29
Hay Apa"ian nan Babluy David
1 Mahmo' nan babluy tu'ud Jerusalem an ma'alih Ariel* Heten hapit ya umat hinan hapit di Hudyu an pun'onngan, at munhanul hi Isaiah hi nanapitdah verse 2.
an din numbabluyan din Alin hi David.
Manu ti atawotawon ya gun tu'u ngilinon
nan mahayhaynod an punnomnoman tu'uh nan pundayawan tu'un Apo Dios.
2 Mu pa"ion Apo Dios tun babluy tu'u an pun'onngan hi me'nong ay Hiya.
At awniat nidugah di kumilaan tu'u ya punlungdayaan tu'u
ti mumbalin tun babluy tu'uh ay pun'onngan an umayuhan di dalan di tatagu.
3 Ti ipa'alinay buhul ta li'ubonda tun babluy tu'u,
ya tababondah luta ya batuy nunlene'woh hinan allup tu'u
ta pumpattu'andan mangubat ay ditu'u.
4 At awniat nidugah di atayan tu'u an ta"on hi un tu'u mumpabadang,
ya adi madngol di hapit tu'un
umat hinan hapit di adi mattig an mid mapto' hi hapitona ti un tu'u iyab'abu'ab.
5 Mu hanan mun'abungot an buhul tu'u ya mumbalindah umat hi hupu' an mun'ipuo',† Hay ituduna nin ya nan na'abakan nan i'Assyria hidin 701 B.C.
at himbumaggadan mami'id.
6 Ti hi Apo Dios an nidugah di abalinana ya ipa'alinay mabi'ah an alyog,
ya puo', ya idul, ya ilat, ya nan gumiyagiyab an apuy.
7 At pogpogonan amin nan mangubat hitun babluy tu'un pun'onngan hi me'nong ay Hiya,
at mipaddungdah nan enap an inggibo' ay ya nami'id.
8 An umat hinan tagun na'ahhinaangan an en'enaponan gun mangan,
mu unat goh inggibo'na ya hihidyan munhihinnaang.
Ya umat goh hinan na'uwaw an ta"on hi unna en'enapon an gun uminum
mu wa ay ta igibo'na ya hihidyan na'u'uwaw.
At umat hinay ma'at hinan tatagun mangubat hinan nabagtun Duntug an Zion
ti namnamaondan mangabakda,
mu adi mabalin.
9 At adi ayu manoh'ah nan gun'u ibagan da'yun i'ibba' an tataguh tun ad Jerusalem
ti undan adiyu kulugon?
Undan nun'abulaw ya nun'abutong ayu ta munhinaggaw ayun dumalan
an ta"on hi un mi'id di ininumyu?
10 Mu hi Apo Dios ya pa'enlo'on da'yu ta mid inilayuh ma'ma'at,
ya ta"on un da'yun propeta ya nan udum an baal Apo Dios
ya paddungnay upupon Apo Dios di matayu.‡ Rom. 11:8
11 At hiyanan adiyu ma'awatan di ibalinan tun nipa'innila an la'tot ya ma'at ti ay nitudo' ya natimlian. At ipabahayu ay nan nitudo' hinan nanginnilan mumbaha ya alyonday, “Adi mabalin an bahao' ti natimlian!” 12 Ya wa ay goh ta ipabahayuh nan mi'id di inilanan mumbaha ya alyonday, “Ka'manna, ti mi'id ah inilamin mumbaha.”§ Hay pohdonan hapiton ya ta"on hi un nan tatagun nabagtuy adalda ya adida ma'awatan nan Hapit Apo Dios hi un mid nan Na'abuniyanan an Lennawan bumadang ay dida. 13 Hiyanan inalin Apo Dios di,
“Daten tatagu ya umalidan mundayaw ay Ha"in,
mu mid napto' ya un hapit ya anggay ti nat'on di wah nomnomda.
At nan aat di pundayawdan Ha"in ya un nonong ya inun'unudda nan itudtudun di tatagu.* Mat. 15:8-9; Mk. 7:6-7.
14 At hiyanan ato' di umipanoh'a ta way aton daten mumpunlayah an tatagun umogyat.
At ipattig'un mi'id di hulbin di la'eng di tagu,
at mumbalin atog nan nidugah di anala'engnan taguh mi'id di inilana.Ӡ Ac. 13:41; I Cor. 1:19.
15 Mahmo' ayuat an mangalih,
“Undan tigon Apo Dios nan gun tu'u aton
an adi tu'u tuwali ibagbagan Hiya?”
16 Mu da'yuat di mi'id di nomnomna!
Ti undan mabalin ta alyon di uklit an bangah nan nanuwin ay hiyay,
“Bo'on he"ay nanuwin ay ha"in, at agguymu inilay aat'u!”
unu alyonay,
“He"an nanuwin ay ha"in ya mi'id di ini'inilam!”‡ Rom. 9:20-21.
17 Nomnomonyuh ten immannung an ma'at an alyonay,
Adi madnoy§ Ma'at hinan Hinlibuy Tawon. at nan inalahan ad Lebanon ya mumbalin hi malumong,
at maphod hi punhabalan.
Mu henen maphod an punhabalan ya mumbalin hi inalahan.* Hay pohdonan hapiton ya nan na'ampan tagu ya awniat hiyay mipabagtu, ya nan mumpahiyan tagu ya awniat hiyay mipa'ampa.
18 At hitun adatngan nen algaw ya mabalin an donglon mahkay nan napu'it di mibahah nan liblu,
ya nan nabulaw ya paddungnay tigonda mahkay di patal.
19 Ya nan mumpa'ampa ya nan nun'awotwot an tatagu ya mawaday pun'am'amlongandan
malpuh nan me'gonan an Dios ad Israel.
20 Ya mapogpogda mahkay nan mangipaligligat hi i'ibbadan tatagu,
ya nan mungngohoy ay Apo Dios,
ya nan ommod hi unda mumbahol ya mapogpogda goh.
21 Ya ta"on un nan munlayah an ihtigu ta pangabakonday numbahol ya impamoltada nan mi'id di baholna,
ya ta"on un nan manandih amoltaan nan numbahol.
22 At hiyanan hi Apo Dios an nangibaliw ay Abraham ya inalinan ditu'un holag Israel di,
“Da'yun tatagu' ya adi ayu mahkay mabainan,
ya mi'id mahkay di ta'tanyu.
23 Ti tigonyu adya nan do'ol an imbabaluyyun wagah'un da'yu,
ya immatunanyu mahkay an mi'id di udum hi umat ay Ha"in an Diosyu an holag Israel.
Ya manoh'a ayu mahkay hinan aat'u,
at dayawona'.
24 Ya nan tatagun nibahhaw di unudonda ya ma'awatanda mahkay nan immannung an tudtudu,
ya din munlilih din hopapna ya abulutonda mahkay nan itudtudu',
at hiyay unudonda.”
*29:1 Heten hapit ya umat hinan hapit di Hudyu an pun'onngan, at munhanul hi Isaiah hi nanapitdah verse 2.
†29:5 Hay ituduna nin ya nan na'abakan nan i'Assyria hidin 701 B.C.
‡29:10 Rom. 11:8
§29:12 Hay pohdonan hapiton ya ta"on hi un nan tatagun nabagtuy adalda ya adida ma'awatan nan Hapit Apo Dios hi un mid nan Na'abuniyanan an Lennawan bumadang ay dida.
*29:13 Mat. 15:8-9; Mk. 7:6-7.
†29:14 Ac. 13:41; I Cor. 1:19.
‡29:16 Rom. 9:20-21.
§29:17 Ma'at hinan Hinlibuy Tawon.
*29:17 Hay pohdonan hapiton ya nan na'ampan tagu ya awniat hiyay mipabagtu, ya nan mumpahiyan tagu ya awniat hiyay mipa'ampa.