16
Mutsango kwa ut'u wa at'u a Mulungu
1 16:1 Mahe 11:29-30; 2 Akor 8–9Vikara, kuhusu uryahu mutsango wa kuaviza at'u a Mulungu kuko Jerusalemu, nikahendza niambe vivi: hendani here nirizhoalagiza at'u a makanisa ga Galatia. 2 Kila siku ya kwandza ya wiki, kila mumwenga wenu naahale kiasi cha p'esa kulengana na zo p'esa andizokala adzapata, na achike kwa ut'u wa wo mutsango uwo. K'ahana haja ya kunithariza hatha nidze ndo mutsange. 3 Haho nikidza, nindaandhikira baruwa za kuamanyisa aryahu at'u mundioatsagula ninwi, gonya niahume mahirike wo mutsango wenu ko Jerusalemu. 4 Ela vikikala ni karakara mimi nami nende, nindagwirana nao fwende hamwenga.
Mipango ya P'aulo
5 16:5 Mahe 15:21; 2 Akor 1:15-16Nindakudza kuko kwenu, ela ninahendza nikire na Mak'edonia kwandza. 6 16:6 Arum 15:24Hangine nindakudza nikale hamwenga nanwi kwa muda. Vichadimikika hatha wo wakathi wa p'eho nadima kuugonyera kuko, ili munavize nienderere na charo changu, kokosi nindikokwenda. 7 16:7 4:19Charo kiki ts'endzi nihende kumukirira thu. Ninamala Bwana akihendza nidze nikale hamwenga nanwi kwa muda. 8 16:8-9 Mahe 19:8-10Ela vivi kare be nindakala haha Efeso muhaka sherehe ya Pentekote ikire. 9 Kwani ingahokala mapingao ni anji, haha hana nafasi bomu ya kuhenda kazi ya kumanyikana.
10 16:10 T'imoth'i: 4:17T'imoth'i akidza kuko, hakikishani kukala k'ana wasiwasi, wakathi andihokala a kahi zenu. Kwani iye anahenda kazi ya Bwana dza zho nihendazho mimi. 11 Kwa vizho mut'u asimuv̱udhye bule, akidza mwavizeni ili aenderere na charoche na dheri, kudza kuku niriko. Kwani iye hamwenga na o ndugu zehu adzao nao, ninaathariza.
12 16:12 Apolo: 1:12Kuhusu ndugu yehu Apolo, mimi namwambira kamare kukala agwirane na o ndugu angine adze ko kwenu adze amulole, ela kwa wakathi uu k'ahendzeze bule. Kwa vizho akipata nafasi, andakudzamulola.
13 16:13 15:38; Zabu 31:24; Aefe 6:10Kalani matso, na ro kuluhiro murigwire kurunya. Imani kilume, na mukale na nguvu. 14 16:14 8:1; Joh 13:34; Arum 13:8-10; 2 Akor 6:6; Agal 6:10; Aefe 5:2Kila kit'u mundichohenda kihendeni kwa mahendzo.
15 16:15 Arum 16:5; Sitefana: 1:16Ndugu zangu, ninwi munamanya kukala Sitefana na at'u a nyumba ya kwakwe ndo at'u a kwandza kumukuluhira Masihi kuko Akaia. Kidza munamanya kukala ao madzilazha kamare kuahumikira at'u a Mulungu. Bai ninamuvoya kukala, 16 zho mandizhomulongoza ao hamwenga na ahumiki angine mahendao kazi dza ao, muthuwe vizho. 17 Kudza kwa Sitefana, Fotunato, na Akaiko kunanifwahira zhomu, kwani yo nafasi iriyokala haho kwa kutsakalako kwenu be maidzaza ao. 18 16:18 Afil 2:29; 1 Ath'es 5:12Kwani ao manihuriza moyo wangu dza zho marizhomuhuriza ninwi. Kwa vizho amanyeni at'u dza ao.
19 16:19 Arum 16:5; Asia: Ugun 1:4, 11; Akw'ila na P'urisila: Mahe 18:2Mudzalamuswa ni makanisa gosi ga Asia. Akw'ila na P'urisila, hamwenga na at'u osi mathungananao kahi za nyumba yao kwa mavoyo, madzamulamusa zhomu kahi za Bwana. 20 16:20 Arum 16:16Mudzalamuswa ni ndugu osini kuku. Na ninwi nanwi lamusanani kwa kudonerana kahi za ueri.
21 16:21 Agal 6:11; Akol 4:18; 2 Ath'es 3:17; File 19Mimi P'aulo ninandhika uvoro uu kwa mukono wangu mwenye. 22 16:22 Agal 1:8-9; Ugun 22:20Mut'u yoyosi ariye k'amwendzi Bwana, naalaniwe. Ndzo h'ewe Bwana wehu. 23 Nema ya Bwana Jesu naikale hamwenga nanwi. 24 16:24 4:21; 2 Akor 2:4; 11:11; 12:15; Afil 1:8; 2:17; 1 Ath'es 2:8; 3:12; 2 T'imo 3:10; File 9Mahendzo gangu nagakale kwenu kahi za Masihi Jesu.
16:1 16:1 Mahe 11:29-30; 2 Akor 8–9
16:5 16:5 Mahe 15:21; 2 Akor 1:15-16
16:6 16:6 Arum 15:24
16:7 16:7 4:19
16:8 16:8-9 Mahe 19:8-10
16:10 16:10 T'imoth'i: 4:17
16:12 16:12 Apolo: 1:12
16:13 16:13 15:38; Zabu 31:24; Aefe 6:10
16:14 16:14 8:1; Joh 13:34; Arum 13:8-10; 2 Akor 6:6; Agal 6:10; Aefe 5:2
16:15 16:15 Arum 16:5; Sitefana: 1:16
16:18 16:18 Afil 2:29; 1 Ath'es 5:12
16:19 16:19 Arum 16:5; Asia: Ugun 1:4, 11; Akw'ila na P'urisila: Mahe 18:2
16:20 16:20 Arum 16:16
16:21 16:21 Agal 6:11; Akol 4:18; 2 Ath'es 3:17; File 19
16:22 16:22 Agal 1:8-9; Ugun 22:20
16:24 16:24 4:21; 2 Akor 2:4; 11:11; 12:15; Afil 1:8; 2:17; 1 Ath'es 2:8; 3:12; 2 T'imo 3:10; File 9