3
Abakali nʼabasaiza abafumbo
1 Aale inywe abakali abafumbo, nywena omu ngeri enanyere eyo mugonderenge abaibaanywe. Mukolenge mutyo kaisi oolwo, singa omu baibaanywe mubbaamu kwibo abataikiririrya omu kibono kya Kibbumba, beezye okucuuka lwʼebikole byanywe ebisa neye nga tirwʼokubalaabbira. 3:1 Bef 5:22; Bak 3:18 2 Abaibaanywe abo bacuuka ni babba baikiririrya owebabona bati mubawa ekitiisya era engeri egimwebityamu nkenene. 3 Nʼolwekyo obuŋoono bwanywe tibwasinziriranga kubya ku ngulu, ekikoba kiti, ngʼomu misono gyʼenziiri, nʼomu kuzwalanga ebyʼamajolobero ebyʼezaabbu nʼomu bizwalo ebyʼebbeeyi eino. 3:3 1Te 2:9 4 Wazira, buli nʼokusinzirira ku kiikyo ekimuli omu bwomi bwanywe obwʼomwoyo. Ibwo nago nga buŋoono obutacucuka, ibwo budi obwa mu mwoyo ogwʼeiwooyo era omuwombeeki. Era obuŋoono obwo ibwo bwʼebbeeyi yʼamaani ino omu maiso ga Kibbumba. 5 Ekyo kityo olwakubba nʼabakali abeeru omu myoyo abʼeira. Ibo ababbaire nʼokusuubirira omu Kibbumba, eyo niiyo engeri egibeewomyangamu. Ibo babbaire bagondera abaibaabwe. 6 Ekyokuboneraku niikyo ekya Saala iye eyawuliranga oIbbulaimu, era ngʼoSaala amweta musengwawe. Kale inywe abakali abafumbo mubba ooti baala ba Saala singa owemukola ebituuce era nga mpaawo kutya. 3:6 Nta 18:12
7 Kaisi inywe abasaiza, nywena omu ngeri enanyere eyo, nga muli omu bufumbo bwanywe, mubityenge kusani abakali baanywe. Era mubawenge ekitiisya nga mumaite muti ibo bainaanywe badi abanafu kwinywe, era muti bona basika bainaanywe abʼobwomi obutawaawo abantu obubasuna ngʼekirabo olwʼekisa kya Kibbumba. Mukolenge mutyo kaisi tiwaabbangawo ekikaisya esaala gyanywe. 3:7 Bef 5:25; Bak 3:19
Okugada olwʼokukola ekikole ekisa
8 Nga mmaliirirya, mbakoba nywenanywena nti mubbenge nʼomwoyo gumo, era buli moiza alumirwenge omwinaye, era mutakanganenge ngʼaboluganda, era mubbenge bʼekisa era abeewombeeka. 9 Era abantu owebababityanga okubbikubbi tete nywena timubasasulangamu nʼokubabitya kubbikubbi, ooba ababazumire, inywe timwabazumanga, wazira mubasabirenge nkabi. Ekyo kityo olwakubba ekyo niikyo ekibabeeteire, kaisi oolwo musune enkabi oKibbumba egiyabasuubizire. 10 Era nʼeKiwandiike kikoba kiti:
“Omuntu yenayena eyegomba okubbaawo oku kyalo
era ngʼali omu obwomi obusa,
ateekwa okwekuuma okutabba nʼolulumi olutali lusa
era nʼokutabba nʼentumula eyʼobubbeyi.
11 Era ateekwa okucuuka okuzwa omu bikole ebibbibibbi, nʼakolanga biidi ebisa;
era ateekwa kunoonianga idembe era lyabbe asengereryenge.
12 Ekyo kityo olwakubba oMusengwa oKibbumba alabirira abatuukirirye
era atega amatwige eeri kusaba kwabwe.
Neye oMusengwa oKibbumba ayakanisya abo ibo abakola ebibbibibbi.” 3:10-12 Zab 34:12-16
13 Kale aale naani eyalibakola obubbibubbi singa mubba bantu abayayaanira kukola bisa? 14 Neye waire wona singa mubba muli nʼokugada olwʼokukola ekikole ekisa, mubba muli nʼenkabi. Inywe timutyanga ebintu abantu ebibatya, era timubbanga waire nʼokweraliikirira. 3:14 Mat 5:10; Isa 8:12-13 15 Wazira inywe omu myoyo gyanywe iye oKurisito mumuwenge ekitiisya ngʼoMusengwa waanywe, era buliijo mubbenge beetegeki okwiramu buli muntu ababuulya ngʼataka mumusonzolere eisuubi erimulinalyo. Neye mukikolenge nʼobuwombeeki era nga mubawa ekitiisya, 16 nga mwekuuma okubba basa omu nseega yaanywe. Awo kaisi ibo abo ababakolera eitima nga batumula obubbibubbi oku mpisa gyanywe ensa omu Kurisito, beezye okuswala olwa kalebule waabwe. 17 Ikyo tete kikiraku obusa, singa kubba ikwo kusiima kwa Kibbumba, iye omuntu okugada olwʼokukola ebisa, okukiraku okugada olwʼokukola obubbibubbi.
18 Era kisa okugada olwʼokukola ebisa olwakubba oKurisito yena yagadire olwʼebibbibibbi byʼabantu bonabona era ni baita omubirigwe omulundi gumo lumala. Cooka iye nago omutuukirirye yafeerereire abatali batuukirirye olwʼokubaleeta eeri oKibbumba. OYesu oyo nago bamwitire neye oMwoyo oMweru nʼamusuuca mwomi omu mubiri. 19 Era omu maani ga Mwoyo oMweru onyere oyo, omwoyo gwa Yesu gwabire era ni gulaabba eeri emiigu egyabbaire omu mabbuusu omu Kiina eKitakoma. 20 Emiigu* 3:20 Ooba, Emiigu nʼemyoyo gyʼabamalaika badi abajeemeire oKibbumba. egyo niigyo egya bantu badi ababbaire bajeemeire oKibbumba eira oweyabbaire ngʼakaali abaguminkirizire omu kiseera ekyo oNuwa ekiyombekeiremu eryato. Era omu lyato eeryo abantu batono bati, ekikoba kiti, abeera munaana bonkani niibo abalamire okufa amaizi. 3:20 Nta 6:1–7:24 21 Era amaizi ago gabbaire geemererawo mu kifo kyʼokubatiza okwo ikwo okubalokola nywena omu naku ginu. Cooka okubatiza nago okwo tikubba kubanaabyaku iko ku mubiri, wazira kitegeeza inywe kusuubiza kubba nʼenseega ensa oku Kibbumba olwʼokuzuukira kwa Yesu Kurisito. 22 Era oYesu nago yaniinire omwigulu, era aliraine oKibbumba oku lubbaalwe olwʼengalo endiiro,† 3:22 Ooba, Ekifo ekikira obukulu. era oYesu ngʼafuga abamalaika, nʼebyobwezye era nʼebyʼamaani.