1 Tinongtong no akmaw tawo a mahakay a nakalaylay so mapīno a tela a kāna, “Do dāwrinchi a chimpo, magparang anchi si Migel* 12:1 Dan. 10:13, 21 a iyaw mabīlegaw a prinsipi a mangaywan siras tawotawo mo saw. Myan anchiw chimpo no kariribok a dyi pa naparin a nangrogi do nakaipatēnek da no nasyon a mandan do nawri a chimpo.† 12:1 Mt 24:21; Mk. 13:19; Pal. 12:7, 16:18 Ki anchan mangay nawri a chimpo, maisalākan sanchiw tawotawo mo a myan so ngaran do librowaw‡ 12:1 Eks 32:32-33; Sal. 69:28; Pal. 3:5 a nakaitolasan no ngarangaran. 2 Āro sanchi dyirad naynahah danaw do tanaya, ki magongar sanchi. Kadwan saw, ki mangnānam so byay a abos pandan. As no kadwan, ki mangdidiw sanchi so kasnesnek kan abos pandan a kaipsok.§ 12:2 Mt. 25:46 3 Siraw masisīrib, ki magranyag sanchi a akmas kasēdang no hanyit. Siraw mangipalongo so āro a tawotawo a mamarin so kalinteg, ki magranyag sanchi a abos pandan a akma siras bitohen.* 12:3 Mt. 13:43 4 Ki imom Daniel, honen mo kan silyowan mo iyaw librowaw a mandan do chimpo no panongpalan. Āronchiw mayyayo do dya kan dwadaw a mangpādas a mangnāyon so kapakatoneng da.”† 12:4 Pal. 22:10

5 Sinpangan na, yaken a si Daniel, ki nanyideb ako kan naboya ko paw dadwaw a tawo a naytēnek do salapen ko. No asaw, ki myan do payis no oksong. As iyaw asaw, ki do payis do kabtang naw no oksong. 6 Asa dyiraw no nangyahes do mahakayaw a naylaylay so mapīno a tela a myan do atwaw no oksong a kāna, “Maypāngo pa so kahay sakbay a matongpal saw nya makaskasdāaw a kaparin?”

7 Iyaw mahakayaw a naylaylay so mapīno a tela a myan do atwaw no oksong, ki naydedpa a napatohos siras tanoro naw do hanyit, kan nadngey ko a insapata na do ngaran no sibibyayaw a abos pandan a kāna, “Maparin anchi do irahem no tatdo kan godwa a katawen. Anchan machipanda danaw panakabalin da no tawotawowaw no Dyos, ki matongpal anchi a tabo nya saya.”

8 Nadngey ko iyaw inbahey naw, ki naawātan kwaba. Dawa, inyahes ko a kon ko, “O āpo, āngo iyaw kapachipanda tabo no nya?”

9 Binata na a kāna, “Mayam ka na, mo Daniel, ta nahon kan nasilyowan dana saw chirinaya a mandan do chimpo no panongpalan. 10 Āronchiw mangdalos so inawan da tan madalos sa a abos pakapilāwan. Ki siraw marahet saw, ki tongtongen danchiw karahet da, kan aba dyiraw kapakaāwat. Siranchi lang masisīrib saw myan so kapakaāwat.

11 “Mangrogi do chimpwaw a nakapenpen no kararawaw a kapangidāton, kan nakapatnek no makamwamomwaw a mangrārayaw,‡ 12:11 Dan. 9:27; 11:31 ki myan 1,290 a karaw. 12 Ay, āngwa kabindisyon no makapangnanaya kan nāw na a mapodno mandan pandan no 1,335 a karaw.

13 “Ki imo mo Daniel, nāw mo a mapodno a mandanchan pandan. Maynahah kanchi, as anchan marapit iyaw panongpalan, maytēnek kanchi a mangrawat so pinakabinglay mwaw a tāwid mo.”