124
Hay Kantan David an Mikantah Punti'idan ad Jerusalem* Heten psalm ya niddum hinan kalahin di psalm an ma'alih Kantan di Munti'id ti hidin nunti'idan nan Hudyun immuy ad Jerusalem an mi'gotad ya hiyah te kalahin di kantan nundedehhandan nangikantah nan dalan.
Hiyah te kantan intudo' David an ingkantan nan Hudyuh din nunti'idandan numbiyahen immuy ad Jerusalem.
1-2 Ditu'un holag Israel, hay na'at nin ay ditu'uh un ditu'u agguy binadangan ay Apo Dios?
Mahapul an abuluton tu'un
3 nidugah an pinapattoy ditu'un amin hinan buhul tu'u an dumalat nan nidugah an boholda!
4-5 Ya paddungnay nun'ahe'nob tu'uh nan dimmo'ol an danum ta nun'iyanud tu'u,
6 at hiyanan munyaman tu'un Apo Dios
ti agguyna inyabulut an ubahon ditu'uh nan buhul tu'u!
7 Paddungnay lenengon ditu'uh nan buhul tu'u,
mu limmayaw tu'u ti napi"i din lengonda.
8 Hay mamadang ay ditu'u ya hi Apo Dios an nunlumud abuniyan ya luta!
*^ Heten psalm ya niddum hinan kalahin di psalm an ma'alih Kantan di Munti'id ti hidin nunti'idan nan Hudyun immuy ad Jerusalem an mi'gotad ya hiyah te kalahin di kantan nundedehhandan nangikantah nan dalan.