1 Ya ndono; Ojejoje abya ekfuru yeru mu; sụ mu: 2 “Nwa ndiphe; ?nanụ iphe oshi vayịnu gude ka ẹkali-oshi ndu ọdo, nọ l'ọswa mma. 3 Mbụ; oshi, e gbutaru l'oshi vayịnu; ?o nworu iphe ọ dụ k'ememe. ?Ee-gudeghe iya pyịta nggu tọo? 4 Mbụ teke e woru oshi vayịnu ono chịru ye l'ọku t'ọ bụru nkụ; ọku ekee ẹphe ishi labụ ishi labụ; kebashia echilabu iya ekebashi; ?o nweru iphe ọ dukwadu k'ememe? 5 Teke ọ bụru l'ẹ tọ gadu mkpa teke o dzuru oke; ?bụ teke ọku gbe kebashia ya ekebashi; b'o nweru iphe ee-gude iya mee?

6 “Ọo ya bụ; Ọkaribe-Kakọta-Nụ sụru ẹge-a: Ọ bụ ẹge ono, mu wotaru oshi vayịnu l'iphe bụ oshi, nọ l'ọswa t'ọ bụru nkụ, eeye l'ọku bẹ ẹge mu e-me iphe bụ ndu bukota lẹ Jerúsalemu. 7 Mu a-bya aghachiru ẹphe ifu mee ẹphe iphe. A makwaru-a l'ẹphe lụfutakwaru l'ọku ono; obenu l'ọku ono e-ke-e ẹphe. Teke mu a-gha-chiru ẹphe ifu mee ẹphe iphe; bẹ unu a-ma l'ọ bụ mbẹdua bụ Ojejoje. 8 Ya e-me alị ono t'ọ daburu ochobo; kẹ l'ẹphe ta bụdu ndu e gude ire ẹphe ẹka. Ono bụ iphe Ọkaribe-Kakọta-Nụ ekfu.”