12
Ọnu, Jobu eyeru Zofa
1 Tọ dụ iya bụ; Jobu abya eyeeru iya ọnu sụ:
2 “Ẹ t'a tụdu iya atụtu;
l'ọo unubẹdua bụ
o-kfua-ọ-gvụ.
Ị -nwụhu; mmamiphe etsoru ngu.
3 Ọlobu; mẹ mu nwekwarua
egomunggo l'ọ bụ unubẹdua.
?O nweru ẹge ọdo,
unu bya aka mu ọdo tọo?
?Bụ onye bụ onye
ẹ ta madu iphe ono,
iikfushi ono l'ọ ha?
4 Nta-a; bẹ mu bụwa iphe,
ndu ọ̀nyà mu gude agba mgba-ọnu;
mbụ mụbe onye shi
akpọ-kuje Nchileke;
yọ za mu.
Mu bụwa iphe-ọchi;
lẹ mụbe onye doberu ẹka ndoo;
ụta ta nọ mu l'ẹhu.
5 Ndu iphe dụru lẹ mma
ta amajẹdu iphe, bụ lẹ
madzụ nọ l'iphe-ẹhuka.
Ẹphe asụje l'ọo ndu
ẹturu lọru b'a mụru
iphe-ẹhuka yeru.
6 Obenu l'ufu ndu abalị-d'egvu
te nwedu onye akpa ẹphe ẹhu.
Ndu akpatsu Nchileke iwe
te gbe dụdu iphe,
eme ẹphe;
eme ẹphe;
mbụ ndu ono, gude ọgvu
ẹphe l'ede ono.
7 Obenu; ọ -bụru l'unu achọ tẹ
iphe doo unu ẹnya;
unu je ajịta ụnwu-anụ-ẹgu;
m'ọ bụ ụnwenu.
m'ọ bụ ụnwenu.
8 Teke ẹ tọ dụdu;
unu kfuru eliphe
t'o zia unu iphe.
Ọ -dụdu; unu ahaa t'ẹma,
nọ lẹ mini zia unu iphe.
9 ?Bụ onye ole l'iphe ono,
mu gụshiru ono ta madu
l'ọo Ojejoje gude ẹka iya
mee iphe-a, meru nụ-a?
10 Ọ bụ Nchileke bẹ
ndzụ iphemiphe ọbule,
o keru ekeke nọ l'ẹka;
bụru iya gude ume,
onyemonye ọbule atụ.
11 ?Tọ bụdu ẹge ono,
nchị egeje iphe, ọ nụru egege ono;
bụ ẹge ire edejeodu ọnu l'iphe, oo-ri.
12 ?Tọ bụdunua l'ẹka ndu bụ ọgurenya;
bẹ eeshije mụta iphe;
bụru onye karu nka
bẹ iphe edoje ẹnya.
13 Ọ bụ Nchileke nwe
mmamiphe; mẹ ike.
Ìdzù yẹle iphe odo ẹnya
abụkwaruphu nk'iya.
14 Iphe, bụ iphe,
o nwutsuru enwutsu
ta dụkwa onye a-dụ ike
kpụ-kwaa ya;
ọphu ọ dụkwa onye
a-dụ ike tụ́hàà onye ọ tụru mkpọro.
15 Ọ bụ Nchileke bụ:
o -gbochia tẹ mini ba achị;
ẹjo mkpọ-anwụ abya.
Teke ọ tụharu ugbo;
yọ bụru utso.
16 Ọ bụ Nchileke bẹ ike;
mẹ mmamiphe nọ l'ẹka;
bụkwaru iya phụ b'ọ nọ
l'ẹka; mbụ onye ụgho;
mẹ onye ọoghoru iya.
17 Ndu akpọ-ziru ndu ọdo ụzo; bẹ ọotuje too;* 12:17 Iphe ẹka-a kwata ekfu bụ lẹ Nchileke agbabẹje ẹphe ọtu; ẹphe awata okpe ẹjo ikpe.
mee ndu ikpe t'ẹphe bụru ndu eswe.
18 Oomeje ndu eze t'ẹphe shi
l'ọkwa-eze ẹphe; bya abụru ohu.
19 Ndu, achịjeru Nchileke ẹja;
bẹ ọochifuje ọkpa l'alị; wofu ẹphe.
Ndu, bụ ndu vudowa nụ;
bẹ onwutsuje.
bẹ onwutsuje.
20 Ndu e gude ire ẹphe ẹka;
bẹ oomeje t'ẹphe ba mahẹ iphe, ẹphe e-kfu.
Ndu, bụ ọgurenya;
bẹ ọonafuje egomunggo
t'iphe be edohe ẹphe ẹnya.
21 Ndu, bụ ndu, a maru
ẹpha ẹphe; bẹ ọonmaje phulaphula.
Ndu, bụ ndu ike nọ l'ẹka;
bẹ oomeje; ike agvụ ẹphe.
22 Ookoshije iphe,
dụ ogvu ogvu, nọ l'ọchi;
l'emeje iphe, gbaru tsụbalangu;
t'ọ bụru iphoro.
23 Ọ bụ iya emeje tẹ mba bụru eze mba;
bụru iya echikaje iya.
Ọ bụ iya emeje tẹ mba zụa azụzu;
bụru iya achịkashije iya.
24 Ọonafuje ndu ishi
kẹ mgboko-a egomunggo;
nwuru ẹphe ye
t'ẹphe wata ọgha-phe ebedere-badara.
25 Oomeje t'ẹphe etsutso etsutso;
l'akpọ galagala l'ọ bụ onye mẹe guderu.”