6
Siraw Babbalāsang di Nobya
1 “Nangayan Chadaw mwaw,
imo a kapipintasan do tabo mababakes?
Dino kinwanan ni Chadaw mo,
tan machipaychichwas kami dyimo?”
Iyaw Nobya dyirad Babbalāsang
2 “Si Chadaw ko, ki nangay do minoyongan* 6:2 No minoyongan, ki ladāwan no balāsang, kapaysin-ayat da, mana pagyanan daw no mababakes ni Solomon. Est. 2:3, 9 na
a yanan dan kayokayo a pangbangbanglo
a maychichwas daw kan mangpeh siras bakong.”
3 Dyira na yaken ni Chadaw ko. As iya, ki dyaken.† 6:3 Kan. 2:16
Pagarāben na saw arban na do kabakongan na.
No Chadadima a Daniw
Iyaw Baro di Ipapateg Na a Nobya
4 “Mapintas kaya mo Ipatpateg ko a akmas syodad a Tirsa,‡ 6:4 Tirsa, ki sintro no ammyānan a pagāryan do kapagāri ni Āri Omri.
Makadadaw ka a akmas Jerosalem.
Matan-ok ka a akmas bōyot dan soldādo a nakabandera.
5 Chiban mo aba yaken,
ta bahoden daya yaken mata mwaya.
Boboh mwaya, ki tomatāda a akmay arban kalding
a mosok do tarayahen no Gilead.
6 Siraw nyepen mwaya, ki akmas kayidak daw
no arban no mabinayi saw a karniro
a nakaraya do pariryosan daw.
Kāda nyepen, ki akmay myan kasingin na.
Aba dyiraw maychatanyi.§ 6:6 Kan. 4:2
7 Siraw pisnyi mwaya, ki akmas kabaya dan nakchid a granada
a abongan no abōngot mo.”
8 Myan anem a poho a reyna, wawaho a poho a minabakes,
kan birhin a babbalāsang a dya mabidangan.
9 Ki no boyit ko, iyaw asaw a abo pangpilāwan ko,
ki machitatārek a maychatanyi a balasāng ni ānang na
a taywara chinadaw no nangyanak sya.
Naboya dan babbalāsang saw, as tinawagan da mabindisyonan.
Siraw reyna kan minabakes, dinaydāyaw da iya.
No Atbay no Sīt no Baro
10 Sino nyaya magparang a akmay kapaysesēdang,
akmay kapintas no bohan, akmay karanyag no araw,
matan-ok akmas bōyot dan soldādo a nakabandera?
Iyaw Nobya di Chadaw Na a Baro
11 Minosok ako do kaalmendrasan* 6:11 Gen. 43:11; Eks. 25:33 a kayokayo
a manyideb siras magbosak do tanap
a manyideb an nagbōsel danaw kayokayo a ōbas
mana nagsabong dana saw granada.
12 Sakbay a natonngan ko, iyaw kakey kwaw, iyaw nangyangay dyaken
do logan saw a pachigobat dan tawotawo ko.
Siraw Babbalāsang
13 Maybidi ka, maybidi ka, O Solammita.† 6:13 No chakey na batahen Solammita, ki no abos pakapilāwan.
Maybidi ka, maybidi ka tan boyboyāen namen imo!
Iyaw Baro a Nobyo
Āngo ta chakey mo a boyāen si Solammita
a akmas tāda no Mahanaim?‡ 6:13 Mahanaim, ki ngaran no logar do dayāen no Oksong Jordan. No chakey na batahen, ki “dadwa a kampo.”
*6:2 6:2 No minoyongan, ki ladāwan no balāsang, kapaysin-ayat da, mana pagyanan daw no mababakes ni Solomon. Est. 2:3, 9
†6:3 6:3 Kan. 2:16
‡6:4 6:4 Tirsa, ki sintro no ammyānan a pagāryan do kapagāri ni Āri Omri.
§6:6 6:6 Kan. 4:2
*6:11 6:11 Gen. 43:11; Eks. 25:33
†6:13 6:13 No chakey na batahen Solammita, ki no abos pakapilāwan.
‡6:13 6:13 Mahanaim, ki ngaran no logar do dayāen no Oksong Jordan. No chakey na batahen, ki “dadwa a kampo.”