1 Asa karaw, minosok si Samson do idi a Timna, as kan do dawri nakasirig so asa dyirad babalāsang daw no Pilisteo. 2 Do nakasabat naw, binata na da āmang kan ānang na a kāna, “Aryaw nasirig kwa balāsang do Timna. Kasarīta nyo pa saw inyapwan naw, ta kabahayen ko.”

3 Ki inyahes da āmang kan ānang na dya a kon da, “Namna, abawriw omno a mabakes dyirad kakabagyan mo saya mana dyirad tabo tawotawo ta a maparin mwa kabahayen? Āngo ta mangay ka dyirad dyaya nakōgit a Pilisteo a manghap so baket mo?”

Ki binata ni Samson di āmang na a kāna, “Isarīta nyo pa yaken, ta iyayaw chakey ko.”

4 Chinapatak daba da āmang kan ānang na a panggep ni ĀPO nya kaparin. Ta si ĀPO, panghapan na so gondāway a mangkontra siras Pilisteowaw. Do dāwri a chimpo, siraw Pilisteo mangitoray do Israel.

5 Sinpangan na, nachangay si Samson di āmang kan ānang na a minosok do Timna. Do nakapakarapit daw do kaobāsan saw do Timna, naychehat a myan orbon a lion a nayngernger a lomnongo di Samson. 6 Pinabīleg no Ispirito ni ĀPO, ta dawa, pinirit ni Samson iyaw lionaw do kakamay na lang kinakma nas orbonaw a kalding. Ki inbahey nabaw pinarin naw di āmang kan ānang na. 7 Sinpangan na, nangay a nachisarīta do balāsangaw, kan nagostwan ni Samson mabakesaw.

8 Nakahabas iyaw chimpo, do nakapaybidyaw ni Samson a mangabahay sya, somniwal do rarahanaw tan chiban naw bangkayaw no lion a diniman na. Naboya naw pangenaw no yokan kan tagapolotaw no yokan do irahemaw no nadimanaw a lion. 9 Kinodkod na do kakamay na a inhap kadwanaw a tagapolot no yokan, as kinan na do kayanaw a mayam. Do nakasabat naw da āmang kan ānang na, intoroh na dyiraw kadwanaw kan kinan da. Ki inbahey naba ni Samson a inhap naw tagapolotaw no yokan a yapo do nadimanaw a lion.

10 Iyaw āmang ni Samson, nachosok di Samson do yananaw no balāsangaw, as namarin si Samson so pasken daw, ta nawriw dadakay dan babbaro. 11 Do nakaboya daw sya no Pilisteowaw, tinorohan da so tatdo a poho a rārayay na machipasken dya.

12 Binata ni Samson dyira a kāna, “Myan borborcha ko dyinyo. An mapogtwan nyo chakey na batahen do irahemaya no papito a karaw a kapagpasken, torohan konchi inyo so tatdo a poho a laylay a mapīno kan tatdo a poho a kaparis a laylay a pagsokatan. 13 Amnan dyi nyo a mapogtwan, inyonchiw manoroh dyaken so tatdo a poho a laylay a mapīno kan tatdo a kaparis a laylay a pagsokatan.”

Dawa, binata da dya a kon da, “Na, ibahey mo paw borborcha mwaya. Adngeyen ta.”

14 Binata na dyira a kāna,

Homnabas danaw tatdo a karaw, ari da pad natbay borborchaw.

15 Do chapat naranaw a karaw, binata da di baket ni Samson a kon da, “Sikāpan mo pas lakay mo tan mailawlawag naw borborchaw dyamen. An dyi mwa parinen, sosohan namen imo kan bahayaw ni āmang mo. Inawis mori yamen dya a payparinen a mapobri?”

16 Dawa, nangay si baket ni Samson dya, kan tomanyitanyis a nakabata sya a kāna, “Chadaw mwaba yaken! Chaskeh mo sawen yaken! Nangyahes kayas borborcha dyirad tawotawo kwaya, ki inbahey mwabaya dyaken atbay na.”

Binata na a kāna, “Na, aran sa āmang kan ānang ko, ari ko pad inbahey dyira ah. Dawa, machita kori a ibahey dyimo?” 17 Nāw na tinanyitanyisan nya ni baket na do irahem no papito a karaw no kapagpasken. Ki do chapapito naranaw a karaw, inbahey ni Samson di baket na, ta mayhāt aba a mangyahahes. Do dāwri, inlawlawag ni baket na dyirad tawotawo naw. 18 Dawa, do chapapito naw a karaw sakbay a somdep no araw, binata dan mahahakayaw no idi di Samson a kon da,

Inatbay na dyira a kāna,

19 Do dāwri, pinabīleg no Ispirito ni ĀPO si Samson, as minosok si Samson do Askelon. Dawriw dinimanan nas tatdwaw a poho a mahahakay, binahas naw laylay daw, as kan nakaitoroh nas laylay da saw dyirad nangilawlawagaw so borborcha. Taywaraw nakapakasoli na a somnabat do bahay ni āmang na. 20 As iyaw baketaw ni Samson, naitoroh do rārayay naw a somnidong dya do nakapagkasar naw.