1 L'apha, Tatanụ byaru mkpụkpu Ashịdodu; mbụ teke Sagọnu, bụ eze ndu Asiriya ziru iya; ọ bya etsoo ndu Ashidọdu ọgu; naa mkpụkpu phẹ; 2 bẹ Chipfu gude Azáya nwa Emọzu pfua opfu. Iphe, o pfuru bụ: “Yefụ uwe-aphụ ono, i yeru l'ẹhu ono; yẹe akpọkpa ono, i yeru l'ọkpa ono!” O yefụ iya gbaru ẹhu ọto wata aghaphe; gbakwarụpho ọkpa ọto tsoru ejephe. 3 Tọbudu iya bụ; Chipfu pfua sụ: “Ọo ẹgube ono, onye-ozi mu, bụ Azáya gba ẹhu ọto gbaru ọkpa ọto ghaphewaa apha ẹto ono; ọ bụru iphe-ọhubama; yẹe iphe, dụ biribiri, e meru ndu Ijiputu yẹe ndu Kushi ono; 4 noo g'eze ndu Asiriya a-kpụ ndu Ijiputu yẹe ndu Kushi lẹ ndzụ; yeshia phẹ uwe; gbabẹ phẹ ọkpa ọto kpụru phẹ lashịa; mẹ ụnwokorobya phẹ; mẹ ndu bụ ọgerenya phẹ; ẹbohu egheeru phẹ ọnu g'ọ bụchaaru iphe, ee-gude mee ndu Ijiputu iphe-iphere. 5 Ndu kpọru obu yeru ndu Kushi; bya egude ndu Ijiputu eku onwophẹ bẹ ndzụ e-rwuta; tẹme iphere emekwa phẹ phọ. 6 Noo mbọku iphe, bụ ndu bukube eze-ẹnyimu-a e-pfu sụ: ‘Unu hụmawaro iphe, meru ndu ono, anyi kpọru obu yeru ono; mbụ ndu ono, anyi gbaru ọso gbapfu g'ẹphe yeru anyi ẹka nafụta anyi l'ẹka eze ndu Asiriya! ?Dẹnukpoo g'anyi e-me nahụ?’ ”