2 sụ ẹphe:

nne agụ l'ẹke oke agụ ndu ọdo nọ.

Ọ shi azẹje l'ẹke ụnwu agụ

dọru l'ehe ụnwu iya.

yọ bya abụru agụ, nweru agburu-ẹhu.

Yọ bya amụa ẹge aalakashịje

anụ teke e gburu iya;

bya afọ-gbushilahaa madzụ.

bya emee ya;

yọ dalahụru ẹphe l'iduma.

Ẹphe abya egude nko kofuta iya;

kpụru lashia Íjiputu.

ya lewaru ẹnya iya;
to nwedu ishi;

yọ bya eduta nwa iya ọdo; hee; hefuta;

yọ bya abụru agụ ike.

kẹle nta b'ọ kanwụwaru ẹhu.

Yọ bya amụkwaphu ẹge

aalakashịje anụ teke e gburu iya;

bya afọ-gbushilahaa madzụ.

bya emee mkpụkpu ẹphe;

yọ daburu ochobo.

Ekiri, oode emeru egvu ye alị ono;

mẹ ndu bu iya nụ l'ẹhu.

iphe bụ mbakeshi abya enyia;
kwabẹru iya;

mbụ ndu shigbaa ẹke,

dụgbaa iche l'ẹke ono mgburumgburu.

Ẹphe abya eworu ọnya shiberu iya.

Ya ndono; yọ bya adaaru ẹphe l'iduma.

kpụfuta iya ye lẹ mkpuchi;

pajeru eze ndu Bábyilọnu.

Ẹphe abya enwuru iya ye lẹ mkpọro.

Ya ndono; ekiri ono,

oodeje ono ta dụhe onye

anụjekwadu iya nụ

l'eli ugvu, nọtsua lẹ Ízurẹlu.

oshi vayịnu, nọ lẹ mgbabu ngu.

yọ mịa wọkfuru awọkfuru;

ẹkali iya jaru deru gẹyingu;

kẹle mini nọkota l'ẹke ono;

shihubeta iya;

k'ọphu ee-gude iya pyịta mgbọro-eze.

O vuru; kakọta oshi ọdo,
nọ l'ẹke ono l'eli;

ẹkali iya ajakashịkota ajakashi.

ẹhu-eghughu fefu iya; tọgbo.

Phẹrephere, shi l'ụzo ẹnyanwu-ahata

abya kpọo ya gwengu.

A bya anyịshikota iya akpụru.

Ẹkali iya ono, shihukotaru ike ono

abya akpọshihukota nkụ,

Ọku abya adzụfu ẹphe.

l'ẹke kpọhuru nkụ; mbụ lẹ kpọkpokirikpo alị.

dzụa akpụru iya.

Ọphu o nwehedu ẹkali,

shihuru ike, nọkwadu iya nụ,

dụ mma k'ogude pyịta mgbọro eze.”