I Chronicles
Hay Aat Ten Liblu
Hay Nangitudo' eten Liblu: mid mapto' ya da Shemaiah ay Iddo (II Chron. 12:15).
Hay Nangitud'an da Ezra eten Liblu: nan Hudyu.
Hay Aat ten Liblu: nan Liblu an I Chronicles ya nan Liblu an II Chronicles ya na'ohhan libluh din penghana.
Hay Pohdon nan Ngadan ten Liblun Ibaga: nan patad.
Hay Gutud hi Nangitud'anan ten Liblu: hidin numbattanan di 458 B.C. hi engganah din 433 B.C.
Hay Teman ten Liblu: hay nahayhaynod an na'at hidin nalmuwan di tataguh tun luta ta engganah din numpapto'an nan Alin hi David ad Israel, ya nan udumnan aptan an tatagu ya nitudo' di napatadanda.
Hay Outline ten Liblu:
Hay PATAD nan Hudyu (1:1—9:34)
Hay patad Adam (1:1-3)
Hay patad Noah (1:4-27)
Hay patad Abraham (1:28-37)
Hay patad Edom (1:38-54)
Hay patad Israel (2:1—7:40)
Hay patad Saul (8:1-40; 9:35-44)
Hay patad nan udumnan iJerusalem (9:1-34)
Nan AꞋALIN nan Hudyu (10:1—29:30)
Nan Alin hi Saul (10:1-14)
Nan Alin hi David (11:1—29:30).
1
Hay Napatad an Nete"ah Holag Adam ta Engganan Abraham
Hi Adam hi Engganah nan Holag Noah
1 Hi Adam ya nunholag ta hi Seth,
ya nunholag hi Seth ta hi Enosh,
2 ya nunholag hi Enosh ta hi Kenan,
ya nunholag hi Kenan ta hi Mahalalel,
ya nunholag hi Mahalalel ta hi Jared,
3 ya nunholag hi Jared ta hi Enoch,
ya nunholag hi Enoch ta hi Methuselah,
ya nunholag hi Methuselah ta hi Lamech,
ya nunholag hi Lamech ta hi Noah.
4 Ya tuluday linala'ih imbabaluy Noah an da Shem, ya hi Ham, ya hi Japheth.
Nan Holag Japheth
(Gen. 10:2-5)
5 Nan linala'in holag Japheth ya da Gomer, ya hi Magog, ya hi Madai, ya hi Javan, ya hi Tubal, ya hi Meshek, ya hi Tiras.
6 Nan linala'in holag Gomer ya da Ashkenaz, ya hi Riphath, ya hi Togarmah.
7 Nan linala'in holag Javan ya da Elishah, ya hi Tarshish, ya hi Kittim, ya hi Rodanim.
Nan Holag Ham
(Gen. 10:6-20)
8 Nan linala'in holag Ham ya da Cush, ya hi Mizraim, ya hi Put, ya hi Canaan.
9 Nan linala'in holag Cush ya da Seba, ya hi Havilah, ya hi Sabta, ya hi Raamah, ya hi Sabteka.
Ya nan linala'in holag Raamah ya da Sheba ay Dedan.
10 Ya immimbaluy hi Cush ta hi Nimrod. Ya unat goh immilog ya hiyay nangam'ameh hidin gubat hi an amin hitun alutaluta.
11 Ya hi Mizraim di ommod nan tatagun holag Lud, ya holag Anam, ya holag Lehab, ya holag Naphtuh, 12 ya holag Pathrus, ya holag Kasluh (ya diday napu'agan nan iPhilistia), ya holag Caphtor.
13 Ya hi Sidon di pangpangulluh imbaluy Canaan ya un hi Heth, 14 ya hay holagna goh ya nan iJebus, ya nan holag Amor, ya nan holag Girgas, 15 ya nan holag Hiv, ya nan holag Ark, ya nan holag Sin, 16 ya holag Arvad, ya holag Zemar, ya nan holag Hamath.
Nan Holag Shem
(Gen. 10:21-31; 11:10-27)
17 Nan linala'in holag Shem ya da Elam, ya hi Ashur, ya hi Arphaxad, ya hi Lud, ya hi Aram.
Ya nan imbabaluy Aram ya da Uz, ya hi Hul, ya hi Gether, ya hi Meshek.
18 Ya immimbaluy hi Arphaxad ta hi Shelah, ya immimbaluy hi Shelah ta hi Eber.
19 Ya duway linala'ih imbabaluy Eber an hay oha ya hi Peleg* Hay pohdonan ibaga ya nagogodwaan. ti heden nitungawana ya din nagogodwaan nan tataguh tun luta, ya hay ngadan han agina ya hi Joktan.
20 Ya hi Joktan di hi aman da Almodad, ya hi Sheleph, ya hi Hazarmaveth, ya hi Jerah, 21 ya hi Hadoram, ya hi Uzal, ya hi Diklah, 22 ya hi Obal, ya hi Abimael, ya hi Sheba, 23 ya hi Ophir, ya hi Havilah, ya hi Jobab. An amin daten linala'i ya imbabaluy Joktan.
24 Nan himpangapun holag Shem ya da Arphaxad, ya hi Shelah, 25 ya hi Eber, ya hi Peleg, ya hi Reu,† Hiyah te pa'ahho'ho'dod an verse hinan Old Testament hinan hapit di English. 26 ya hi Serug, ya hi Nahor, ya hi Terah, 27 ya hi Abram (ma'innila an hiyah ne hi Abraham).
Nan Holag Abraham
28 Ya nunholag hi Abraham ta duwaday linala'i an da Isaac ay Ishmael.
Nan Holag Hagar an hi Ishmael
(Gen. 25:12-16)
29 Hiyatuy holag Ishmael: hi Nebaioth di pangpangullu, ya un hi Kedar, ya hi Adbeel, ya hi Mibsam, 30 ya hi Mishma, ya hi Dumah, ya hi Massa, ya hi Hadad, ya hi Tema, 31 ya hi Jetur, ya hi Naphish, ya hi Kedemah.
Didanay linala'in imbabaluy Ishmael.
Nan Holag Keturah
(Gen. 25:1-4)
32 Didatuy holag Keturah an inyahawan Abraham: hi Zimran, ya hi Jokshan, ya hi Medan, ya hi Midian, ya hi Ishbak, ya hi Shuah.
Ya hay linala'ih imbabaluy Jokshan ya da Sheba ay Dedan.
33 Ya nan linala'in holag Midian ya da Ephah, ya hi Epher, ya hi Hanok, ya hi Abida, ya hi Eldaah.
An amin daten linala'i ya holag Abraham ay Keturah.
Nan Holag Sarah an hi Isaac
(Gen. 36:10-14)
34 Ya nunholag hi Abraham ta hi Isaac. Ya hay linala'ih imbabaluyna ya da Esau ay Israel.‡ Unu hi Jacob.
Nan Napatadan di Holag Esau
35 Ya didatuy linala'ih holag Esau an da Eliphaz, ya hi Reuel, ya hi Jeush, ya da Jalam ay Korah.
36 Ya hay holag Eliphaz ya da Teman, ya hi Omar, ya hi Zepho, ya da Gatam ay Kenaz.
Ya waday imbaluyna ay Timna an hi Amalek.
37 Ya hay holag Reuel ya da Nahath, ya hi Zerah, ya da Shammah ay Mizzah.
Nan Tatagun iSeir an Numpunhitud Edom
(Gen. 36:20-28)
38 Ya nan linala'in holag Seir ya da Lotan, ya hi Shobal, ya hi Zibeon, ya hi Anah, ya hi Dishon, ya hi Ezer, ya hi Dishan.
39 Ya nan linala'in holag Lotan ya da Hori ay Homam. Hi Timna ya babain pogtang Lotan.
40 Ya nan linala'in holag Shobal ya da Alvan, ya hi Manahath, ya hi Ebal, ya hi Shepho, ya hi Onam.
Ya hay linala'ih holag Zibeon ya da Aiah ay Anah.
41 Ya nan lala'in holag Anah ya hi Dishon.
Ya hay linala'ih holag Dishon ya da Hemdam, ya hi Eshban, ya da Ithran ay Keran.
42 Ya hay linala'ih holag Ezer ya da Bilhan, ya da Zaavan ay Akan.
Ya hay linala'ih holag Dishan ya da Uz ay Aran.
Nan A'ap'apud Edom
(Gen. 36:31-43)
43 Didatuy a'alin nahhun an numpapto' hinan babluy ad Edom ya un mawada din alin numpapto' hi ad Israel: da Bela an hina' Beor an hay babluyna ya ad Dinhabah.
44 Ya unat goh natoy hi Bela ya nihukat hi Jobab an hina' Zerah an nalpuh nan babluy ad Bozrah ta hiyay nun'ali.
45 Ya unat goh natoy hi Jobab ya nihukat hi Husham an nalpuh nan babluy nan iTeman ta hiyay nun'ali.
46 Ya unat goh natoy hi Husham ya hi Hadad an hina' Bedad an nangabak hinan iMidian hidih nan babluy ad Moab di nihukat an nun'ali. Ya hay babluy hi ni'babluyana ya ad Avith.
47 Ya unat goh natoy hi Hadad ya hi Samlah an nalpuh nan babluy ad Masrekah di nihukat hi nun'ali.
48 Ya unat goh natoy hi Samlah ya hi Shaul an nalpuh nan babluy ad Rehoboth an wadan di wangwang di nihukat an nun'ali.
49 Ya unat goh natoy hi Shaul ya hi Ba'al-Hanan an hina' Acbor di nihukat hi nun'ali.
50 Ya unat goh natoy hi Ba'al-Hanan ya nihukat hi Hadad ta hiyay nun'ali, ya hay babluy hi nalpuwana ya ad Pau. Ya hay ngadan ahawana ya hi Mehetabel an babain imbaluy Matred an ap'apun Me-Zahab. 51 Ya hi Hadad ya natoy.
Ya didatuy a'ap'apuh numpangipapto' ad Edom: hi Timna, ya hi Alvah, ya hi Jetheth, 52 ya hi Oholibamah, ya hi Elah, ya hi Pinon, 53 ya hi Kenaz, ya hi Teman, ya hi Mibzar, 54 ya da Magdiel ay Iram. Hiyanay numpun'ap'apuh ad Edom.