8
1 Ọ dụ mu t'a sụ l'ị bụ nwunne mu nwoke;
ngụa nne mu ẹra;
mẹ mu etsutaje ngu ọnu;
mẹ ayi phụ l'esu-ụzo;
to nwe onye a-sụ mu sụu.
2 Mu e-duta ngu dubata l'ụlo nne mu,
bụ iya bụ onye ziru mu iphe;
chebe ngu akụru-akụ mẹe,
mu kụtaru l'oshi
ụtara-okumu mu.
ụtara-okumu mu.
3 Ọ dụ mu t'a sụ l'o cheberu
mu ẹka-ibyita iya l'ishi;
gude ẹka-ụtara iya rụkota mu.
4 Unubẹ ụnwanyi Jerúsalemu;
unu kwee mu ụkwa
l'unu ta akpatsudu
n-yemobu rua teke ọo-bya l'onwiya.
Ndiphe asụ:
5 ?Bụ onye bụ onye ono,
dakoberu a -phụ mini;
e -me ẹkfu iya;
shi l'echi-ẹgu abya ẹge ono?
Kẹ nwanyi asụ:
Ọ kwa lẹ mkpuli ụdara b'ị zẹ;
mu abya akpalia ngu.
Ọ bụ l'ẹke ono; bẹ nne ngu tsụtaru ime ngu;
bụru l'ẹke ono; bẹ ime taru iya; yọ mụa ngu.
6 Mee mu iphe-ọhubama dobe onwongu l'obu;
bụru echi-ọhubama,
ịigba l'ẹka;
ịigba l'ẹka;
kẹle n-yemobu shihukwaru ike l'ọ bụ anwụhu.
Okopho iya abụru 'arọ-buta arọ-buta l'ọbu ili.
Oonwuje l'ọ bụ ovovo-ọku;
mbụ l'ọ bụ oke ire-ọku.
7 Ọchi-ọku mini ta
azụ-nyighekwa n-yemobu;
ọphu ẹnyimu e-kpotaghekwa iya.
Ọ -bụru lẹ madzụ gude iphe bụ iphe o nweru
tẹ ya zụta n-yemobu;
bụkwa ewena bẹ oo-metaru onwiya.
Unwunne kẹ nwanyi asụ:
8 Ayi nwekwaru nwunne
nwanyi, ẹra ta nọkpoduanu l'ọkpoma.
?Bụ ngụnu bẹ ayi e-meru nwunne ayi ono
mbọku, nwoke a-jị ajị iya?
9 Ndẹge ọ bụ oshi-ẹpoto;
mẹ ayi akwaa ya
mkpọla-ọcha nkwatankwa l'ẹhu.
Ndẹge ọ bụ ibo; mẹ ayi
egude oshi sida kụ-chia ya.
Kẹ nwanyi asụ:
10 Mu shihuru ike l'ọ bụ
ụpho-mkpuma.
ụpho-mkpuma.
Ẹra mu vudokwa
gamugamu l'ọ bụ ụlo-eli.
Onye ono makwarua
lẹ mu -nọnyabe iya;
bẹ ẹhu a-dụ iya agu.
11 Sólomọnu nweru mgbo
vayịnu lẹ Bálụ Hamọnu;
bya eworu iya ono ye
ndu a-nọdu akfụ iya ụgwo l'ẹka.
Iphe ndu ono e-wotajeru iya
l'onye l'onye l'ọzori
akpụru vayịnu ono
bụ ẹkpa mkpọla-ọcha iri iri.
12 Obenu lẹ mgbo vayịnu nke
mu bụ mbẹdua nwe iya.
Yọ bụru ẹge dụ mu mma;
bẹ mu a-nọdu eme iya.
Ẹkpa mkpọla-ọcha iri l'iphe
e retaru lẹ vayịnu;
bụ nggụbe Sólomọnu
e-nweru iya.
e-nweru iya.
Ẹkpa mkpọla-ọcha labụ
abụru kẹ ndu eletaje akpụru vayịnu ono ẹnya.
Kẹ nwoke asụ:
13 Nggụbe onye ọphu, bu lẹ mgbabu ono;
ọnya mu phẹ ngabẹkwaru ngu nchị
t'ẹphe nụa olu ngu.
Tẹ mu nụedukwa olu ngu!
Kẹ nwanyi asụ:
14 Nggụbe; 'a -phụ mini;
'e -me ẹkfu mu;
'e -me ẹkfu mu;
kfụkwaa sangụ-sangụ
byakfuta mu ẹge ono,
umoro; mẹ nwele akfụje
l'ugvu, a kụshiru iphe eshi mkpọ ono!