112
1 T'ajaja bụru kẹ Ojejoje.
Ọnu-ọma bụ k'onye
atsụ Ojejoje egvu;
onye ekemu iya anọduje atsọ ẹna nshinu.
2 Ụnwu iya a-bụru ndu ike dụ l'alị ono.
Ọnu-ọma bụ k'ụnwegirima
ndu obu gụru iphoro.
3 Iphe-enweru; mẹ ẹku a-bụru nk'iya;
odobe-ẹka-ndoo nk'iya abụru ojejoje.
4 Jeyekpo l'ẹke ọchi gbaru;
bẹ iphoro a-hataje l'ọ bụ ẹnyanwu
l'ẹhu onye obu iya gụru iphoro;
mbụ onye emeje
eze-iphe-ọma;
eze-iphe-ọma;
l'aphụru madzụ obu-imiko;
bụkwaruphu onye doberu
ẹka ndoo l'ifu Nchileke.
5 Ọ bụlephu k'ọma a-nọdu etso onye
bụ o-me-l'uko, ejeje madzụ ụgwo;
swee ya ẹnya; mbụ onye
iphe bụ iphe oome;
bẹ oomeje; k'ọphu aa-haru iya enge.
6 Onye ono te nwekwa l'ọ daa.
Onye doberu ẹka ndoo;
bẹ aa-nọdujelephu anya jeye lẹ gbururu.
7 E -zia ya ẹjo nzi;
b'ẹ t'o gbe atsụdu egvu.
Obu eshihuje iya ike;
kẹ l'onye ọ dakoberu bụ Ojejoje.
8 Obu eshihuje iya ike;
ọphu ọ tsụdu egvu;
jeye teke oo-gude ẹnya iya
phụ l'e mekputawaru ndu ọhogu iya.
9 Ọojáje ẹka ajájá nụ ndu ẹ-ta
dụdu ẹge ọ harụ ẹphe iphe.
Odobe-ẹka-ndoo nk'iya
a-nọ je asụru asụru.
a-nọ je asụru asụru.
Ee-me t'o nweru ike; nweru ugvu.
10 Ẹjo madzụ -phụa ya;
ẹhu awata iya oghu eghughu.
Yo gude iphe-eghughu;
taa ikirize; laa ẹhu; wụfu.
Iphe agụ iya nụ; ta byakwa bya eru iya ẹka.