8
Mande kondé keta quro o qa-qa unindoro tapá uni
1 Mande yeteto ŋuro murí ŋuko ŋandiro. Uni ŋunde quko noreŋo o qa-qa unindoro tapá uninani tunoqaró, ene wiri yerete uni parámi horémboro kandí kondésina* Uni owé parámi moré ŋu naŋge wiri yerete uni kandí kondésina ŋunde kunditaŋgurí. samboko kunditaró. 2 Huru-huru koro Tuwi Yamaru† “Huru-huru koro Tuwi Yamaru” ŋu Israel unindo Anutu koro mandí howero mira wimbímo ŋuno tuwi yamaru toworo quroko ŋuno hu-hariri teyaŋgurí. hamó ŋuno kho teyote. Yamaru hamó ŋuko unindo kama towaŋgurí. Kini. Uni Parámi eneŋombo towaró.
3 Hamó, o qa-qa unindoro tapá uni‡ “o qa-qa unindoro tapá uni” ŋundo Ya Surumímo hu-hariri sopoyaŋgurí. Ŋunde soporo kumima naru soso quroko naru kanata quno unipare soso koro quhuríyemboro o qa-qa parámi ka taró. soso khoye tero o Anutu te inoro o qa-qa taŋgurí. Asa ko Yesu ŋuya khoyó tero oka rero te inaró. 4 Ŋunde ŋuroko enendo nokono yote tiníqo, o qa-qa uni kama yoweya. Dokoro, pukoyó meyowomboro sowe qundo hutuŋo mande§ “hutuŋo mande” ŋuko komo suki Anutuko Sainai purímo Moses inoní Israel unipare yunaró. Mande ŋuko Juda uniparetoro yoto-yotoye soso sopoyaró. howero o qa-qa teyoteŋgo. 5 Uni ŋundo Anutu koro pase ŋuno o qa-qa kho teyoteŋgo. Quko ŋu pase ŋuko pase horé samboko yote ŋuro rokóŋo ŋunde naŋge. Komo Moses Anutu koro pase ka towowero taró quno ŋuno Anutuko ŋande miraró, “Ke rokó ŋu mira purímo witú kerenowó ŋu okeyá ta howero tuwi yamaru towo qembe.” ** Toŋeŋgurí 25:40 6 Quko Yesuko o qa-qa kho ka raró, kho ŋuko o qa-qa uni meyowomboro khoye ŋu takate. Dokoro enendo mande kondé ka sopoyote, ko mande kondé ŋuro keweroko uni tunoqaró. Mande kondé keta ŋundo mande kondé komo qu ŋu†† “mande kondé komo qu” ŋuko hutuŋo mande naŋge, komo suki Anutuko Sainai purímo ŋuno Moses inoní Israel unipare yunaró. takate. Dokoro Anutuko noreya mande kusiyaró. Ko mande kusiyote ŋundo mande komo kusiyoro yunaró ŋu takate.
7 Qeni, ko mande kondé korete ŋundo meté horé taró tiníqo, asa Anutuko mande kondé kaŋuya kama teweya. 8 Quko uniparetoro quhuríye rihimoro ŋande yaró,
“Uni Parámimbo ŋande yete,
‘Qeni, imemoŋgo ta
mande kondé keta qu Israel koro wini quya
Juda koro sowe quya tewano.
9 Komo Isip noŋgo usi-siye kandeyemo yondoworo mahenowó.
Ŋu naruko ŋuno eneya mande kondé ka tanowó.
Quko mande kondé keta ŋako
komo quro kiraró qembe kini.
Dokoro usi-siyembo neneŋo mande kondé ŋu kama howaŋgurí.
Ŋunde tiqo, huwó yerenowó.
10 Mande kondé keta ŋa imemoŋgo
Israel uniparetoya tewano ŋuko ŋandiro:
Neneŋo hutuŋo mandene rero iŋo-iŋoyemo rewano,
mande ŋu rero newondeyemo nakayáŋowano.
Nondo eneŋo Anutuye yowano,
enendo neneŋo uniparene yowaŋgo.
11 Ko uni kato topoye iŋo-iŋo rondaqe yunoro
ŋande kama yewaŋgo, “Uni Parámimboro ŋa iŋo inoyi.”
Kini, uni owéye moré kini quya uni owéye moré qu,
asa, unipare soso ŋundo niyoro iŋowaŋgo.
12 Dokoro, otete piyimi teyoteŋgo ŋuro sikíye te yunoro
quhuríye se rotoro ŋuro pitu ko kama iŋowano.’ ”
13 Anutuko mande kondé keta karo yaró. Ŋunde yero mande kondé korete qu riní kina yote. Ko mande kina yote ŋundo waka ta kini teweya.
*8:1: Uni owé parámi moré ŋu naŋge wiri yerete uni kandí kondésina ŋunde kunditaŋgurí.
†8:2: “Huru-huru koro Tuwi Yamaru” ŋu Israel unindo Anutu koro mandí howero mira wimbímo ŋuno tuwi yamaru toworo quroko ŋuno hu-hariri teyaŋgurí.
‡8:3: “o qa-qa unindoro tapá uni” ŋundo Ya Surumímo hu-hariri sopoyaŋgurí. Ŋunde soporo kumima naru soso quroko naru kanata quno unipare soso koro quhuríyemboro o qa-qa parámi ka taró.
§8:4: “hutuŋo mande” ŋuko komo suki Anutuko Sainai purímo Moses inoní Israel unipare yunaró. Mande ŋuko Juda uniparetoro yoto-yotoye soso sopoyaró.
**8:5: Toŋeŋgurí 25:40
††8:6: “mande kondé komo qu” ŋuko hutuŋo mande naŋge, komo suki Anutuko Sainai purímo ŋuno Moses inoní Israel unipare yunaró.