1 यीशु ई मातगोळी अंदुन अदिक तान कण्णगोळी आकाश इन दी म्याकुच नेगुकु अंदुन, “हे आप्पा, अद घळी होट बंदाद; तान पार उन महिमा माळ कि पार भी नीन महिमा माळुल, 2 यतिकी नी आऊक सप्पा प्राणीगोळ मा अधिकार कोट्या, कि यारी नी आऊक कोट्या आ सप्पा अक आव अनन्त जीवन कोळुल. 3 अदिक अनन्त जीवन ईद आद कि आंदुर नीन ऊंद मात्र खरा परमेश्वर उक अदिक यीशु मसीह अक, यारी नी कळ्या, जानसुल. 4 जो क्याल्सा नी नानी माळली कोटीद, अदरी पुरा माळकु ना पृथ्वी मा नीन महिमा माळीन. 5 ईग हे आप्प, नी तान सांगुळ नान महिमा आ महिमा देल माळ जो दुनिया अन दुनिया से पयले, नांद नीन सांगुळ ईरोद.

6 “ना नीन हेसुर आ मंळसागोळ मा प्रगट माळीन यारी नी दुनिया दा टु नानी कोट्ट. आंदुर नीनोर ईरोर अदिक नी आंदरी नानी कोट्ट, अदिक आंदुर नीन वचन इक मान्स कोंडुर. 7 ईग आंदुर जान्स कोंडुर कि जो येनारा नी नानी कोट्या अद सप्पा नीन दी टु आद; 8 यतिकी जो वचन नी नानी कोट्ट, ना अवरी आंदुर हाती पोहचुस बुटीन; अदिक आंदुर अवरी ग्रहण माळदुर, अदिक खरा खरा जान्स कोंडुर कि ना नीन दी टु बंदीन, अदिक विश्वास माळ कोंडुर कि नी अच नानी कळ्या. 9 ना आंदुर साटी विनती माळतीन; दुनिया अन साटी विनती माळालीन लेकीन आंदुर्दा साटी यारी नी नानी कोट्या, यतिकी आंदुर नीनोर उर; 10 अदिक जो येनारा नांद आद अद सप्पा नींद हुन, अदिक जो नींद हुन अद नांद हुन, अदिक ईऊर देल नांद महिमा प्रगट आग्याद. 11 ना ईग दुनिया दा ईरतीदील, लेकीन इंदुर दुनिया दा ईत्‍तार, अदिक ना नीन हात्‍ती बरतीन. हे पवित्र आप्प, तान आ हेसुर देल जो नी नानी कोट्या, अऊर्द रक्षा माळ कि अव नाम घाई ऊंद आगुल. 12  ✡ १७:१२ यूहन्ना १३:१८याग ना आंदुर सांगुळ ईरीन, रा ना नीन अद हेसुर देल, जो नी नानी कोट्या अदुर्द रक्षा माळदीन. ना आंदुर्द सावधानी माळदीन, अदिक विनाश इन पार उक बिटकु आंदुर दा टु याऊ नाश आगीदील, इदुरसाटी कि जो पवित्रशास्त्र दा अंदकु आग्याद अद पुरा आगुल. 13 ईग ना नीन हात्‍ती बरतीन, अदिक ई मातगोळी दुनिया* १७:१३ पुरा दुनिया दा अनतीन, कि आंदुर नान खुशी तान दा पुरा आगुल. 14 ना नीन वचन आंदरी पोहचुस बुटीन; अदिक दुनिया आंदुर से दुश्मनी माळ्त, यतिकी ह्यांग ना दुनिया नव आल्लच, हांग अच आंदुर भी दुनिया नोर आल्लच. 15 ना ईद विनती माळालीन कि नी आंदरी दुनिया टु नेगु कोम; लेकीन ईद कि नी आंदरी आ दुष्ट टु ऊळ्सकु ईट. 16 ह्यांग ना दुनिया नव आल्लच, हांगा आंदुर भी दुनिया नोर आल्लच. 17 सच्चाई अन द्वारा आंदरी पवित्र माळ: नीन वचन सही आद. 18 ह्यांग नी नानी दुनिया दा कळुद, हांगा ना भी आंदरी दुनिया दा कळुदीन; 19 अदिक आंदुर साटी ना तान तान इक पवित्र माळतीन, ताकी आंदुर भी सही अन द्वारा पवित्र माळकु आगुल.

20 “ना सिर्फ इंदुर्दा साटी विनती माळालीन, लेकीन आंदुर साटी भी जो इंदुर वचन इन द्वारा नान मा विश्वास माळ्यार, 21 कि आंदुर सप्पा ऊंद आगुल; ह्यांग नी हे आप्प नान दा आय, अदिक ना नीन दा आईन, हांग अच आंदुर भी नाम दा आगुल, यार से दुनिया विश्वास माळुल कि नी अच नानी कळ्या. 22 अद महिमा जो नी नानी कोट्या ना आंदरी अद कोट्टीन, कि आंदुर हांग अच ऊंद आगुल ह्यांग कि नाव ऊंद आयेव, 23 ना आंदुर दा अदिक नी नान दा कि आंदुर सिद्ध आगकु ऊंद आगेगुल, अदिक दुनिया जानसुल कि नी अच नानी कळ्या, अदिक ह्यांग नी नान से प्यार ईट्द हांग अच आंदुर से प्यार ईट्द. 24 हे आप्प, ना चाहासतीन कि यारी नी नानी कोट्या, येल ना आईन अल आंदुर भी नान सांगुळ ईरूल, कि आंदुर नान आ महिमा अक नोळुल जो नी नानी कोट्या, यतिकी नी दुनिया अन उत्पत्ति से पयले नान से प्यार ईट्द. 25 हे न्यायी आप्प, दुनिया नानी जानसीदील, लेकीन ना नीनी जान्सदीन; अदिक इंदुर भी जान्सदुर कि नी अच नानी कळ्या. 26 ना नीन हेसुर आंदरी हेळदीन अदिक हेळ्त ईराइन कि जो प्यार नीनी नान से ईरोद अद आंदुर दा ईरूल, अदिक ना आंदुर दा ईरूल.”