11
N-yemobu Nchileke
l'ẹhu ndu Ízurẹlu
l'ẹhu ndu Ízurẹlu
1 “Teke Ízurẹlu shi bụru nwata;
bẹ ya shi yeru iya obu.
Ọ bụ lẹ Íjiputu;
bẹ ya jeru je edufuta iya;
mbụ nwa iya kẹ nwoke ono.* 11:1 Mát 11:1.
2 Obenu l'ọobujeru;
mu eku ndu Ízurẹlu oku;
ẹphe aka mu ọlufu l'ẹhu eje.
Ẹphe adabujeru ọgwa-phe Bálụ;
ẹge ono; bẹ ẹphe
akpọ-phejeru nwantẹkpe ínsẹnsu ọku.
3 Ọ kwa yẹbe Ojejoje ziru ndu Ífuremu ije.
Ya shi alọkpuje ẹphe l'ẹka;
ọ bụ l'ẹphe ta madu
l'ọ bụ iya; bẹ meru t'ẹphe kọrohu.
4 Ya shi egudeje obu-àyọ̀ l'ehe ẹphe.
Yọ bụru obu, ya yeru ẹphe;
bẹ ya gude edu ẹphe.
Ya nyafụru ẹphe ajaba,
e shi yee ẹphe;
e shi yee ẹphe;
bya efuru l'ọzu ẹphe lẹ nri.
5 “Keshinu ẹphe jịkaru l'ẹphe ta alakfutadu mu; bẹ ẹphe a-laphukwa azụ lẹ Íjiputu; onye eze ndu Asiriya achịlahaa ẹphe. 6 Ogu-mbeke e-mekochaa jee ifu jee azụ lẹ mkpụkpu ẹphe iche l'iche; gbukashia mgbọro-ígwè, e yeshiru l'obu-edukfu mkpụkpu ẹphe; mee iphemiphe ọbule, ẹphe chịru k'ememe t'ọ bụru iyi. 7 Iphe ndibe mu keberu ẹka iya bụ t'ẹphe ghaaru mu azụ. Obenu m'o -ruhuru; ẹphe kua kua onye ono, bụ Ọkaribe-Kakọta-Nụ ono; b'ẹ to kutsehekwa ẹphe ọdo.
8 “Nggụbe Ífuremu;
?nanụ ẹge mu e-me haa unu?
Nggụbe Ízurẹlu;
?nanụ ẹge mu e-me;
nwuru ngu nụ ndu ọdo?
?Nanụ ẹge mu e-menua
mee ngu iphe mu meru ndu Adama?
?Nanụ ẹge mu e-me
meghe ngu ẹge mu meru ndu Zeboyimu?
Obu jizitaakwaru mu;
imiko unu adụwa mu.
9 Ya ta azụbekwa ngu
oke ẹhu-eghughu iya.
Ya te echikpohe Ífuremu;
kẹ l'ọ bụ Nchileke;
bẹ ya bụ; ya ta bụdu madzụ.
Ya bụ Onye dụ Nsọ, unu l'iya nọ.
Ya te egudekwa
oke ẹhu-eghughu byakfuta unu.
10 “Ẹphe e-mekochaa tsolahaa yẹbe Ojejoje. Ya e-de ekiri l'ọ bụ agụ; teke ya deru ekiri ono; ụnwu iya anmahuụ jijiji; shi l'ụzo ẹnyanwu-arịba wụlata. 11 Ẹphe e-shi Íjiputu; l'anma kwẹkwekwe l'ọ bụ ụnwenu. Ẹphe adụ l'ọ bụ ụnwu ndo, shi Asiriya. Mu emee ẹphe; ẹphe alatsụa l'ufu ẹphe.” Ono kwa iphe Ojejoje ekfu.
Ẹjo iphe ndu Ízurẹlu eme
12 Ndu Ífuremu gudeekwa ẹjo-ire swiphee ya mgburumgburu. Ndu ọnu-ụlo Ízurẹlu l'agbaru iya ẹregede. Obenu lẹ ndu kẹ Júda; bẹ Nchileke maru. Ẹphebedua koshiru l'ẹphe gbaru t'onye ono, dụ nsọ ono gude ire ẹphe ẹka.