1 छ तबै लिउँइ स्‍वर्गर म्‍हिए हुलइ थेबै कैले छ बिरिब ङइ थेइ,

5 झाइले राजगद्दिउँइँले छ बिबै कै थेइ,

6 च लिउँइ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ,

9 च लिउँइ स्‍वर्गदूतइ ङने बिइ, “चु ताँ प्‍ह्रिद्: क्‍यु च्हजए ब्ह्‍याए न्हिम्तोर हुइब्मैं ङ्‍हो सब्मैं ग।” स्‍वर्गदूतइ धबै बिइ, “परमेश्‍वरजी बिबै क्ह्रोंसेंन्बै ताँमैं चुमैंन् ग।”✡ 19:9 मत्ती २२:२-३

10 स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।”

तलेबिस्याँ येशूजी पिंबै ग्वाइ अगमबक्‍तामैंइ पोंइ।

11 ङइ स्वर्ग थोंब् म्रोंइ। चर फोस्रे ब्योंबै घोडा घ्रि मुँल। च घोडाए फिर क्रेबै म्‍हिए मिं “भर लल् खाँब नेरो क्ह्रोंसेंन” बिब् मुँल। खीजी ठिक निसाफ लम्, ठिक निसाफ लबै ल्हागिर खीजी ल्हडें लम्।✡ 19:11 इज १:१; भज ९६:१३; यशै ११:४ 12 खीए मि मिए राब धों तब् मुँल। खीए क्रर ल्हें मुकुटमैं मुँल। खीए ज्युर मिं प्‍ह्रिथेंल, दिलेया च मिं खीजी मत्‍त्रे सेल।✡ 19:12 दान १०:६ 13 खीजी कोर प्ल्हुँबै क्‍वें खिल। खीए मिं “परमेश्‍वरए ताँ” बिब् मुँल। 14 स्‍वर्गर्बै फौजमैं खीए लिलि प्रइ। चमैं बेल्‍ले छ्याँब फोस्रे ब्योंबै क्‍वें खिसि फोस्रे ब्योंबै घोडाए फिर क्रेल। 15 ताँन् ह्रेंमैंलाइ ल्हिबर खीए सुँउँइँले छ्यारबै सेलाँ त्‍होंल। खीजी पैए प्‍हरे छेसि ताँन् ह्रेंमैंए फिर ग्याल्स लमा ताँन् भन्दा थेबै शक्‍ति मुँबै परमेश्‍वरए ह्रिसइ प्लिंबै कोल† 19:15 परमेश्‍वरए ह्रिसइ प्लिंबै कोल च कोल परमेश्‍वरए सजैंए नमुना ग। खीजी प्लेवाब्‍मुँ।✡ 19:15 भज २:९; यशै ६३:३; योए ३:१३; दर्शन १४:२० 16 खीए क्‍वें नेरो प्‍हाँर “प्रभुमैंए फिर्बै प्रभु, झाइले म्रुँमैंए फिर्बै म्रुँ,” बिबै मिं प्‍ह्रिल।

17 च लिउँइ स्‍वर्गदूत घ्रि त्‍हिंयाँए फिर रारिब् ङइ म्रोंइ। चइ थेबै कैले मुर प्‍हुरबै ताँन् नमेमैंने बिइ, “थेबै परमेश्‍वरए भत्यरर खो। 18 म्रुँमैं, कप्‍तानमैं, सिपाइमैं, घोडामैं नेरो घोडाए फिर क्रेब्‍मैं थेब, च्‍योंब, केब्छैंमैं, केब्छैं आङिंब्मैं ताँनए से चद्।”✡ 19:17-18 इज ३९:१७-२०

19 धबै च खेदो, पृथ्‍बीर्बै म्रुँमैं नेरो चमैंए फौजमैं च घोडाए फिर क्रेबै म्‍हि नेरो खीए फौजए बिरोधर ल्हडें लबर खब ङइ म्रोंइ। 20 दिलेया परमेश्‍वरए फौजमैंइ च खेदो नेरो स्योर तेबै अगमबक्‍तालाइ‡ 19:20 स्योर तेबै अगमबक्‍ता च ङ्हिंखेबै आछ्याँबै खेदो ग (१३:११-१८)। क्‍हाइ। (च स्योर तेबै अगमबक्‍ताइ च खेदोए उँइँर ओंसों औदिबै चिनुमैं लसि खेदोए छाप किंब्‍मैं नेरो चए कुए पूजा लब्‍मैंलाइ स्योलिबै ताँ पोंसि चमैंए सैं खेंमैं ङाँइ च्यारवाल।) छतसि चमैं ङ्हिं सोगोंन् मि लुँरिबै बारुदए होंल्दोंर भ्योंवाइ।✡ 19:20 दर्शन १३:१-१८ 21 झाइले चमैंए ताँन् फौजमैंलाइ घोडाए फिर क्रेबै म्‍हिए सुँउँइँले त्‍होंबै सेलाँइ सैवाइ। धै ताँन् नमेमैंइ चमैंए से म्रेंन्ले चइ।