1 Y wacami nwajo' yich'o c'a juba' chrij ri puek* Hch. 11.29; 24.17; Ro. 15.26. ri ntajin rumolic riche (rixin) chi nitek el chique ri lok'olaj tak kach'alal ri yec'o pa Jerusalem. Y can achi'el ri nbin chique ri iglesias ri yec'o pa ronojel Galacia, can queri' chuka' nwajo' chi niben riyix. 2 Ri nabey k'ij riche (rixin) ronojel semana† Lc. 24.1; Hch. 20.7. nwajo' chi ijujunal riyix tiwelesaj ca ri niwajo' niya'.‡ Pr. 3.27, 28. Ri kach'alal ri q'uiy xquich'ec, q'uiy juba' ri tiquilesaj ca, y ri kach'alal ri ma q'uiy ta xquich'ec, tiquilesaj ca janipe' ri yecowin niquiya'. Can ronojel c'a semana tibana' queri', riche (rixin) chi c'o chic ronojel tek xquinapon riyin y ma rajawaxic ta chi c'ari' nimol. 3 Y tek xquinapon, yix c'a riyix ri xquixbin achique kach'alal xque'uc'uan ri ofrenda§ 2 Co. 8.19. riche (rixin) chi ye'ito' ri kach'alal pa Jerusalem. Xtintz'ibaj c'a el jun wuj y xtinya' el chique ri kach'alal riche (rixin) chi nik'alajin chi ye riye' ri xe'icha' el ruma can cukul wi ic'u'x quiq'ui. Y yec'a kach'alal ri' ri xquentek el. 4 Y wi can rajawaxic chi yibe riyin, can yibe wi c'a ri', y riye' xaxu (xaxe wi) c'a xquenwachibilaj el.

5 Yinapon iwuq'ui pero nabey nwajo' yik'ax na pa Macedonia* Hch. 19.21; 2 Co. 1.16. y c'ac'ari' xquinapon iwuq'ui riyix. 6 Nch'obon chi tek xquinapon, nwajo' yiyaloj el juba' iwuq'ui. O riq'ui juba' xa can xtink'axaj na chuka' el ri ruk'ijul ri job† Quela' pa Corinto ri “invierno” ma ruk'ijul ta ri job, xa ruk'ijul ri tef. chiri'. Y tek xquinel el chiri' iwuq'ui, re wacami c'a ma jane k'alaj ta ri acuchi (achique) xquibe wi. Xaxu (xaxe wi) nwajo' chi riyix yinito' ta el riq'ui ri nic'atzin chuwe chupan ri nubey, ri acuchi (achique) xquibe wi.‡ Hch. 15.3. 7 Re wacami, can c'a ma jane nwajo' ta yinapon iwuq'ui, ruma ma nwajo' ta chi xaxu (xaxe wi) ta jun o ca'i' k'ij ri yic'oje' iwuq'ui. Can nwajo' c'a yiyaloj juba' iwuq'ui, wi queri' nrajo' ri Ajaf. 8 Y chuka' riyin c'a yic'oje' na wawe' pan Efeso.§ Hch. 18.19; 20.16. Tik'ax na ca ri kanimak'ij Pentecostés, c'ac'ari' xquibe. 9 Ruma ri Dios rujakon jun nimalaj puerta* 2 Co. 2.12; Ap. 3.8. chinuwech re wawe' riche (rixin) chi ntzijoj ri ruch'abel y can c'o wi utz ruc'amom pe re samaj re', astape' ye q'uiy c'a ri ye'etzelan riche (rixin).† Hch. 19.9.

10 Tek ri Timoteo xtapon chila' iwuq'ui, can tic'ulu'‡ Ro. 16.21; 2 Co. 6.1. c'a chi utzil riche (rixin) chi niquicot nic'oje' chicojol. Ruma riya' can rusamaj wi ri Ajaf ri nuben, achi'el nben riyin. 11 Rumari' majun tibano chare chi majun ruk'ij.§ 1 Ti. 4.12. Y tek xtel pe chiri' iwuq'ui, xtiya' ta pe ri nic'atzin chare riche (rixin) ri rubey y can ta riq'ui uxlanibel c'u'x nitzolin pe, ruma riyin can xtinwoyobej c'a apo quiq'ui ri kach'alal.

12 Yac'a ri kach'alal Apolos* Hch. 18.24; 1 Co. 1.12; Tit. 3.13. sibilaj xinc'utuj utzil chare chi yerachibilaj ta el ri kach'alal ri yebe iwuq'ui. Riya' xa ma xrajo' ta na pake' xbe. Pero xtapon iwuq'ui tek xtijame' chuwech.

13 Wach'alal, tichajij c'a ri ic'aslen y chuka' can cof quixc'oje' chupan ri icukbel c'u'x riq'ui ri Dios.† Mt. 24.42; Fil. 1.27; 4.1. Riyix ma titzolij ta iwi' chiwij, xa ticusaj c'a ri iwuchuk'a' ri ruya'on ri Dios chiwe. 14 Y ronojel c'a ri niben, can riq'ui c'a ajowabel‡ 1 Co. 14.1. tibana'.

15 Wach'alal, riyix iwetaman chi ri ye rufamilia ri kach'alal Estéfanas§ 1 Co. 1.16. y riya', yeri' ri nabey xeniman ri Cristo chiri' pa ruwach'ulef Acaya,* Ro. 16.5. y riye' can riq'ui c'a ronojel cánima quichapon quito'ic ri lok'olaj tak kach'alal. Ruma ya samaj ri' ri xquicha' chi niquiben. 16 Y nbij c'a chiwe chi tinimaj quitzij ri kach'alal ri', y chuka' chi tinimaj quitzij quinojel ri ye achi'el riye', ri yeto'on y niquiben ri rusamaj ri Dios.† 1 Ts. 5.12. 17 Riyin sibilaj yiquicot ruma xe'itek pe ri oxi' kach'alal wuq'ui, ri Estéfanas, ri Fortunato y ri Acaico. Pa nabey mul can sibilaj wi xixinbisoj, ruma nwajo' chi yixc'o ta pe wuq'ui chi'iwonojel, pero riq'ui ri xepe riye', wacami sibilaj yiquicot.‡ 1 Ts. 3.6. 18 Ruma can xoquicukuba' nuc'u'x riyin y can xquicukuba' chuka' ic'u'x riyix. Rumac'ari' can que'ilok'ok'ej§ Pr. 25.13, 25; 2 Co. 7.6, 7. c'a ri kach'alal ri' y ri nic'aj chic ri can ye achi'el riye'.

19 Ri iglesias ri yec'o quere' pa ruwach'ulef Asia,* Hch. 16.6; 19.10; Ap. 1.4, 11. niquitek el rutzil iwech. Y queri' chuka' pa rubi' ri Ajaf can tic'ulu' c'a ri rutzil iwech ri niquitek el ri kach'alal Aquila, ri Priscila, y quiche (quixin) ri kach'alal ri niquimol qui' pa cachoch† Ro. 16.5; Flm. 2. riye'. 20 Quinojel c'a ri kach'alal niquitek el rutzil iwech. Y chuka' nbij chiwe chi tiyala' rutzil iwech chi'ijujunal riq'ui jun lok'olaj tz'uban (tz'uman) chi'ij.‡ Ro. 16.16.

21 Riyin ri Pablo can yin c'a riyin yitz'iban el§ Col. 4.18; 2 Ts. 3.17. riq'ui nuk'a' ri rutzil iwech ri ntek el.

22 Y wi c'o c'a jun kach'alal ri ma najowan ta riche (rixin) ri Ajaf Jesucristo, xtika c'a ruc'ayewal pa ruwi'.* Mt. 25.41, 46; Ga. 1.8, 9; Jud. 14, 15. Ri Ajaf xa nipe yan.

23 Ri rutzil ri Ajaf Jesucristo xtic'oje' ta c'a iwuq'ui chi'iwonojel.† Ro. 16.20.

24 Riyin can sibilaj wi yixinwajo' chi'iwonojel riyix, ruma konojel xa jun chic kabanon riq'ui ri Cristo Jesús. Amén.