129
ङ कोलो मुँब् ओंनोन् चमैंइ ङए फिर ल्हें खे दुःख पिंइमुँ
कैंडो क्रेबै त्हेर्बै क्वे
1 “ङ कोलो मुँब् ओंनोन् चमैंइ ङए फिर ल्हें खे दुःख पिंइमुँ!”
2 “ङ कोलो मुँब् ओंनोन् चमैंइ ङए फिर ल्हें खे दुःख पिंइमुँ।
दिलेया चमैंइ ङलाइ ट्होल् आखाँइमुँ।
3 क्ल्याछैंमैंइ ङए क्होर क्ल्योइ;
चमैंइ खेंमैंए क्होरए फलिइ ङए क्हो तिगोंन् क्ल्योइ।
4 दिलेया याहवेहजी ठिक निसाफ लमुँ;
छतसि खीजी दुष्टमैंए योउँइँले ङ फ्रेमिंइमुँ।”
5 सियोन म्रोंसि छेरब्मैं
ताँन् फापिल् त्हुरिगे धै लिग्याँइ स्योयारिगे!
6 धिं फिर्बै छि धोंन् चमैं तब्मुँ!
फारब् भन्दा ओंसोंन् च ङ्योंलोंयाब्मुँ।
7 छि खैंमा च मुठ्ठि घ्रि या तल् आखाँ,
धै प्हैं फैमा च आङ्लो घ्रि या तल् आखाँ।
8 “याहवेहए आशिक क्हिए फिर तरिगे!
याहवेहए मिंर ङिइ क्हिलाइ आशिक पिंम्!” बिसि
च घ्याँ तसि ह्याब्मैंइ आबि।