129
Egvu, aagụje teke eeje Jerúsalemu
1 Tẹ ndu Ízurẹlu tụko kfua ya; sụ:
Lẹ ẹphe shi mu ọkpa ẹhu
teke mu bụ nwata.
2 Keshinu teke mu bụ nwata;
bẹ ẹphe shi mu ọkpa ẹhu;
obenu l'ẹphe te mekputadu mu.
3 Ẹphe gudewa ẹchachi chia mu;
kpachaa mu akpacha.
Ọnya, ẹphe chishiru
ye mu l'okpurukpu-azụ
dụ l'ọ bụ ẹke a waru ọswa.
4 Obenu lẹ Ojejoje bụ
onye doberu ẹka ndoo.
Ọ tọwaru mu l'ẹgbu,
ndu akirishi shi kee mu;
mu enwewaru onwomu.
5 T'iphe bụ ndu Záyọnu
dụ ashị
dụ ashị
bụkwaru ndu e-gude iphere laphu azụ.
6 T'ẹphe dụkwa l'ọ bụ ẹwu,
furu l'eli ẹswulo, abụje:
Ọ -bya bya evuta;
anwụ ewowaru iya chigbua.
7 Ẹwu ono ahatabeje nwanshị;
k'ọphu bụ l'onye jeru iya
egbuta abụje; o -gbua nta gbua imo;
too gbutadu ọphu e-ji iya ogbogbo-ẹka;
k'ọphu ọ bụru ọphu e-dzu ọchileka.
8 Ọphu ndu esweta esweta 'asụjekwa nụ ẹphe:
“Tẹ Ojejoje gọkwaaru unu ọnu;
l'ẹphe gude ẹpha Ojejoje l'agọru ẹphe ọnu.”