52
Hay Pamaliwan Apo Dios ad Jerusalem
1 Ya ha"in an hi Isaiah ya inali' goh di,
“Bumangon ayun iJerusalem ta ipattigyuy bi'ahyu
an umat hidin hopapna an da'yuy ma'al'ali.
At ipattigyuy amaphod ad Jerusalem an me'gonan an babluy
ta adi humigup nan adi umunud ay Apo Dios.
2 At tuma'dog ayu,
ya nunyagyagyu nan hupu' ti bo'on ayu mahkay himbut,
ya bo'on ayu mahkay balud!
At pun'aanyu nan paddungnay bangkelengyu,
ya immuy ayu inumbun hinan tronon di ap'apu.
3 Ti inalin Apo Dios di,
Hidin nihbutanyu ya mi'id ah hubutyuh nidat ay Ha"in,
at umat goh an mi'id di pihhuh midat hinan pamangngada' ay da'yuh.”* Hay ipa'innilan te ya inyabulut Apo Dios an numbalinon nan tindalud Babylon nan holag Israel hi himbut an mi'id di nibayad ay Hiya. At umat goh hina an ipakakna didah nan nihbutanda an mi'id di ibayadna.
4 Ya inalin goh nan na'abbagbagtun Dios di,
“Hidin hopapna ya immuy ayun ni'babluy ad Egypt,
mu palpaliwan ya nan i'Assyria di nangipaligligat ay da'yu.
5 Mu hay numbalinanyud ugwan?
Da'yun tatagu' ya inyuy da'yuh udum an babluy an mi'id di bayadyu,
ya hanan nangiyuy ay da'yu ya nun'it'u'day anangohoydan Ha"in.
At abigabigat ya nidugah an gunna' pinahipahiw.† Rom. 2:24.
6 Mu la'tot ya mipattig mahkay di anabagtu' hi pamaliwa' ay da'yu.
At mabalin an immatunanyu mahkay an Ha"in
ya ina'alli' tuwalin da'yu hatun ma'ma'at.”
7 Ya ha"in an hi Isaiah ya inali' di,
“Hitun a'atana ya umipa'amlong
hi pangamanganyuh nan umalin mangipa'innilah nan Maphod an Ulgud
an hay ipa'innilada ya hay aat di lenggop ya hay aat di abaliwan.
Ya ipa'inniladad Zion an hi Apo Dios di mun'ap'apu!‡ Rom. 10:15.
8 Ya din mun'adug hinan babluy ya ahitutu'u'dah amlongdah
pannigandah pumbangngadanad Zion.
9 At da'yun numpunhitud Jerusalem an mapa"i
ya mundedehhan ayun mungkantah pun'amlonganyu.
Ti hi Apo Dios ya ipabangngadna din amaphod ad Jerusalem ta umamlong ayun tataguna.
10 Ti ipattignah nan tataguh abablubabluy nan nidugah an abalinana
ya nan pamaliwanan da'yun tataguna.
11 At punnaudonyun makak hinad Babylon
ta taynanyu nan nun'appuhin ato'atonda ti paniaw ay da'yu.§ II Cor. 6:17. Nan Alin hi Cyrus ya inabulutna ta iyanamut nan papadid Babylon nan gina'un ma'usal hinan Timplun Apo Dios ad Jerusalem (Ezra 1:7-11).
Ya da'yun gun mangdon hinan gina'uh nan Timplu
ya mahapul an unudonyu nan nitugun an atonyu ta mibilang ayuh maphod.
12 Ya hay akakanyu ya adi mahkay mahapul an pun'itagtagyu ta lumayaw ayu
ti hi Apo Dios an dayawon tu'un holag Israel di mangipangpangulun da'yu ta ipapto' da'yu.”
Hay Punholtapan nan Baal Apo Dios* Unu hi Jesu Kristu.
13 Ya inalin Apo Dios di,
“Nomnomnomonyu an nan Baal'u ya maphod di pumbalinan di atona.
At mipabagtu ya e'gonan di tatagu Hiya.
14 Mu awniat manoh'a nan tataguh pannigandan Hiya
ti nidugah an mi'id di pohod hi pannigan hi odolna,
at adi ma'immatunan an ay bo'on taguh nangatda.
15 Mu awniat do'olda goh di manoh'a ay Hiyah abablubabluy
an ta"on un nan a'ali ya gunda mano"ol hi hinagangna.
Ti nan agguy nibaag ay dida ya tigonda,
ya ta"on hi un nan agguyda dengdengngol ya ma'awatanda mahkay.Ӡ Rom. 15:21.
*52:3 Hay ipa'innilan te ya inyabulut Apo Dios an numbalinon nan tindalud Babylon nan holag Israel hi himbut an mi'id di nibayad ay Hiya. At umat goh hina an ipakakna didah nan nihbutanda an mi'id di ibayadna.
†52:5 Rom. 2:24.
‡52:7 Rom. 10:15.
§52:11 II Cor. 6:17. Nan Alin hi Cyrus ya inabulutna ta iyanamut nan papadid Babylon nan gina'un ma'usal hinan Timplun Apo Dios ad Jerusalem (Ezra 1:7-11).
*52:12 Unu hi Jesu Kristu.
†52:15 Rom. 15:21.