29
1 Onye aabajẹru mba
tekenteke;
ọ nọdu emerọ iphe,
oome bẹ a -bya
ajị ẹnya birimu bẹ e
mebyishiwaru iya.
Ọphu eemekọtabaedu
iya emekọta.
2 Ndu pfụberekoto -nọdu aka
shii eje bẹ ẹhu atsọje
ndiphe ụtso.
Teke onye ẹjo-iphe bụ ishi;
ndiphe atsụahaa pfụu.
3 Onye yeru mmamiphe
obu emeje g'ẹhu tsọ nna
iya ụtso.
Obenu l'onye yẹe
ụnwanyi-ụkpara aswị
ọswi anọduje eripya
ẹku iya.
4 Onye eze, ekpeje ikpe,
pfụru ọto emeje g'alị iya
pfụru pfụshia ike.
Obenu l'onye ẹnya ụphalazu
dụ alakashịje iya
alakashị.
5 Onye enwuru nemadzụ
ibiya opfu enwunwu bụ
ụgbu-egege bẹ oogeru
iya g'o chie ọkpa.
6 Onye njọ bẹ iphe-ẹji,
oome anmajẹ iya g'ọ́nyà.
Obenu l'onye pfụberekoto
anọduje agụ ebvu
ete ẹswa.
7 Onye pfụberekoto anọduje
arị g'eeme kpeeru onye
ụkpa ikpe, pfụru ọto.
Obenu l'onye ẹjo-iphe bẹ
ẹgube iphe ono te
erwudu l'ẹhu.
8 Ndu mpfubyishi akpatajẹ
ùtsú lẹ mkpụkpu.
Obenu lẹ ndu maru iphe
abyanyịje ẹhu-eghu.
9 Onye maru iphe -kpụru
onye-eswe eje l'ụlo-ikpe
bẹ onye-eswe ọbu
a-nọdule-a atụ
kwokwokwo aba mba
eye iya;
ọphu nchị abyakwa
adụ doo.
10 Ndu egbu ekere bẹ onye ụta
adụdu lẹ ndzụ iya
adụje ashị;
obenu lẹ ndu obu phẹ
gụru ìphóró anọduje
echekwa ndzụ onye
dụ nno.
11 Ọo onye mmanụ emegbuje
g'o ghuru iya.
Obenu l'onye maru iphe
esedeje onwiya mẹ ẹhu
-nọdu eghu iya eghu.
12 Onye bụ ishi -nọdu
angaje nchị l'ụka;
iphe,
bụkpoo ndu ejeru iya
ozi abụkotaerupho ndu
ẹjo-iphe.
13 Onye akpa nri yẹe onye
akpa nemadzụ ẹhu bẹ ọ
dụru iphe lanụ,
anwụje l'ẹhu ẹphenebo:
Ọo Chipfu agụsaje ẹphenebo
ono ẹnya.
14 Onye eze -nọdu egudeje
ire-lanụ ekpe ndu ụkpa
ikpe bẹ aba-eze iya
e-keẹkwarupho
jịngujingu g'o keru.
15 Ẹchachi, e gude ahụ̀ nwa
ahụ̀hù emeje gẹ nwata
maru iphe.
Obenu lẹ nwata,
a harụ ẹka emeje ne iya
iphe-iphere.
16 Ndu ẹjo-iphe -nọdu aka
shii eje;
iphe-ẹji akakwaphọ
shii eje.
Obenu lẹ ndu pfụberekoto
e-gude ẹnya hụma teke
ẹphe a-nọdu ada.
17 Hụ̀a nwa ngu ahụ̀hù hụma
l'oo-me g'ẹhu dụ
ngu guu.
Oo-me g'obu tsọhu ngu
rịkpotoo.
18 Ẹka ọphulenya adụdu
bẹ onyemonye
anọduje eme g'ọ dụ iya.
Obenu l'onye eme iphe,
a tụru l'ekemu bẹ
bụ onye e keberu l'ọma.
19 Ohu ta abụledaa opfu-ọnu bẹ
e gude ezi iya iphe;
kẹle o -dochakpọo ya nụ
ẹnya bẹ o too
yekpọdanu ọnu.
20 ?Ị hụmaru onye awọje opfu
kpokokongu?
Onye ono bẹ eelekwa ẹnya
l'onye-eswe bẹ
a-gbẹkwanu ka
akụkuta-iphe eme lẹ
yẹbedua.
21 Nwoke -swanụkaru onye-ozi
iya aswarụ;
l'ọ nụa ya aphụ l'ikpazụ iya.
22 Onye ẹhu eghu akpatsuje
nseka.
Tẹme onye obu-ọku nọdu
emeje iphe-ẹji,
dụ igwerigwe.
23 Amadụ -kuahaa onwiya;
l'o woze iya alị.
Obenu l'onye wozeru onwiya
alị bẹ aakwabẹje
ùbvù shii.
24 Onye yẹe onye-oshi emegbaa
bụkwa ọhogu onwiya.
Ọo-nụma ẹka eeri nte;
ọle ọ tọ dụdu iphe, oopfu.
25 Atsụ nemadzụ ebvu bụ ọ́nyà
bẹ ọogbabeje.
Obenu l'onye bụ onye kpọru
obu yeru Chipfu ta
adụdu iphe,
byaru eme iya nụ.
26 Aadụje igwerigwe achọ
g'onye-ishi meeru
phẹ iphe-ọma;
obenu l'onye ekpejeru
nemadzụ ikpe,
pfụru ọto bẹ bụ Chipfu.
27 Onye pfụberekoto bẹ
onye apfụbeduru ẹka
ọto adụje ashị.
Onye obu gụru ìphóró
nọdu adụjekwanu onye
ẹjo-iphe ashị.