1 Rix ri yalan yixinvajo', man tinimaj* Jer. 29:8; Mt. 24:5. ri nubij jun vinek xaxe roma ri nubij chi riq'uin ri Lok'olej Espíritu petenek-vi ri nubij. Rix xa can nic'atzin chi nich'ob rij jebel richin nivetamaj, vi kitzij ri nubij chi ja ri Lok'olej Espíritu yoyon ruch'abel. Roma e q'uiy vinek chuvech re ruvach'ulef ri yebin chi ja ri ruch'abel ri Dios ri niquitzijoj, y xa man kitzij ta. 2 Y yixtiquir c'a nivetamaj, vi can riq'uin ri Lok'olej Espíritu richin ri Dios e petenek-vi, o xa man que ta ri'. Vi niquibij chi ri Jesucristo† 1 Jn. 5:1. xoc achi'el roj vinek, nuk'alajirisaj chi ja ri Lok'olej Espíritu richin ri Dios yoyon quich'abel.‡ 1 Co. 12:3. 3 Jac'a vi niquibij chi ri Jesucristo tok xpe vave' chuvech re ruvach'ulef man xoc ta achi'el roj vinek,§ 1 Jn. 2:22; 2 Jn. 7. nik'alajin chi man ja ta ri Lok'olej Espíritu richin ri Dios yoyon quich'abel. Xa ja ri espíritu richin ri itzel ri yoyon quich'abel. Ri espíritu ri netzelan richin ri Cristo y nuben chi can ja rija' ri Cristo. Jac'a espíritu re' ri ivac'axan chi c'o na chi nipe, y vacami xoka' yan c'a chuvech re ruvach'ulef.

4 Rix c'a ri can achi'el tak valc'ual, ix richin chic ri Dios, y xixch'acon yan chiquij ri k'olonela'. Roma ri Lok'olej Espíritu can c'o pa tak ivánima. Y rija' c'o c'a más ruchuk'a' que chuvech ri c'o pa tak cánima ri vinek ri c'a quicukuban na quic'u'x riq'uin re ruvach'ulef.* Jn. 12:31; 14:30; 16:11. 5 Ri k'olonela' can e richin vi re ruvach'ulef.† Jn. 3:31; 15:19; 17:14. Y romari' ri tzij ri niquibij, xa tzij richin re ruvach'ulef. Y conojel ri vinek ri c'a quicukuban na quic'u'x riq'uin re ruvach'ulef nicac'axaj ri niquibij. 6 Jac'a roj oj richin chic ri Dios.‡ Jn. 8:47. Y conojel c'a ri quetaman chic ruvech§ Jn. 10:27. ri Dios nicac'axaj ri nikabij chique.* Jn. 18:37. Jac'a ri man e richin ta ri Dios man nicac'axaj ta† Is. 8:20. ri nikabij chique. Y riq'uin ri' nik'alajin achique vinek ri c'o ri Lok'olej Espíritu riq'uin, ri kitzij Espíritu. Y chuka' nik'alajin ri vinek ri c'o ri espíritu ri man kitzij ta quiq'uin.

7 Rix c'a ri yalan yixinvajo', ninbij c'a chive: Tikajovala' c'a ki'. Roma ri ajovabel can petenek-vi riq'uin ri Dios. Vi yojajovan, nik'alajin chi kac'uan ri c'ac'a' alaxic y oj ralc'ual chic ri Dios, y chuka' ketaman ruvech jebel. 8 Jac'a vi man yojajovan ta, nik'alajin chi man ketaman ta ruvech ri Dios. Roma ri Dios can najovan-vi.‡ Ex. 34:6, 7; Sal. 36:5; Mi. 7:18; 2 Co. 13:11. 9 Y ri Dios xuc'ut chikavech chi can najovan,§ 1 Jn. 3:16. roma xutek-pe* Jn. 3:16. ri Ruc'ajol chuvech re ruvach'ulef. Y rija' can xe ri jun Ruc'ajol c'o. Pero ri Dios xutek-pe richin xuya' ri c'ac'a' c'aslen† 1 Jn. 5:11. chike. 10 Y can xk'alajin c'a achique c'a ri' ri ajovabel.‡ Tit. 3:4. Y can jac'a ri Dios ri xojajovan-pe nabey,§ Jn. 15:16. man ja ta c'a roj ri xojtiquiriban. Y roma ri janíla ajovabel riq'uin, xutek c'a pe ri Ruc'ajol richin xquen (xcom) koma, richin chi nicuyutej ri kamac.

11 Rix ri yalan yixinvajo', roma ri Dios can queri' kajovaxic ri xuben, roj can c'o c'a chuka' chi nikajovala-ki'. 12 Roma vi nikajovala-ki', can nik'alajin chi ri Dios c'o pa tak kánima, stape' rija' man tz'etel ta.* Ex. 33:20; Jn. 1:18; 1 Ti. 6:16. Y chuka' ri ajovabel richin rija' niq'uiy y nivachin pa kac'aslen. 13 Y chuka' ketaman chi jun kabanon riq'uin ri Dios y rija' can c'o pa tak kánima,† Jn. 14:20. roma c'o ri Rulok'olej Espíritu ri ruyo'on chike. 14 Y roj can katz'eton ri Ruc'ajol ri Dios,‡ Jn. 1:14. y romari' nikatzijoj chique conojel vinek chi can kitzij vi chi ri Katata' Dios xutek-pe ri Ruc'ajol richin yerucol chupan ri quimac.§ Jn. 3:17. 15 Y xabachique vinek ri nibin* Ro. 10:9. chi ja ri Jesús ri Ruc'ajol ri Dios, rija' can c'o-vi ri Dios pa ránima, y rija' chuka' can jun rubanon riq'uin ri Dios.

16 Y rija' can yojrajo-vi. Y roj chuka' can kacukuban kac'u'x riq'uin rija', y ketaman chi yojrajo', roma rija' can najovan-vi. Y vi yojajovan, jun c'a kabanon riq'uin ri Dios, y rija' c'o pa tak kánima. 17 Y ja rija' ri nibanon chike chi yalan yojajovan.† 1 Jn. 3:19. Y riq'uin ri' man xtikaxibij ta ki'‡ 1 Jn. 2:28. tok xtapon ri k'ij tok ri Dios xtuk'et tzij.§ Stg. 2:13. Man xtikaxibij ta ki' ri c'a ojc'o chuvech re ruvach'ulef roma kac'uan c'a jun c'aslen achi'el rubanic ruc'aslen ri Jesucristo. 18 Y vi can nikajo' c'a ri Dios, man jun achique roma nikaxibij-ki' chuvech.* Ro. 8:15. Roma jun tz'aket ajovabel nuben c'a chike chi man nikaxibij ta ki' chuvech ri Dios. Jac'a ri nuxibij-ri' chuvech ri Dios, man tz'aket ta ri ajovabel c'o pa ránima, y re' c'ayef nuben chire.

19 Y ja ri Dios xojajovan-pe nabey, y romari' roj xkajo' chic apo rija'. 20 Y vi nikabij chi nikajo' ri Dios y xa niketzelaj jun kach'alal, man kitzij ta ri nikabij.† 1 Jn. 2:4; 3:17. Roma vi man yekajo' ta ri kach'alal ri can yekatz'et, ¿yojtiquir ta cami nikajo' ri Dios ri xa man katz'eton ta ruvech? 21 Roma c'a ri' ri Dios ruyo'on can ri pixa' chi quekajo' ri kach'alal. Y vi nikajo' ri Dios, can quekajo' c'a chuka' ri kach'alal. Queri' ri tz'ibatel can.