Wagati min Matigi Ala tun ka Siyɔn dugu ta bonya lasekɔ a ma tuun,

a tun kɛra anw ɲa na i ko siko.

2 An yɛrɛkora kosɛbɛ,

an ɲagarira fɔ ka pɛrɛn.

O tuma o tun b’a fɔra siyaw cɛ ra ko:

«Matigi Ala ka kobaw kɛ o ye dɛ!»

3 Matigi Ala ka koba kɛ anw ye,

o kosɔn an bɛ ninsɔndiya.

4 Matigi Ala, an ta bonya lasekɔ an ma,

i ko kɔji min bɛ woyo woroduguyanfan kongokolon kɔnɔ.

5 Minw ɲajibɔtɔ bɛ danni kɛ,

olugu ɲagarininba le bɛna siman tigɛ.

6 Minw kasitɔ bɛ bɔ ni siman ye o boro ka taga a dan,

olugu ɲagarininba bɛ sekɔ ni siman tigɛnin ye o boro.