Osea
Waeuwa uawa
Osea ipa God perowetawa God gagalowa wadie Israel apana diamodie. God Israel apanawa matangelamopie ita bolau kadisapia umanawa wade, ipawa mo God adiananasane ene kokoitau wadaposimoie ita do kadiwa daitada dewamoiena baiwa.
Osea manainapa i ninala rua badawa edie apana daitada mampo aleidie, tane Osea nuapare debama do ideita me nuawadawadasadie banusadie wawe aleidie wadedie mampesadie. Buka ema bedewe gagaloleidie no euwanede i sa badawa Osea edia rua Israel apanawa God adiananasane eiena, tane God me ideita mo nuawadawadamodie sauamona ando leumopio meba mampentopu.
11
Israel ipa Iawe God otopa rua
1 Iawe God wanase, “Israel oto kerauda wandia walamawe ne me nuawadawadasadine
ita me ne otona rua Isibtiwa wandio apasano nosen.✡ Matiu 2.15
2 Ne Israel apanawa kainokaino eneio baiwa osoweosowe apamodine mainawo wimpua baiwa,
tane mo ne eneia dewawa osoweosowe dewasaie enene aidantoie,
ne apanana godiu lagawaa Baal mampe pulou ituie
ita kokoitau mampo piupiu suie ita wadaposimoie.”