa hachi waniikira na andanip'a yo siku ya mwisho. Bai zawadi ii sindaigerwa h'akiyangu bule, ela indagerwa osini mario manathariza kwa hamu, kudzakwe.

9 Vikara, henda bidhii unifikire, kidza be usitoe bule. 10  4:10 Afil 2:21; Dema: Akol 4:14; File 24; 1 Joh 2:15; Tito: 2 Akor 2:13Mana Dema, kuku k'ako, wafwahirwa ni maut'u ga urumwengu wa vikara, bai akiniricha achenda Th'esalonike. H'aya Kiresike ye wakwenda Galatia na Tito achenda Dalimatia. 11  4:11 Luka: Akol 4:14; Mariko: Akol 4:10Haha be niriye naye ni Luka h'akeye. Ningahendza umuhale Mariko na udze naye, mana iye anadima kunifwaha sana kahi za ii kazi nihendayo kuku. 12  4:12 Tukiko: Akol 4:7-8Tukiko namuhuma Efeso. 13  4:13 Mahe 20:6Vikara chamba udzakwatya kudza, nirehera yo k'andzu yangu niriyoiricha mikononi mwa Karipo, ko T'eroa. Pia ndzo na viryahu zhuwo, haswa viryahu zha k'ingo.

14  4:14 Math' 16:27; Alekizanda: 1 T'imo 1:20Alekizanda, yuyahu musanyi, wanihendera nav̱isi sana. Bai Bwana andamona kwa gago gosini arigohenda. 15 Uwe nawe, baha udzimanyirire naye, kwani mut'u iye washindana naswi sana wakathi hurihokala hunahubiri.

16  4:16 1:15Wakathi nirihokala nidzaima kudzihehera, yo mara ya kwandza yenye, be lola k'ahana mut'u hatha mumwenga ariyeniunga mukono, osi manitsuha. H'aya bai, Mulungu na asiathalire kosa riri bule. 17  4:17 Dani 6:20; Zabu 22:21; Mahe 1:8; 23:11Vikara ganakala gaga, ye Bwana k'anirichire bule iye wakala hamwenga nami, akinangiza nguvu na nichadima kuhubiri wo Uv̱oro wosi kwa at'u osi mario si Ayahudi. Bai ko kanwa ka simba k'akanipatire bule, nathizhwa. 18  4:18 2 Akor 1:10; Afil 1:19-20Ye Bwana andanithizha na mai gosi, na andahakikisha nidzafika kahi za uthawaliwe wa mulunguni salama salimini. Bai nguma nayende ko kwakwe iye hatha kare na kare! H'aami.

19  4:19 Akw'ila na P'urisila: Mahe 18:2; Onesiforo: 2 T'imo 1:16-17H'aya, nilamusira P'urisila na Akw'ila na adamu a Onesiforo. 20  4:20 Erasito: Mahe 19:22; Arum 16:23; T'erofimo: Mahe 21:29Erasito wasala ko Korintho, T'erofimo nikimuricha ni mukongo ko Mileto. 21 Henda chadi udze kabila wakathi wa mwaka. Yubulu, P'ude, Lino na Kilaudia na o ndugu angine osi madzakulamusa.

22  4:22 Agal 6:18H'aya bai, Bwana naakale hamwenga nawe na kidza amuhase zhomu nyosi.