115
1 Ẹ tọ bụkwa ayi;
bẹ aa-kwabẹ ugvu,
gbaru nggụbe Ojejoje.
Ẹ tọ bụkwa ayi.
Ọ kwa nggụbedua nwẹnkinyi;
bẹ gbaru t'a kwabẹje ngu ugvu.
Ono kẹ l'i yenukaru ayi obu;
bya abụru o-me-g'o-kfuru.
2 ?Bụ ngụnu meru iphe ndu
ọhodo ajị; sụ:
“?Nanụ Nchileke ayi?”
3 Nchileke ayi nọnu l'imigwe.
Yọ bụru iphe dụ iya mma;
bẹ oomeje.
4 Obenu l'agwa ẹphe bụ
mkpọla-ọcha yẹle
mkpọla-ododo;
mkpọla-ododo;
mbụ iphe, bụ madzụ
gude ẹka mee ya.
5 Ẹphe nweru ọnu;
ẹphe te ekfu okfu;
nweru ẹnya;
ẹphe ta aphụ ụzo.
6 Ẹphe nweru nchị;
ẹphe ta anụ iya iphe;
nweru imi; ẹphe te egude
iya l'akpọ ẹgburu iphe.
7 Ẹphe nweru ẹka;
ẹphe egude iya ewota iphe;
nweru ọkpa; ẹphe te eje ije;
ẹphe te ekfu okfu.
8 Ndu agwa iya nụ;
mẹ ndu dakoberu iya nụ
a-dụ ẹge agwa ono dụ.
9 Unubẹ ndibe Ízurẹlu;
unu dakobe Ojejoje;
kẹ l'ọ bụ iya eyejeru
unu ẹka bya abụru iya
egbochitaje unu.
egbochitaje unu.
10 Unubẹ ndibe Érọnu;
unu dakobe Ojejoje;
kẹ l'ọ bụ iya eyejeru
unu ẹka bya abụru iya
egbochitaje unu.
egbochitaje unu.
11 Unubẹ ndu atsụ Ojejoje egvu;
unu dakobe Ojejoje;
kẹ l'ọ bụ iya eyejeru
unu ẹka bya abụru iya
egbochitaje unu.
egbochitaje unu.
12 Ojejoje anyatajẹ ayi;
ọo-gọru ayi ọnu-ọma.
Ọo-gọru ọnu-ọma nụ
ndu ọnu-ụlo Ízurẹlu;
gọru ọnu-ọma nụ ndu
ọnu-ụlo Érọnu.
ọnu-ụlo Érọnu.
13 Ọo-gọru ọnu-ọma nụ
ndu atsụ Ojejoje egvu;
ndu ukfu; lẹ ndu ńtà.
14 Tẹ Ojejoje mekwaa t'unu
jáá ájaja ka l'igwe;
unubẹdua l'onwunu;
mẹ l'ụnwegirima unu.
15 Tẹ Ojejoje gọkwaaru
unu ọnu; mbụ onye ono,
bụ iya meru igwe;
mee mgboko ono.
16 Imigwe l'o ha bụkota
kẹ Ojejoje.
kẹ Ojejoje.
Obenu lẹ mgboko b'o
wowaru nụ madzụ.
17 Ẹ tọ bụkwa ndu
nwụhuru anwụhu ajajẹ Ojejoje ajaja;
mbụ ndu lawaru alị ono,
bụ e -rua ya; a daa ashị ono.
18 Ọ kwa ayịbedua a-nọdu
ekutse Ojejoje.
ekutse Ojejoje.
Ayi a-nọdu ekutse iya
nta-a;
nta-a;
kutsewa iya rụ jeyewaru.
T'ajaja bụru kẹ Ojejoje.