“ ‘Oyo akwata enkota omusanvu omu ngaloye endiiro, era atambulira akati wʼebikondo byʼamataala omusanvu ebya zaabbu, binu niibyo ebyakoba ati: 2 Mmaite kusani ino ebikolebyo nʼokwefaakukwo, nʼokuguminkirizakwo. Mmaite nga toyezya kuguminkiriza ababbibabbi. Era abo ababbaire beeyeta abatume neye nga tibatume, wabagezeserye nʼobabona nga babbeyi. 3 Oli nʼobuguminkiriza, wagumiire ebigosi ebyakutuukireku byonabyona okulwange, nandi nʼowaamu omwoyo.

4 “ ‘Neye era, ndi na kiinu ekinkuvunaana: Walekere okutaka okuwabbaire nakwo okwasookere. 5 Aale oyewukirye egiwagwire nʼozwa omu bwomi obutuukiriire era weenenye, okole ebiwakolanga oku ntandiika. Ewatenenye, njaba kwiza egyoli, nkubonereze nga ntoolawo ekikondokyo ekyʼeitaala omu kifo kyakyo. 6 Neye kinu niikyo ekisa ekyoli nakyo: Ocaawa ebikole zena ebincaawa ebyo ebyʼabasengereri bʼenjegesya ya Nikolaawo. Ibo abo beegesya bati ebikole ebibbibibbi ebyʼomubiri tibyonoona omwoyo.’

7 “Ali nʼamatwi, awulire oMwoyo oMweru ekyakoba amakanisa. Oyo awangula amaani ga Sitaani, nalimuwa obwezye okulya oku bineneka byʼomusaale oguwa obwomi obutawaawo, oguli omu kifo ekyokwesiima ekya Kibbumba.” 2:7 Nta 2:9; Bil 22:2; Zek 28:13; 31:8

“ ‘ASooka era aSembayo, eyabbaire afiire tete nʼabba omwomi, 2:8 Isa 44:6; 48:12; Bil 1:17; 22:13 binu byakoba ati: 9 Mmaite okugadakwo, era omu byobusuni bwʼomu kyalo oboneka ooti oli mudoobi, neye omu bya mwoyo nkubona ngʼoli musuni. Mmaite nʼebizumi abo abeeyeta aBayudaaya ebibakuzumire, neye nga tiBayudaaya, wazira basengereri ba Sitaani. 10 Tiwaatya ebigosi byonabyona ebyoyaba okubitamu. Obone, oSitaani yatira okuteeka abamo kwinywe omu mabbuusu okubagezesya, era balibayiigaanirya enaku ikumi. Obbenge omwesigwa nʼowekibba kyakutuuca ku kufa, nze nalikuwa obwomi ngʼengule eraga obuwangulibwo.

11 “ ‘Ali nʼamatwi, awulire ekyo oMwoyo oMweru ekyakoba amakanisa. Oyo awangula amaani ga Sitaani, okufa okwokubiri, okwa musyo ogutalikira emirembe nʼemirembe, tikwalimukolaku kabbikabbi konakona.’ ” 2:11 20:14; 21:8

“ ‘Oyo aali nʼempiima enjogi oku mba gyayo gyombi, binu byakoba ati: 13 Mmaite egyobba, niiwo awali ekitebe ekyʼobwakabaka bwa Sitaani. Neye iwe osigaire ngʼokalangukiire ku ninze. Nʼomu kiseera Antipa, omujulizi wange omwesigwa owebamwitiire e waanywe oSitaani egyabba, iwe wasigaire ngʼokaali onjikiririryamu.

14 “ ‘Neye ndiku nʼebitontono ebinkuvunaana, olwakubba eeyo oliyo nʼabasengererya okwegesya kwa naabbi owʼobubbeyi oBbalamu. Eira eino yayegeserye okabaka oBbalaki okwesiitaalya aBaisirairi balye ebintu ebibawongere eeri ebifaananyi, era bakole ebyobulendi. 2:14 Kub 22:5,7; 31:16; Ama 23:4; Kub 25:1-3 15 Otyo era wena oli nʼabasengererya okwegesya kwa Banikolaawo. 16 Kale weenenye. Oteenenye, njaba kwiza mangu egyoli, ndwanisye abantu abo nʼempiima eyʼomu munwa gwange, niikyo ekibono kyange.

17 “ ‘Ali nʼamatwi, awulire oMwoyo oMweru ekyakoba amakanisa. Oyo awangula amaani aga Sitaani, nalimuwa oku kyokulya ekibise. Era nalimuwa eibbaale eryeru, eribawandiikireku eriina eriyaaka, omuntu ogondi yenayena eryatamaite, okutoolaku oyo alisuna.’ ” 2:17 Kuz 16:14-15; 16:33-34; Yok 6:48-50; Isa 62:2; 65:15

“ ‘OMwana wa Kibbumba, aali nʼamaiso agaaka ooti kulunkuuma kwa musyo, nʼebigere ebiri ooti bbulonzi ogubalambiriirye kusani, binu niibyo ebyakoba ati: 19 Mmaite ebyokola. Mmaite okutakakwo, nʼokuguminkirizakwo, nʼokwikiriryakwo, nʼokuweereryakwo. Era mmaite ngʼebyokola atyanu bingi okukiraku ebiwakolanga omu kusookesya.

20 “ ‘Neye ndi na kiinu ekinkuvunaana: Omukali oYezebbeeri eyeeyeta onaabbi wamulekere nʼacaamya abasengereri bange, ngʼabeegesya okwenda nʼokulya ebibawongere eeri ebifaananyi. 2:20 1Ba 16:31; 2Ba 9:22,30 21 Namuwaire eibbanga okwenenya alekewo obulendibwe, neye nʼagaana. 22 Kale njaba okumuteeka oku kitaliri abbe omu kugada okunene aamo nʼabo abayenda naye, owebateenenye ebyo ebibakola naye. 23 Era abasengereribe nalibaita, kaisi awo amakanisa gonagona gategeere gati ninze oyo akebera ebiseego nʼemyoyo. Buli moiza kwinywe nalimuwa ekimusaaniire, nga nsinzirira ku bikolebye. 2:23 Zab 7:9; Yer 17:10; Zab 62:12 24 Neye inywe abʼomu Siyatira abamo abataikirirya enjegesya gya mukali oyo embiibbi, era abatamaite ebyo abandi ebibeeta ebyama ebyʼomunda eino ebya Sitaani, mbakoba nti tinjaba kubatiika buzito bundi. 25 Wazira mukikalangule ekyo ekimuli nakyo paka owenaliiza.

26 “ ‘Oyo awangula amaani ga Sitaani, nʼakola ebindagira paka oku nkomerero, nalimuwa obwezye okufuga amawanga, 27-28 nga zena oBbaabba oweyampaire. Yaligafuga nʼobwezye bungi ooti muntu akubbisya omwigo gwʼekyoma; yaligaatyaga ooti yoodi ayatyaga ebibya. Era, nalimuwa onkota owʼamakeezi, ekitegeeza ekitiisya ekya muntu omuwanguli.’ 2:26-28 Zab 2:8-9 29 Ali nʼamatwi awulire oMwoyo oMweru ekyakoba amakanisa.”