25
Ẹtu ọzoba Sólomọnu nmashịgbaru.
1 Ndu ọwa-a bụgbakwaa
ẹtu ẹtu ọzo, Sólomọnu
nmashịru.
Ndu deru iya l'ẹkwo bụ ndibe
Hezekáya, eze ndu Jiuda.
2 Edomi iphe edomi
ekutse Chileke ekutse.
Obenu l'ọphu ekutse ndu
eze bụ avọ iphe kọta
iya ọhu.
3 Ọo g'igwe habe ephekerephe;
ọ bụru g'alị dụ-be omilomi
bụ g'obu onye eze bụ-be
iphe, a taa vọ-rwudu
avọ-rwu.
4 Rwushia ẹrwu lẹ
mkpọla-ọchaa hụma l'onye
akpụ mkpọla-ọchaa
nwewaru ẹguru iphe,
oo-gude kpụa iphe,
ọokpu.
5 Rwushia ndu ẹjo-iphe l'iphu
onye eze hụma l'aba-eze
iya bẹ oo-gude
apfụbekoto mee g'ọ
pfụshia ike.
6 B'anọdukwa l'iphu onye eze
ekutse onwongu!
Ọphu i jekwa asụgaru l'ẹka
ndu oke-amadụ kụru!
7 Ọ kakwa ree l'ọo ya sụru
ngu: “Gbẹshi bya
anọdu l'ẹguru ẹka-a!”
Eme l'ọ pfụru l'iphu
oke-amadụ mee ngu
iphe-iphere.
8 B'egudekwa k'iphe,
ị hụmaru l'ẹnya keta ọso
jeshia l'ụlo-ikpe.
Lẹ-a; ?ii-mekwanụ iya
ime-agha l'ikpazụ iya;
mẹ e -mechaa;
nemadzụ ibe ngu pfuru
iphe-iphere kpua ngu?
9 Teke gụ lẹ nemadzụ
ibe ngu atụ ịgoligoli;
b'ewokwaru iphe,
nemadzụ pfuru ngu lẹ
mpya woru rakaa araka.
10 Ọdumeka bẹ onye nụmaru
iya nụ e-mekwa ngu
iphe-iphere.
Ọphu ẹjo ẹpha,
ii-vuta achịhubaekwa
achịhu l'ẹhu ngu.
11 Opfu, e pfuru l'o rwuberu iya
dụ g'igopoto akpụru ụdara,
a garụ ye l'iyagba
mkpọla-ọchaa.
12 Mba, onye maru iphe abarụ
onye angabẹje nchị
l'opfu, eepfuru iya
bẹ dụ g'iphe-nchị,
e gude mkpọla-ododo
mee; ọzoo g'iphe ọzo,
e gude akwa onwonye akwa,
e gude ọkpobe
mkpọla-ododo mee.
13 Ọo g'akamini-sunoo ejije
oyi gua ẹhu egugu
l'ọkpaji-a bụ gẹ nwozi,
e gude ire iya ẹka eguje
ẹhu ndu ziru iya ozi.
Mbụ l'oomeje g'obu guzeta
ndu nwe iya nụ.
14 Ọo g'urwukpu,
rwuru erwurwu
zia phẹrephere;
ọphu oodzeẹduru
mini dụ; bụ gẹ nwoke,
eku onwiya lẹ ya
emeje iphe-ọma,
o to mejedu dụ.
15 Ọ kwa nshirima l'e-me
g'onye-ishi mee iphe,
o shidu kwe lẹ ya e-me.
Mbụ l'ire, atụ gwẹlegwele
egbujijekwa ọkpu.
16 Ị -hụma manụ-ẹnwu;
ritakwa iya l'okiya.
I -rinụka iya l'ị gbọo ya.
17 Jeta ibe nemadzụ ibe ngu
l'ahụma.
I -jenụka iya l'ị dụ iya ashị.
18 Ọo gẹ mgbọro,
emeje ẹhuka-a;
ọzoo ogu-echi;
ọzoo apfụ;
noo g'ọoduje;
mbụ nwoke agba ekebe
lẹ nemadzụ ibiya
meru iphe, o medụru.
19 Adakobe onye eegudedu ire
iya ẹka teke iphe atsụ
nemadzụ l'ẹhu dụkwa
g'onye eme g'ọ taa
iphe l'eze, eme iya
rikwo rikwo;
ọzoo onye ẹniyeni,
eme g'o jee ije l'ọkpa,
nwụhuru iya anwụhu.
20 Agụ ebvu eyeru onye
ọkpoma dụ ẹji dụ g'e
yefuru iya uwe
gbabẹ iya ẹhu ọto
l'ẹka oyi atsụ iya.
Ọ dụ gẹ mẹe-venịga,
e woru wụa l'eli ọkanwa.
21 Teke ọ bụ l'onye opfu dụru
gụ l'iya bẹ ẹgu agụ;
nụ iya nri g'o ria.
Teke ẹgu mini agụ iya;
chọoru iya mini
g'o ngụa;
22 lẹ teke iime nno
bẹ bụ iphere bẹ iimeta
ekpu iya l'ishi;
iphe ono ahụa ya
ọku l'ẹhu.
Ọzo bụ lẹ Chipfu e-bu
gụbedua nggo.
23 Ọo gẹ phẹrephere,
shi l'isheli ezitsutajẹ
mini-a;
nokwaphọ gẹ nvu-azụ
akpatajẹ adzụ iphu.
24 Ọ kakwa ree g'ị kwata je
eburu lẹ mkpotsu-ụlo
eme l'ị lụ nwanyị,
gụ l'iya bu;
ọ nọdu anọduje
abaphe mba
mbọku-mbọku.
25 Ọo gẹ mini, eji oyi eguzetajẹ
obu onye mini agụ-a
bụ g'ozi-ọma,
shi ụzenya emeje
ọkpoma onye e ziru iya.
26 Onye pfụberekoto -parụ
onwiya haarụ onye ẹjo-iphe;
bẹ ọ dụkwa g'ishi nggele,
a swọru ẹrwu;
ọ dụ g'obvu-mini,
a tụrwuru atụrwu.
27 Ọ kwa g'ọ tọ dụdu ree
erinụka manụ-ẹnwu
bụkwapho g'ọ tọ
dụkwapho ùbvù
l'ẹnya mẹ nemadzụ
gude ẹka eme g'a
kwabẹ iya ùbvù.
28 Nemadzụ, ta adụjedu
ike sede onwiya
dụkwa gẹ mkpụkpu,
e shi gude igbulọ
kpụ-phee mgburugburu;
a nọnyaa;
e tsukpọshia ya.