1  13:1-7 8:1; Arum 13:8-10 13:1 2 Akor 12:3-4Hatha nikanena luga za anadamu na za malaika, ela chamba sina mahendzo, nindakala here debe huhu rivumaro hedu ndzuga. 2  13:2 12:8; Math' 7:22; 17:20Hatha nikakala nina kigerwa cha kumboza unabii, na cha kuelewa siri zosi, na kumanya kosi. Hedu nikakala na kuluhiro bomu ra kudima kuambira mirima iuke na ikauka, ela sina mahendzo, si kit'u bule. 3  13:3 Dani 3:19-20; Math' 19:21Nadima kulazha vit'u zhangu zhosi na nikalazha mwiri wangu uochwe,* 13:3 Maoro mangine ganaamba, ‘hatha nikalazha mwiri wangu ili nidzionye.’ ela chamba sina mahendzo k'avinifwaha kit'u.

4 Mahendzo, nikumuhendya mut'u akavumirira kidza akakala na mbazi. Mut'u mwenye mahendzo k'adima kuonera wivu mwandziwe hedu kudzionya. 5  13:5 10:33; Ndhum 10:12; Afil 2:4Mut'u mwenye mahendzo nikukala na t'abia mbidzo, k'atengeza maut'u ga kumufwaha iye mwenye h'akeye. Mut'u mwenye mahendzo k'ana k'oro za hehi, hedu kuhala maut'u mai arigohenderwa kugaika moyoni. 6 Mut'u mwenye mahendzo k'afwahirwa dzulu za makosa ela ni kufwahirwa dzulu za ujeri. 7 Mut'u mwenye mahendzo k'athinya mikono bule, siku zosi anakuluhira, na k'agomwa ni th'amaa bule. Iye nikuvumirira maut'u gosi.

8  13:8 12:10; 14:1-5Mahendzo k'agana mwisho bule, ela vigerwa zhosi vina mwisho. Hariho unabii, kunena na luga, hedu hatha elimu, zhosi vindakira. 9 Kwani wo unabii hamwenga na yo elimu yehu, zhosi ni vit'u virizho k'avikamili bule. 10 Ela zho virizho kamili vikidza, zho virizho k'avikamili vindakira. 11 Nirihokala ni muhoho, maneno gangu, maazo gangu, na maoni gangu gosi were ni ga kihoho. Ela nirihokala mut'u muzima, maut'u gosi ga kihoho nagaricha. 12  13:12 Arum 8:24; 2 Akor 5:7; Mulungu anahumanya: 8:3; Agal 4:9Wakathi uu furiwo, funaona wiriwiri here at'u malolao kiloloni. Ela wakathi uwo hundaona uso kwa uso. Vivi ninamanya vichache thu, ela wakathi uwo nindamanya kamare dza zho Mulungu animanyazho mimi. 13  13:13 Akol 1:4-5; 1 Ath'es 1:2-3; Tit 2:2; Aebu 10:22-24; 1 Joh 4:16Bai vivi, gadumugo ni kuluhiro, na th'amaa, na mahendzo. Ela kahi za gaga mahahu, ririro bomu zaidhi ni mahendzo.