2
येसु पुटिह्तोग़
1 योहन पुटटापया, रोम सर्करता अगुस्तुस कय्सर राजानेनाह,* 2:1 रोम राजेमता बेरोग़ राजाल, तना राजेमता उंद-उंद पटटुन ताकिह कीयलाह, पटटुह्क ओर्विन तासिंदोग़, ओन गुमसि इंदुर. तना ताकिह कीयनव सबे देसेह्कनोरिन तमाङ-तमाङ पेदिर्क सर्करता पुस्तकतगा रास वेहतना (इतेके सिरगंचि कीयना) इनजोर उकुम वाता.† 2:1 रोम राजेमते मनवालोर लोकुरग्डाह सिद्वा एतना इनजि कय्सर राजाल इद्रमता सिरगंचि कीया वेहतोग़. 2 (इद सुरुमुनेता सिरगंचि आंदु, अद तूकने सुरिया पटटा गुमसि किविरिनियुस मतोग़.) 3 अस्के सबेटोर लोकुर तमाङ पेदिर्क रास वेहतलाह तमाङ तादोर-बाबोराङ नाह्कने अतोर. 4 अद्रमे योसेपि दाविद राजाना पुळ्गतोग़ मताह्कु, गालिल पटटा नासरेत नाटेनाहि पेसिसि दाविद पुटटद बेत्लेहेम नाग़ अतोग़, अद नाग़ यहुदा पटटे मता.‡ 2:4 इद पय्नम जोक-जोक 150 किलोमीटर्कना आंदु. बेत्लेहेम इतेके मेटापोग़ोन उदनद नाग़ आंदु. 5 योसेप तन्क मर्मिङ आयलाह ताल्ह्कतद मरियाना संगे तमाङ पेदिर्क रासलाह अतोर, अस्के अद नेलाङ हव्किस मता. 6 पया ओर अगा मनदह्पा ताना रिकम आयनद कगो एवता. 7 एवतस्के तान्क माळा पेकाल पुटटोग़. अस्के ओग़ पेकान गेंदे मुर्वेने ऊर्हचि, कोळ्कातगा पीर-डालाते तासता. बाराह्क इतेके गोटुदगा ओरेनाह्क जागा इले आस मता.
कोपालोरिह्क देवतुल्क कबुर वेहतह्ताङ
8 पया अग्डोर उय्तुर कोपालोर बटटगा तमाङ गोरेन मनदा कीसि, नग़्का-पिळ्विळ ओर राका कीसोर मतोर. 9 अस्के अगा देवुळता देवतुल ओरिह्क दिसता. दिसतस्के देवुळता लावता वेह्च ओरगा अरता. अरतस्के कोपालोर वेह्चतुन ऊळिस पका रेयतोर. 10 अचोटेने देवतुल ओरिन इता, “मीट रेयमाटु! इके केंजाट, नना मियेनाह्क बेसतल कबुर ततन. अद सबे लोकुरिह्क पका गिर्दा ईयनद कबुर आंदु. 11 नेंडु दाविद राजाना नाटे देवुळ लोहतोग़ु मीक पिसिह केवाल पुट वातोग़, ओग़े सामि किर्स्तु आंदोग़. 12 तेना सीना इद मन्ह्ता इतेके, ओग़ कस्मुल बाला पेकान गेंदे मुर्वेने ऊर्हचि, कोंदा कोळ्कातगा पीर डालाते तासतदिन मीट ऊळकिर,” इनजोर इता. 13 इतस्के अस्केडा-अस्केन तानगा वेल्लाङे देवतुल्क वासि, देवुळतुन जोहर कीसोरे,
14 “देवुळदीपतगा मनदनद देवुळतुह्क मान आयि.
नेदगा तान्क विचर वातोर मन्कलोरिह्क सुकम आयि,”
इनजोर इताङ.
15 पया अग्डाहि देवतुल्क मायताङ. अस्के कोपालोर तम-तमाय इतोर, “अलेट रा दटु! बेत्लेहेम नाटे अनजि, इगा बेद पोल्लो सामि मयेनाह्क कबुर लोहता अदिन ऊळकल अयो!” इनजोर इतोर. 16 इतस्के ओर दरि-मरि आसोर अग्डाह पेसतोर. बेत्लेहेम एवतस्के मरियान, योसेपिन ओसो कोंदाह्क पीर ईयनद जागातगा टेटेम अरस मतोग़ बाला पेकान ऊळतोर. 17 ऊळतस्के, “वेग़ पेकाना लोप्पा देवतुल वासि माक इद्रम इद्रम वेहता,” इनजोर अद पोल्लोतुन सबेटोरिह्क वेहतोर. 18 कोपालोर वेहतद पोल्लोतुन केंजवालोर सबेटोर बामतोर. 19-20 पया ओर तम्क वेहतपु, केंजतव, ऊळतव पोल्लोनेनाह्क देवुळतुन जोहर कीसोर, मान ईसोरे, तमाङ गोरेनके मल्स अतोर. मति मरियाल इव सबे आतव पोल्लोन तना पोटातगान तासिस, इविना बाताल अर्तम मंदग़ा इनजोर आलिह कींदु.
येसुन देवुळतुह्क विळ्सिस ईयनद रिवज कीस्तोर
21 पया मरियाल, योसेप वेर बाताल कीतोर इतेके, पेकाल पुटिसि आट दियाने ओना डायना रिवज कीतोर. कीतापया बेद्रम मरियानु नेलाङ हव्कनामुने देवतुल वेहच मता, अद्रमलेह्का पेकाना पेदिरि ओर येसु इनजोर तासतोर.
22-24 मोसानाङ अडोङ वेहतपु पेकाल पुटिस रिकम आतद आंचाळि रेंड वीसाङ दियाङ आनाह्जोम कळ्वोग़ आंदु. देवुळताङ अडोना सास्त्रमतगा रासतप लेह्का मरियाल कळ्वोग़ आताह्कु उंद जोळ परेवा पिटेङ, इलवेके उंद जोळ पोनळ पिटेङ बूमयानगा ईसि, मोक ईयना मता.✡ 2:22-24 लैव्यव्यवस्था 12:6-8 ओसो देवुळताङ अडोना सास्त्रमतगा, माळा मग़िन देवुळतुह्क विळ्सिसीयना✡ 2:22-24 निर्गमन 13:2,12 इनजोर रासतद मन्ह्ता.§ 2:22-24 मोसानाङ अडोना इसबते रिकम आतद आंचाळ कळ्वोग़ आस्ता. मति पेकाल पुटटेके, आट दियाने पेकाना डायना रिवज कीस्तोर, कीतापया तलोग़ि ओसो वने 33 दियाङ एवनाह कळ्वोग़तेन मन्ह्ता. ताना पया मोक ईसि, कळ्वोग़तग्डाहि एडिह्ता. अदिह्क ओन देवुळतुह्क विळ्सिसीयलाहि, मरियानाङ कळ्वोग़ताङ दियाङ मारतापया, अदु ओसो योसेप येसुन येरुसलेम सहरता मंदिरतगा ओतोर.* 2:22-24 यहुदिरा उंदिय मंदिर मता, अद येरुसलेम सहरते मता. अगाने ओरिह्क मोक ईयलाह पोलिंदु. दुस्राङ नाह्कने पार्तनाताङ लोह्क मताङ, अगा वारमता पोल्वादियात्कु जमा आसि देवुळता सास्त्रम कग़यंदुर.
सिमोन मुय्तोग़ देवुळता कबुर वेहतह्तोग़
25 ओरु पेकान मंदिरतगा ओतोर अस्के, सिमोन पेदिरतोग़ ओर्वोग़ सेतेमतोग़ मन्कल येरुसलेमतगा मतोग़. ओग़ कर्तुळते देवुळतुन मोळ्कवाल मतोग़. “देवुळ लोहवाल पिसिह केवाना कयदे इस्रयेलतोरिन सुद्रे कीयनद दिया बेस्के एवयग़ा,” इनजोर ओग़ अग़ ऊळसोर मंदोग़. ओसो देवुळता जीवा ओनगा अमेसा मंदु. 26 “बेचानाह पिसिह केवाल किर्स्तुन निमा ऊळविन आयकिन, अचानाह डोलविन आयकिन,” इनजोर देवुळता जीवा ओन वेहच मता. 27 पया देवुळता जीवा ओन वेहताह्कु, मरियाल ओसो योसेप मंदिरतगा वातद दिया, ओग़ वने मंदिरताङ मंडानगा वातोग़. मोसानाङ अडोनगा रासतप लेह्का येसुन देवुळतुह्क ईयनद रिवज कीयलाहि तलोग़-तपे तच मतोर. 28 अस्के सिमोन मुय्तोग़ ओरग्डाह पेकान एतोग़, एचि देवुळतुन जोहर कीसोर इतोग़.
29-32 “जोहर सामि! इस्रयेल लोकुरिन पिसिह केवाल किर्स्तुन
नावाङ कोंडाने नना ऊळतन.
सबे देसेह्कनोर ऊळनाह वेन निल्पिह कीस तासतिन.
वेग़ पेकाल वेह्चलेह्का मनदनोग़,
यहुदि आयवोरिन नीक पुन्पिह कीयलाह✡ 2:29-32 यशायाह 42:6; 49:6
ओसो इस्रयेलतोर यहुदिरिह्क मान दोर्किह कीयलाह.
अदिह्क निमा मुने वेहतप लेह्का नना सुकमते डोल पग़यकन,”
इनजोर इतोग़.
33 सिमोन मुय्तोग़ इतद पोल्लोतुन केंजिसि येसुना तलोग़-तपे बामतोर. 34 पया सिमोन मुय्तोग़ ओरिह्क बर्कतताङ पोल्लोङ वेहतोग़, वेहचि पेकाना तलिन इद्रम इतोग़ इतेके, “इगा वेल्लाटोर इस्रयेल लोकुर विस्वस केवोरु बूळेम आयिर, ओसो वेल्लाटोर विस्वस केवालोर पिसिर, इनजोर देवुळ वेन आचता. वेग़ देवुळतुन तोहतनद सीना मंदनोग़, मति लोकुर वेना पोग़ोन विस्वस केवालेवा वेन पास्कनुर. 35 इद्रम वेल्लाटोर लोकुरा पोटालोप्पाडाङ विचर्क एर्का आयनुङ. मति नीक इतेक इद्रम आयग़ा पिला, नीवा जीवातुन तल्वर कसेग़ते कोटटप लेह्का नीवा जीवा पका काल्सग़ा,” इतोग़.
हना सेळो देवुळता कबुर वेहतह्ता
36-37 अगा देवुळता कबुर वेहतनद हना पेदिरता उंदि रांडे मुते वने मता. अद रांडे मुते 84 वय्सता सेळो मता. अदु असेर पुळ्गतोग़ पनुयेलना मयाळ आंदु, मर्मिङ आस एळुङ वर्सानेन ताना मुजो डोलतोग़. अद सेळो जर्मिने मंदिरतगा अंदु. अनजि अमेसा उपस-पार्तना कीसोर देवुळतुन मोळ्किंदु. 38 सिमोन मुय्तोग़ येसुना तलोग़-तपेरा संगे वळ्ह्कसोर मतोग़, अस्के अद सेळो ओरगा वाता. वासि देवुळि इस्रयेल लोकुरिन तमा तिपलताहि बेस्के विळ्सिह कीयग़ा इनजोर केपवालोर लोकुरिन येसुना लोप्पा वेहता. वेहचि येसुनेनाह्क देवुळतुन जोहर कीता.
योसेप, मरियाल, वेरु लोन मलयह्तोर
39 अद्रमे पया मरियाल ओसो योसेप, देवुळताङ अडोना सास्त्रमते वेहतपु सबे उतुर्क मारिह कीतोर. कीसि गालिल पटटे मतद तमा नासरेत नाग़ मल्स अतोर. 40 पया ओरा पेकाल बेस लावते बेर्ससोर अतोग़. ओन देवुळि बेस बुदते निहचीता, ओसो ताना देय्वा अमेसा ओनगा मता.
येसु मंदिरतगा दास्तोग़
41 येसुना तलोग़-तपे वर्सा-वर्सातुह्क आवना पोल्वा† 2:41 इस्रयेल लोकुर मिसर देसेमते मतोर, अस्के ओराङ लोह्किन आविसि, मिसरतोराङ लोह्कनग्डाहि मुने पुटटोर पेकोरिन देवुळता देवतुल हव्कता (निर्गमन 12:29–30). हव्किसि इस्रयेल लोकुरिन मिसर देसेमतग्डाह पेसिह कीस तता, अद दियातुन सीता कीसि, इस्रयेल लोकुर इद आवना पोल्वा कीस्तोर. कीयलाहि येरुसलेम सहरता मंदिरतके अंदुर. 42 येसु बारा वय्सतोग़ आस मतोग़, अस्के वर्सातुह्क अतप, इद मल्का वने पोल्वातुह्क अतोर, ओरा संगे येसु वने अतोग़.‡ 2:42 यहुदिरगा बोग़ाय पेकाल बारा वय्सतोग़ आतस्के, ओन्कु यहुदिराङ अडोङ नोम पोयह्ता. 43 अतस्के पोल्वा मारनाह्जोम ओर अगान मतोर. मारतापया ओना तलोग़-तपे गालिल पटटके मल्स दायलाह पेसतोर, मति येसु मात्रम येरुसलेमतगान मतोग़, इदिन तपेर मुर्तिय पुनोर आस मतोर. 44 मावा संगे मल्स वावालोर लोकुराङ तुंगाना संगे, ओग़ मनदनोग़ इनजोर विचर कीसि, उंद दियाता पय्नम ताकिस मतोर. ताना पया तमा जीवातोरगा, पुतोरगा ओन पर्ह्क बोटटोर. 45 इके-अके पर्ह्किस ऊळतोर, मति येसु बेगान दोर्कोग़. दोर्कवाह्क ओसो वने येरूसलेमतेकेन पर्ह्कलाह मल्स अतोर.
46 इमा दिया ओन मंदिरताङ मंडानगा दोर्किह कीतोर. अस्के ओग़ यहुदि गूरुरा संगे उदिस ओराङ पोल्लोङ केंजसोर, ओरिन पोल्लोङ ताल्ह्कसोर ओरा संगे वळ्ह्कसोर मतोग़. 47 ओना पोल्लो केंजसोर मतोर सबेटोर, “वेग़ पेकाल पका उसरतोग़ आंदोग़ रा! पका बुदते पोल्लो मल्हतह्तोग़,” इनजोर बामतोर. 48 ओना तलोग़-तपे वने ओन ऊळिस पका बामतोर. पया ओना तलोग़ इता, “माक इद्रम बाराह्क तिपल कीतिन बाबा? मिय्माल, नना पका आलिह कीसोर नीक बेचोन पर्ह्कतोम एर्काये!” 49 इतस्के ओग़ पेकाल ओरिन, “मीट नाक इके-अके ऊळसोर पर्ह्कनायो मता, बह नावा बाबाना लोतगा§ 2:49 “नावा बाबाना लोतगा” इतेके तना तपे योसेपना लोतगा आयो, मति येरुसलेमता देवुळता मंदिरतगा मनदनद पोल्लोतुन येसु इतोग़. नना मनदना इनजोर मीट पुनविरा?” इतोग़. 50 मति तलोग़-तपेरिह्क ओग़ इतद पोल्लो मुर्तिय तेळियो.
51 पया येसु तपेरा संगे तमा नासरेत नाग़ अतोग़. पेकाल ओरा पोल्लो केंजसोर ताकिंदोग़. ओना तलोग़ इव सबे पोल्लोन तना पोटातगा तासिस आलिह कीसोर मता. 52 अद्रमलेह्का येसु बेर्ससोर अतोग़. बेद्रम बेर्सिंदोग़ अद्रमे बुद पुंजोर अंदोग़. ओसो देवुळतुह्कु वने, मन्कलोरिह्क वने विचर वातप ताकिंदोग़.
*2:1 2:1 रोम राजेमता बेरोग़ राजाल, तना राजेमता उंद-उंद पटटुन ताकिह कीयलाह, पटटुह्क ओर्विन तासिंदोग़, ओन गुमसि इंदुर.
†2:1 2:1 रोम राजेमते मनवालोर लोकुरग्डाह सिद्वा एतना इनजि कय्सर राजाल इद्रमता सिरगंचि कीया वेहतोग़.
‡2:4 2:4 इद पय्नम जोक-जोक 150 किलोमीटर्कना आंदु. बेत्लेहेम इतेके मेटापोग़ोन उदनद नाग़ आंदु.
✡2:22-24 2:22-24 लैव्यव्यवस्था 12:6-8
✡2:22-24 2:22-24 निर्गमन 13:2,12
§2:22-24 2:22-24 मोसानाङ अडोना इसबते रिकम आतद आंचाळ कळ्वोग़ आस्ता. मति पेकाल पुटटेके, आट दियाने पेकाना डायना रिवज कीस्तोर, कीतापया तलोग़ि ओसो वने 33 दियाङ एवनाह कळ्वोग़तेन मन्ह्ता. ताना पया मोक ईसि, कळ्वोग़तग्डाहि एडिह्ता.
*2:22-24 2:22-24 यहुदिरा उंदिय मंदिर मता, अद येरुसलेम सहरते मता. अगाने ओरिह्क मोक ईयलाह पोलिंदु. दुस्राङ नाह्कने पार्तनाताङ लोह्क मताङ, अगा वारमता पोल्वादियात्कु जमा आसि देवुळता सास्त्रम कग़यंदुर.
✡2:29-32 2:29-32 यशायाह 42:6; 49:6
†2:41 2:41 इस्रयेल लोकुर मिसर देसेमते मतोर, अस्के ओराङ लोह्किन आविसि, मिसरतोराङ लोह्कनग्डाहि मुने पुटटोर पेकोरिन देवुळता देवतुल हव्कता (निर्गमन 12:29–30). हव्किसि इस्रयेल लोकुरिन मिसर देसेमतग्डाह पेसिह कीस तता, अद दियातुन सीता कीसि, इस्रयेल लोकुर इद आवना पोल्वा कीस्तोर.
‡2:42 2:42 यहुदिरगा बोग़ाय पेकाल बारा वय्सतोग़ आतस्के, ओन्कु यहुदिराङ अडोङ नोम पोयह्ता.
§2:49 2:49 “नावा बाबाना लोतगा” इतेके तना तपे योसेपना लोतगा आयो, मति येरुसलेमता देवुळता मंदिरतगा मनदनद पोल्लोतुन येसु इतोग़.