15
Hay Maphod hi Aton an Mangunud hinan Pohdon Apo Dios
Hete ya psalm an intudo' David.
1 Apo Dios, hay ngadan di mabalin hi middum ay He"ah nan Timplum
hidih nan me'gonan an duntug an wadam?
2 Hay inila' hi middum ya nan nahamad an un'unnud hinan pohdom,
ya nan maphod di pangatna,
ya nan makulug di hapitona,
3 ya nan adi manapihapit hi ibbanah tagu,
ya nan adi mangat hi nappuhih nan ni'tunglubna,
ya nan adi manapit hi umipab'on hi ibbana,
4 ya nan mamahiw hinan na"appuhiy pangatnan tagu mu e'gonana nan tagun mange'gon ay Apo Dios,
ya nan mangipa'annung hinan itulagna an ta"on hi un maligatan an mangat,
5 ya nan mumpa'utang hi ibbanan tagu an adi mumpatakap,
ya nan adi mangabulut hi lagbuna an mun'ihtiguh nan agguy immannung hinan mid baholna.
Ya hanan tagun umat hinay pangatna ya adi nalakan ma'abak!