3
No Kapangokom no Dyos Siras Nasnasyon
1 Bata pa ni Āpo a kāna,
“Do dāwri sanchi a araw,
paybidyen ko saw naakawaw* 3:1 Mana “paybidyen ko kinabaknang no Joda kan Jerosalem”. do Joda kan Jerosalem.
2 Akpehen konchiw tabo nasnasyon,
kan iyosok ko sa do Payahosongan no Jehosapat.† 3:2 No chakey na batahen “Jehosapat,” ki mangokom si Āpo. Komwan do 3:12.
Dawrinchi iyaw pangokoman ko sira
maynamot do tabo pinarin da do tawotawo ko a Israel.
Ta pinaychawpit da sa do matatarek a nasyon,
kan biningbinglay daw tana ko.
3 Pinagbibinōnotan da saw tawotawo ko,
kan pinanādi da saw inadīpen daw a babbarīto so balangkantis.,
Insokmon da pa saw babbalasītang tan makaynom sa.‡ 3:3 Amo. 2:6; 8:6
4 “Āngo bibyang nyo dyaken, inyo a taga Tiro, Sidon, kan do tabo Pilisteo? Chakey nyori yaken a bahsen do asa a kaparin ko? An oyod, belan konchi inyo a bahsen do kaparin nyo! 5 Inhap nyo saw pirak kan balitok ko, as inkaro nyo kinabaknang ko a naiyangay sa dyirad timplo nyo. 6 Inlāko nyo saw tawotawo no Joda kan Jerosalem dyirad Griego tan patengen nyo sa do mismo a logar da.
7 “Changori, ihtot ko sa do logar saw a nangilākwan nyo dyira, kan bahsen ko inyo do pinarin nyowaya dyira. 8 Ipailāko ko sanchiw anak nyo a mahahakay kan mababakes dyirad tawotawo do Joda. As siranchiw no tawotawo do Joda, ki ilāko da sa dyira do taga Sabean a myan do mateng a nasyon.” Si ĀPO naychirin so nyaya.
9 Ipakatoneng nyo nyaya dyirad nasnasyon:
Magsagāna kamo a machigobat!
Yokayen nyo saw mabibīleg saw!
Nolay nyo sa a tabo a machigobat a maypasngen a mangdarop.
10 Chīpohen nyo saw lōkoy no arādo a payparinen a ispāda nyo,
kan payparinen nyo saw kompay nyo a chibot.
Nolay nyo iyaw makapsot a makabata a kāna,
“Mabīleg ako!”
11 Alistwan nyo mangay, inyo a tabo no nasnasyon do omdibon,
kan maychichipeh do payahosongan.
Iyosok mo saw taga-gobat mo, mo O ĀPO!
12 “Nolay mo saw nasnasyon a magsagāna,
kan mangay do Payahosongan ni Jehosapat.
Dawrinchi maydisna ako a Āpo
a mangokom so tabo nasnasyon do omdibon.
13 Taywara danaw karahet da.
Sigi, gapāsen nyo na sa,
ta naynoy dana sa a apīten.
Ngay, lasalasagan nyo sa akmay ōbas,
ta napno danaw pamīsan so ōbas.
Maglipyas dana saw angang a pangapyan so palek.”
14 Riniborībo myan do
payahosongan a pagdisisyonan.
On, ta masngen danaw no araw ni ĀPO
do payahosongan no pagdisisyonan.
15 No araw kan bohan, ki maysāri sanchi,
kan siraw bitohen, ki magranyag pa saba.
No Bindisyon no Dyos Dyirad Tawotawo Na
16 Kapaychirin ni ĀPO, komalebkeb a yapo do Sion,
kan akmay adey tīmek na do Jerosalem,§ 3:16 Amo. 1:2
as no tanaya kan no kademdeman, ki maychamirpirpir sanchi.
Ki si ĀPO, ki kamāngan dan tawotawo na,
kōta dan tawotawo no Israel.
17 “Matonngan nyonchi a yaken ĀPO a Dyos nyo,
ki omyan ako do Sion a masantwan a paytokonan ko.
Jerosalem, ki mayparin anchi a masantwan.
Mapirwa dabanchi a polos no gan-ganaet a sakōpen.
18 “Do dāwrinchi a araw, siraw tokotokon, ki maypopongos sanchi so kaobāsan.* 3:18 Do Hebreo a chirin, ki “manayēteng sanchi so bayo a palek”.
As no paytoytokonan, ki mawarasan no bāka.† 3:18 Do Hebreo a chirin, ki “oyogan no gatas”.
Tabo saw oksong do Joda, ki maychawyoyog.
Moyog anchiw akbod a yapo do timplo ni ĀPO,
kan ranoman nanchiw payahosongan no Sittim.‡ 3:18 Mana “payahosongan dan kayokayo a akasya” a taywara a mabkoh a logar.
19 Do Egipto, ki mayparin anchi a nainonolay.
Do Edom, ki mayparin anchi a let-ang
a maynamot do kinaranggas a pinarin da do tawotawo no Joda.
Ta do tana da, iyaw nangdimanan da so abo so gatos.
20 Ki do Joda, nāw danchi no tawo a omyan daw
kan do Jerosalem a manda do tabo kapotōtan.
21 Bahsen ko sanchiw nangdiman.
Pakawanen ko sabanchiw nakagatos,
ta yaken a ĀPO, omyan ako do Sion.”
*3:1 3:1 Mana “paybidyen ko kinabaknang no Joda kan Jerosalem”.
†3:2 3:2 No chakey na batahen “Jehosapat,” ki mangokom si Āpo. Komwan do 3:12.
‡3:3 3:3 Amo. 2:6; 8:6
§3:16 3:16 Amo. 1:2
*3:18 3:18 Do Hebreo a chirin, ki “manayēteng sanchi so bayo a palek”.
†3:18 3:18 Do Hebreo a chirin, ki “oyogan no gatas”.
‡3:18 3:18 Mana “payahosongan dan kayokayo a akasya” a taywara a mabkoh a logar.