9
Ikpe, ee-kpe ndu ọhogu Ízurẹlu
1 Ọwaa bụ ozi, Ojejoje ziru zitiru alị Hadụraku. Okfu ono a-tukowaru mkpụkpu Damásukọsu l'ishi; kẹ l'ẹnya ndiphe; mẹ ẹnya iphe bụ ndu ọkpa-ikfu Ízurẹlu bụkota lẹ Ojejoje b'a chịru iya doo. 2 Okfu ono; bẹ adakwaphu l'ekpu mkpụkpu Hámatu, bụ ndu ẹphe l'ẹphe riru oke; mẹkwaphu mkpụkpu Táya yẹle mkpụkpu Sayịdonu; t'a gụfukwaru l'ẹphe maru iphe ntụmatu. 3 Ndu Táya gudeekwa mgbodo tụ-pheta mkpụkpu ẹphe mgburumgburu; kpụshia ya ike. Mkpọla-ọcha b'ọ kụberu; yo byiru l'ọ bụ ẹja; kụbe mkpọla-ododo l'ọ bụ onye kụberu ọzu lẹ mgboro esu-ụzo. 4 Obenu lẹ Nnajiufu a-nafụ ẹphe iphe bụ nk'ẹphe; bya enwuru ẹku ẹphe ye l'eze ẹnyimu. Ọku etsua yẹbedua tsufu.
5 Ndu Ashikelọnu a-phụ iya; tsụa egvu. Ndu Gáza aphụa ya; talahaa chịchichi l'iphe-ẹhuka. Ọ kwaphụ ẹge ono b'ọo-dụ ndu Ẹ́kuronu; kẹ l'iphe ẹphe shi ele ẹnya iya a-bụru kẹ mmanu. Ndu Gáza; bẹ onye eze ẹphe a-nwụhu; Ashikulọnu abụru ẹke madzụ te ebudu ebubu. 6 Ọ bụ ndu alị ọdo e-bu lẹ mkpụkpu Ashudọdu. Ndu kẹ Fílisutiya; bẹ ya eme tẹ ekuku, ẹphe eku onwẹphe kfụshi. 7 Ya e-me t'ọnu ẹphe; ba tajẹhe anụ, a gwaru lẹ nte; bya akpashịa ẹphe nri ono, e meruru emeru, nyatsụaru ẹphe l'eze ono. Nwa ndu ọphu phọduru nụ a-bụru kẹ Nchileke ayi; dụ l'ọ bụ ndu ishi l'alị Júda. Ndu Ẹ́kuronu a-bya adụ l'ọ bụ ndu Jebusu. 8 Obenu lẹ ndibe iya; bẹ ya a-nọdu alụ-chiru l'ẹka ndu ọgu, adzọ garamu garamu. Ẹ to nwehedu l'o nwekwaduru onye a-bya ọkpapya ndibe iya ishi ọdo; kẹle nta-a; bẹ ya chịwaru ẹnya zia l'ẹke ẹphe nọ.
Abyabya eze ndu Záyọnu
9 Unubẹ ndu Záyọnu!
Unu tee ẹswa teshia ya ike;
unu gụa egvu
ẹhu-ọtso-ẹna;
ẹhu-ọtso-ẹna;
unubẹ ndu Jerúsalemu!
Unu lekwa; l'eze unu
abyakfutaakwa unu.
Ọ bụ onye, doberu ẹka ndoo;
l'adzọjekwaphu madzụ.
O wozitaru onwiya alị;
nọdu l'eli nkakfụ-ịgara l'agba abya;
mbụ l'eli nwa nkakfụ-ịgara ọbu.* 9:9 Mát 21:5; Jọn 12:15.
10 Ndu Ífuremu; bẹ ya a-nafụ ụgbo-ịnya ẹphe;
nafụkwaphu ndu
Jerúsalemu ịnya-ọgu ẹphe.
Ụta-ọgu ono; bẹ aa-gbaji.
Eze unu a-ra iya arara;
tẹ mba yẹle mba ibe iya dụ lẹ mma.
Ẹke, ọochi e-shi l'eze
ẹnyimu ọwaa daghaa eze ẹnyimu ọphu.
Yo shikwaphu lẹ
Ẹnyimu Yufurétusu
Ẹnyimu Yufurétusu
nọo jeye l'ẹke mgboko jeberu.
Eedobephu ndibe Nchileke
azụ l'ọnodu ẹphe
azụ l'ọnodu ẹphe
11 “A -bya lẹ nggụbedua;
ya e-gude kẹ ndzụ ono,
nggu l'iya gude mee gbaa ono;
haa ndibe ngu, nọ lẹ
mkpọro l'ime iduma ono,
mini ẹ-ta nọdu ono;
mee ẹphe; ẹphe enweru onwẹphe.
12 Unu laphu azụ l'ẹke ono,
unu kpụru; yo shihu ike ono;
unubẹ ndu mkpọro ono, ẹnya dụ l'ụzo ono!
Mbụ lẹ nta-a;
bẹ ya arakwa iya arara:
lẹ ya a-nụ unu iphe ha
l'ọ bụ ọphu unu shi
nwehawaru ugbo ẹbo;
13 kẹle ya e-woru ndu Júda
kwee l'ọ bụ onye, kweru ụta;
woru ndu Ífuremu mee;
t'ọ bụru akfụ, e gude agba ụta ọbu.
Ya a-kpatsu unwoke Záyọnu;
t'ẹphe bụru ọgu dakfu ndu kẹ Gurisu.
Ya e-me ngu t'ị dụ l'ọ bụ
ogu-mbeke, onye ike dụ l'ọgu pa.”
14 Ono teke Ojejoje a-bụru
pẹe
pẹe
l'ẹke ndibe iya nọ.
Akfụ iya ezilahaa
pẹremu pẹremu
pẹremu pẹremu
l'ọ bụ ebemu-igwe.
Ọkaribe-Kakọta-Nụ a-bya egbua ụpyoku.
Yọ bụru oke phẹrephere,
shi ụzo ọhuda; bẹ oo-gude eje.
15 Ojejoje, bụ
Ọkaribe-Kakọta-Ike e-gbochita ẹphe.
Ẹphe e-gude mkpuma ụrobo
mebyishia iphe;
gude iya mekputa ẹphe.
Ẹphe a-ngu mẹe;
baa l'ọ bụ ndu mẹe tsụru.
Ẹphe e-ji ejiji l'ọ bụ ochi,
eegudeje ephe mee
l'ẹnya-ngwẹja Nchileke.
l'ẹnya-ngwẹja Nchileke.
16 Mbọku ono; bẹ Nnajiufu,
bụ Nchileke ẹphe a-dzọfuta ẹphe;
kẹ l'ẹphe haa l'ịgwe; bụru ndibe iya.
Ẹphe a-nọdu acha too l'alị
ono l'ọ bụ iphe, e gude
dengaa okpu-eze edenga.
17 Ọ dụ ugvu; l'ama mma.
Iphe, a kọru akọko a-nọdu
eme tẹ ụnwu-okorọbya ẹphe nweru ẹku;
mẹe ọphungu emekwaphụ
tẹ ụnwanyi ẹphe bahụ.