12
Ebvu ekele
1 Sụ-a; mbọku ono bẹ
ịi-sụ:
“Mu e-kele ngu ekele gụbe
Chipfu; kẹle mu shi mee;
ẹhu nọdu eghu ngu eghu.
Ọle nta-a bẹ ẹhu-eghu ngu
jizetawaru;
ị bya awata mu adụ obu.
2 Lenu; ọ kwa Chileke bụ
onye ndzọta mu.
Mu a-kpọru obu ye l'ẹka ọ nọ;
ọphu ndzụ agụdu mu;
kẹle Nnajịuphu,
bụ Chipfu ono bụ ọkpehu
mu bya abụru iya bụ
olu ebvu mu.
Tẹme ọ bya nta-a bya abụru
onye dzọru mu nụ.
3 Ọ kwa ẹhu-ụtso bẹ ii-gude seta
mini lẹ wẹlu ndzọta.”
4 Noo mbọku, ịi-wata epfu sụ:
“Unu kele Chipfu ekele;
unu raku ẹpha iya!
Unu mee g'ọhamoha
madzuru iphe-ọma,
o meru!
Raa ya arara l'ẹpha iya parụ
ẹka!
5 Gụ-ku Chipfu ebvu ekele;
kẹle iphe-ọma,
o megbabẹru nyịberu
anyịbe.
Unu mekwaphọ gẹ mgboko
l'ophu madzuru iphe ono,
o megbabẹru ono!
6 Unubẹ ọha,
bu l'úbvú Zayọnu;
unu tụa ụzu ẹhu-ụtso;
kẹle onye ono,
nọ l'echilabọ unu ono
parụ ẹka;
mbụ Onye Nsọ kẹ
ndu Ízurẹlu.”