4
Hay Pumpapto'an Apo Dios hi Udum di Algaw
1 Ha"in an hi Micah ya inali' goh di,
“Udum di algaw† Mipa'annung hinan Hinlibuy Tawon. ya nan duntug an awadan di Timplun Apo Dios
ya miyal'allan ata'nang ya un nan udum an aduntuduntug.
At do'olday tatagun malpuh nan abablubabluy an umuy hidi
an umatdah nan danum hi wangwang an umayuh.‡ Isa. 2:2.
2 Ya do'olday Hentil hinan abablubabluy an mangalih,
Umali ayu ta munti'id tu'un umuy hinan duntug Apu tu'uh nan Timpluna an Dios di holag Israel
ta ituduna nan pohdonah aton tu'u ta nan pohdonay unudon tu'u!
At immannung an heden algaw ya miwa'awa'at hi abablubabluy nan Hapit Apo Dios an mete"ad Jerusalem.§ Isa. 2:3.
3 Ya ipanuh Apo Dios an amin nan tataguh nan abablubabluy hinan adida pun'u'unnudan
an ta"on hi un nan way abalinanan babluy unu nan adadagwin babluy.
At pumbohalda nan hanggapda ta iyammadah tadom di aladu,
ya inyammadah kumpay nan gayangda.
Ya mi'id mahkay di munggugubat hinan abablubabluy,
ya mi'id mahkay di mundadaan ay didah gubat.* Isa. 2:4.
4 Ya an amin mahkay nan hinohha ya malenggopdah nan numpunhituwanda,
ya malmuy bungan nan greyp ya nan ayiw an fig an inhabalda.
Ya mi'id mahkay di mana'ta'atot ay dida ti hi Apo Dios an nidugah di abalinanay nanapit ete.
5 At an amin nan Hentil hinan nunlene'woh hitud Israel
ya wadiyononan nundayaw hinan dayawonda.
Mu ditu'un Hudyu ya hi Apo Dios di unudon tu'u ya dayawon tu'uh mi'id di pogpogna.”
Hay Pumbangngadan nan Holag Israel hinan Babluyda
6 Ya inali' an hi Micah di,
“Hi Apo Dios ya inalinay,
Immannung an minolta' nan tatagu,
ya numpakak'u dida an ayda balud hinan udumnan babluy ta hidiy nunholholtapanda.
Mu magadyuh nan algaw an gutudnah† Mipa'annung mahkay hinan Hinlibuy Tawon. pangamunga' mahkay ay dida.
7 Ya danen na'angang an din napakak an nipiyuy hi udum an babluy
ya pumbalino' didah ma'abbi'ah an himpamabluy,
ya Ha"in an Dios di mumpapto' ay didad Jerusalem hi mi'id pogpogna.
8 At da'yun tatagud Jerusalem ya halimuna' da'yu
an umata' hinan mumpahtul hinan way pun'aduga',
ya pabangngado' din pumpapto'anyun babluy an ad Jerusalem an awada' an ali.”
9 Mu alyo' goh di,
“Anaad ta pumkaw ayun kumila?
Undan mi'id di aliyu?
Ya undan nun'atoy din gun manugun ay da'yu
an umat ayuh nan babain dinumgoh di putunan muntungaw?
10 Umannung an awniat nunheglay holholtaponyun iJerusalem
ti umat ayu nongkay hinan babain nidugah di ha'it di putunan muntungaw!
Ti mahapul an makak ayu ta taynanyuh ten babluyyu ta matiliw ayun mipiyuy ad Babylon!‡ Na'at hidin 586 B.C.
Mu ta"on ya hidiy pamaliwan Apo Dios ay da'yuh nan nappuhin aton nan buhulyu.§ Ente"an Apo Dios an namaliw hinan Hudyud Babylon hidin 538 B.C.
11 Mu ad ugwan ya do'ol di buhul an Hentil hinan abablubabluy
an nunlalammung an mangubat ay da'yun alyonday,
Gubaton tu'ud Jerusalem ta mun'apa"i ya un tu'u mahkay alyon di awahyun iJerusalem!
12 Mu agguyda inilay ninomnom Apo Dios.
Ti umannung an amungona dida ta mamoltada
an umatdah nan paguy an miyuy hinan pun'elekan.”
13 At inalin Apo Dios di,
“Da'yun tatagud Jerusalem ya umuy ayu ta moltaonyu nan buhulyu!
Ya pumbalino' da'yuh ma'abbi'ah an umat hinan manilhig an animal
an paddungnay waday ha'gudyun gumo' ya u'ubyun gambang,
at paddungnay punggimu'yu nan Hentil hinan abablubabluy!”
At inali' an hi Micah ay da'yun iJerusalem di,
“Pun'alayun amin din nappuhin nun'aladan inadangyanda
ta idawatyun Apo Dios an mumpapto' hi an amin hitun luta.”
*^ Napapaddung ahan nan nitudo' hi Mic. 4:1-3 ya Isa. 2:2-4, ya mid mapto' ya hi Isaiah di nahhun an nuntudo', ya hiyay nangngalan Micah ta ituduna goh.
†4:1 Mipa'annung hinan Hinlibuy Tawon.
‡4:1 Isa. 2:2.
§4:2 Isa. 2:3.
*4:3 Isa. 2:4.
†4:6 Mipa'annung mahkay hinan Hinlibuy Tawon.
‡4:10 Na'at hidin 586 B.C.
§4:10 Ente"an Apo Dios an namaliw hinan Hudyud Babylon hidin 538 B.C.