127
याहवेहजीन् धिं आबनेस्याँ
कैंडो क्रेबै त्हेए ल्हागिर सोलोमनइ प्ह्रिबै क्वे
1 याहवेहजीन् धिं आबनेस्याँ
बनेब्मैंए के फाकर्न तम्।
याहवेहजीन् सहर आरुँमिंस्याँ
रुँब्मैंइ रुँब फाकर्न तम्।
2 चबै सैमैंए ल्हागिर
दुःख लबर न्हाँगर्न रेब
नेरो ङेसर क्हैल्ले रोबै या फाकर्न ग,
तलेबिस्याँ खीजी म्हाँया लब्मैंलाइ, न्हरु पिंम्।
3 च्ह च्हमिमैं याहवेहजी पिंबै आशिकमैं ग,
फो न्होंर्बै प्हसेमैं खीजी पिंबै इनाम ग।
4 ल्हडेर ह्याबै म्हिए योर्बै मे धों तब
फ्रें-छमिंर योंबै प्हसेमैं तम्।
5 त्हुर ल्हें मे मुँबै म्हि आशिक योंबै म्हि ग,
तलेबिस्याँ निया लबै क्ल्ह्योर शत्तुरमैंए उँइँर राल् त्हुमा च फापिल् त्हुरिब् आरे।